Marrëdhëniet mes Izraelit dhe Kosovës
Marrëdhëniet Izrael-Kosovë u referohen marrëdhënieve bilaterale midis Izraelit dhe Kosovës. Kosova e shpalli pavarësinë e saj nga Serbia më 17 shkurt 2008. Izraeli e ka njohur Kosovën më 4 shtator 2020, kur u lajmërua nga presidenti i Shteteve të Bashkuara, Donald Trump që Izraeli dhe Kosova e kanë njohur njëra-tjetrën dhe mes këtyre dy shteteve do të vendosen marrëdhënie diplomatike.[1]
 | |
 Izraeli |
 Kosova |
|---|---|
Marrëdhëniet politike
RedaktoIzraeli ishte i gatshëm ta njohë pavarësinë e Kosovës pjesërisht sepse një zyrtar i Ministrisë së Jashtme izraelite të cituar tashmë nga "Jeruzalem Post" tha në shkurt 2008: "Ne nuk kemi vendosur se kur do të vendosim, dhe në vend të kësaj do të monitorojmë ngjarjet dhe do të shqyrtojmë çështjen."[2]
Sipas Kronikës Hebraike, zyrtarë të Ministrisë së Jashtme dhe politikanë po shpreheshin privatisht një simpati të përgjithshme ndaj kauzës kosovare, megjithatë, Izraeli ende nuk do ta njihte Kosovën.[3] Anëtari i Knesset, Ruhama Avraham Balila tha në shkurt 2008 se "aktualisht qeveria e Izraelit ka marrë [vendimin] të mos bashkohet me grupin e vendeve që njohën pavarësinë e Kosovës." Ajo gjithashtu tha se Izraeli e konsideron situatën "shumë shqetësuese".[4]
Më 28 prill 2009, Arthur Koll, ambasadori izraelit në Serbi, tha që megjithëse kishte kaluar më shumë se një vit që nga koha kur Kosova e shpalli pavarësinë në mënyrë të njëanshme, Izraeli nuk kishte ndërmend ta njohë deklaratën, dhe se "Izraelit i kërkohet herë pas here se sa solid është ky vendim, por fakti është se pozicioni i Izraelit nuk ka ndryshuar gjatë gjithë kësaj kohe. Populli dhe qeveria serbe duhet të vlerësojnë qëndrimin e Izraelit, i cili tregon edhe miqësinë midis dy shteteve."[5][6]
Më 16 shtator 2009, Ministri i Jashtëm izraelit Avigdor Lieberman tha se Izraeli "po monitoron situatën midis Serbisë dhe Kosovës" dhe se Izraeli shpreson për "një zgjidhje vërtet gjithëpërfshirëse dhe paqësore" e cila do të vendoset përmes negociatave midis dy shteteve të përfshira. Lieberman tha gjithashtu se Izraeli do të jetë në gjendje t'i rezistojë presionit për ta njohur Kosovën sepse Izraeli "ka qenë nën presion që nga viti 1948 për shumë çështje dhe ne e dimë se si të merremi me çdo presion".[7] Gjatë një vizite në Izrael në fund të tetorit 2009, Ministri i Brendshëm serb Ivica Dačić, tha se "zyrtarët izraelitë kanë konfirmuar që Izraeli do të mbetet i vendosur në qëndrimin e tij [ndaj Kosovës]".[8]
Në qershor 2011, Lieberman tha që pavarësia e Kosovës është një "çështje e ndjeshme" dhe se Izraeli mund ta njohë Kosovën pasi vendet e tjera si Greqia dhe Spanja ta pranojnë atë.[9]
Më 2011, Serbia votoi ta njohë Palestinën si anëtarin e 195-të të UNESCO-s, kundër dëshirave të Izraelit. Beogradi deklaroi se nuk do të kundërshtonte një rezolutë që do ta njohë sovranitetin palestinez, nëse do të dilte përpara Asamblesë së Përgjithshme të KB.[10]
Izraeli e ka njohur Republikën e Kosovës si një shtet të pavarur e sovran më 4 shtator 2020.[1][11][12] Për më tepër, Kryeministri Benxhamin Netanjahu ka përmendur se Kosova do të jetë shteti i parë me shumicë myslimane që do të hapë një ambasadë në Jeruzalem.
Shiko edhe
RedaktoReferime
Redakto- ^ a b Serbia to move embassy to Jerusalem; mostly Muslim Kosovo to recognize Israel, The Times of Israel, 2020-04-09
- ^ Israel won't recognize Kosovo, for now, The Jerusalem Post, 2008-02-19
- ^ Israel breaks ranks on Kosovo Arkivuar 17 korrik 2011 tek Wayback Machine , 2008-02-21, The Jewish Chronicle
- ^ Израиль пока не намерен признавать независимость Косово, 2008-02-19, RIA Novosti (në rusisht)
- ^ "Israeli position on Kosovo firm" Arkivuar 7 qershor 2011 tek Wayback Machine , B92.net, 2009-04-28
- ^ Izrael ne menja stav o nezavisnosti Kosova, 2009-04-28, RTS (në serbisht)
- ^ Press conference with FM Liberman in Belgrade, 2009-09-16, Israel Ministry of Foreign Affairs
- ^ "Israel firm in refusing to recognize Kosovo" Arkivuar 3 nëntor 2009 tek Wayback Machine , B92, 2009-10-28
- ^ Israeli will recognize Kosovo after Spain and Greece, says FM Arkivuar 1 korrik 2011 tek Wayback Machine , AlbanianEconomy.com, 2011-06-28
- ^ Adar Primor (13 mars 2012). "Israel, between Serbia and Kosovo". Haaretz (në anglisht). Marrë më 2012-03-18.
- ^ "Serbia, Kosovo normalize economic ties, gesture to Israel". AP NEWS (në anglishte amerikane). 2020-09-04. Marrë më 2020-09-04.
- ^ "Serbia, Kosovo to Open Israel Embassies in Jerusalem". The New York Times (në anglishte amerikane). Reuters. 2020-09-04. ISSN 0362-4331. Arkivuar nga origjinali më 7 shtator 2020. Marrë më 2020-09-04.