Olimpiadat Kombëtare të matematikës 1 (libër)

"Olimpiadat Kombëtare të matematikës 1" libër me Autorë Agim Karçanaj - Fatmir Hoxha.

Libri i parë, që merrni në dorë, përfshin njohuri nga teoria e numrave dhe nga algjebra. Elementet teorike (sidomos për algjebrën), janë rikonceptuar, ndërsa informacioni për kapitujt me ushtrime është përditësuar me elemente të dhëna në olimpiadat e vendeve të tjera, si dhe në ato ndërkombëtare. Ushtrimet janë shoqëruar me zgjidhjet përkatëse, por do të ishte e këshillueshme dhe e dobishme që nxënësit të mos nguteshin t’i shihnin këto zgjidhje e të shuanin shpejt e shpejt kërshërinë e tyre. Kuptohet, shembujt dhe modelet do t’i studiojnë bashkë me zgjidhjet, por problemat, që përbëjnë shtresëzimin e tretë të çdo kreu (të ndërtuar sipas skemës: teori-shembuj e modele ilustruese-problema), le të përpiqen t’i zgjidhin vetë.