Pangjermanizmi
Pangjermanizmi (gjermanisht: Pangermanismus ose Alldeutsche Bewegung), i njohur herë pas here si pangjermanicizmi, është një ide politike pannacionaliste. Pangjermanistët fillimisht u përpoqën të bashkonin të gjithë njerëzit gjermanishtfolës – dhe ndoshta edhe popujt gjermanishtfolës jogjermanë – në një shtet-komb të vetëm të njohur si Rajhu i Madh Gjerman (gjermanisht: Großgermanisches Reich), i stilizuar plotësisht Rajhu i Madh Gjermanik i Kombit Gjerman (gjermanisht: Großgermanisches Reich der Deutschen Nation).
Pangjermanizmi pati një ndikim të madh në politikën gjermane në shekullin e 19-të gjatë bashkimit të Gjermanisë kur Perandoria Gjermane u shpall si një shtet-komb në 1871, por pa Austrinë Habsburge (Kleindeutsche Lösung/Gjermania e Vogël) dhe në gjysmën e parë të shekullit të 20-të në Perandorinë Austro-Hungareze dhe në Perandorinë Gjermane. Nga fundi i shekullit të 19-të, shumë mendimtarë pangjermanistë, që nga viti 1891, të organizuar në Lidhjen pangjermane, kishin birësuar ideologji të hapura etnocentrike dhe raciste dhe përfundimisht i dhanë shkas politikës së jashtme Heim ins Reich të ndjekur nga Gjermania naziste nën Adolfin Hitlerin e lindur në Austri nga viti 1938, një nga faktorët kryesorë që çoi në shpërthimin e Luftës së Dytë Botërore.[1][2][3] Si pasojë e Luftës së Dytë Botërore, pati një reagim të qartë kundër pangjermanizmit dhe ideologjive të tjera të lidhura me to. Sot, pangjermanizmi është i kufizuar kryesisht në disa grupe nacionaliste, kryesisht në të djathtën ekstreme politike në Gjermani dhe në Austri.
- ^ Origins and Political Character of Nazi Ideology Hajo Holborn Political Science Quarterly Vol. 79, No. 4 (Dec. 1964), p.550
- ^ "Slik ble vi germanersvermere – magasinet". Dagbladet.no. 7 maj 2009. Marrë më 2012-01-24.
{{cite web}}: Mungon ose është bosh parametri|language=(Ndihmë!) - ^ Mees, Bernard (2008). The Science of the Swastika. Central European University Press. ISBN 978-963-9776-18-0.
{{cite book}}: Mungon ose është bosh parametri|language=(Ndihmë!)