Përparim Kovaçi
Përparim Kovaçi është një ish futbollist shqiptar. Gjatë gjithë karrierës së tij futbollistike ai ka luajtur me Klubin e Futbollit Tomori të qytetit të Beratit. Ai konsiderohet si futbollisti më i mirë në historinë e futbollit beratas.
| Të dhënat vetjake | |||
|---|---|---|---|
| Emri i plotë | Përparim Kovaçi | ||
| Datëlindja | 1 gusht 1956 (68 vjeç) | ||
| Vendlindja | Berat, Shqipëri | ||
| Gjatësia | 1.68 m (5 ft 6 in) | ||
| Pozicioni | Sulmues | ||
| Karriera me të rinjtë | |||
| –1972 | Tomori | ||
| Karriera me klube* | |||
| Vitet | Klubi | Ndeshje | (Golat) |
| 1972–1990 | Tomori | (100) | |
| 1981 | → Flamurtari (huazim) | 0 | (0) |
| Skuadra të menaxhuara | |||
| 2011–2012 | Tomori (assistant)[1] | ||
| 2012 | Tomori[2] | ||
| *Ndeshjet dhe golat me klubet llogariten vetëm për ligën vendase | |||
Kovaçi u aktivizua në futboll që kur ishte fëmijë në kampionatet midis lagjeve të qytetit të Beratit. Ai u dallua për aftësitë e tij për të shënuar gola.
Në sezonin 1972 – 1973 aktivizohet për herë të parë si sulmues me formacionin bazë të skuadrës së Tomorit. Që nga kjo kohë dhe deri në vitin 1990, kur i dorëzoi fanellën me numrin 10-të talentit tjetër beratas, Kliton Bozgos, Kovaçi do të bëhej idhulli i tifozerisë dhe lideri i skuadrës.
Në sezonin 1978 – 1979, ai shpallet golashënuesi më i mirë i Shqipërisë me 18 gola.
Kovaçi ka marrë pjesë në katër takime ndërkombëtare me ekipin e Flamurtarit, ku ka shënuar katër gola. Përparim Kovaçi mban titullin Mjeshtër Sporti.