Patrikana Ekumenike e Kostandinopojës

(Përcjellë nga Patrikana e Stambollit)

Patrikana e Stambollit ose Patrikana Ekumenike e Konstandinopojës (Greqisht: Οἰκουμενικὸν Πατριαρχεῖον Κωνσταντινουπόλεως, romanizuar: Oikoumenikón Patriarkhíon Konstantinoupóleos, Latinisht: Patriarchatus Oecumenicus Constantinopolitanus;[1] Turqisht: Rum Ortodoks Patrikhanesi ose İstanbul Ekümenik Patrikhanes "Patrikana Ortodokse Roman, Patrikana Ekumenike" ) është një nga katërmbëdhjetë deri në gjashtëmbëdhjetë kishat (ose "juridiksionet") autoqefale që së bashku përbëjnë Kishën Ortodokse. Në Turqi, jozyrtarisht quhet edhe Fener Rum Patrikhanesi, "Patrikana Romake e Fanarit". Ajo është në Stamboll dhe drejtohet nga Patriku Ekumenik i Kostandinopojës, aktualisht Bartolomeu I i Kostandinopojës, Kryepeshkopi i Kostandinopojës.

Simboli i Patrikanës Ekumenike të Kostandinopojës, siç gjendet në krye të hyrjes së përparme të Katedrales Patriarkale të Shën Gjergjit

Për shkak të vendndodhjes së saj historike si kryeqyteti i ish-Perandorisë Romake Lindore (Bizantine) dhe rolit të saj si kisha nënë e shumicës së kishave moderne ortodokse, Kostandinopoja mban një vend të veçantë nderi brenda Ortodoksisë dhe shërben si selia për Patrikun Ekumenik, i cili gëzon statusin e primus inter pares (i pari ndër të barabartët) midis prelatëve ortodoksë të botës dhe konsiderohet si përfaqësuesi dhe udhëheqësi shpirtëror i të krishterëve ortodoksë.

Patrikana Ekumenike promovon zgjerimin e besimit të krishterë dhe doktrinës ortodokse, dhe Patrikët Ekumenik janë të përfshirë në ekumenizëm dhe dialog ndërfetar, punë bamirësie dhe mbrojtjen e traditave të krishtera ortodokse. Çështjet kryesore për politikën e Patrikanës Ekumenike në shekullin e 21 përfshijnë sigurinë e besimtarëve në Lindjen e Mesme, pajtimin e kishave ortodokse dhe katolike romake[2] dhe rihapjen e Shkollës Teologjike të Halkiut, e cila u mbyll nga autoritetet turke në vitin 1971.[3] Në vitin 2018, Patrikana e Moskës ndërpreu bashkësinë me Patrikanën Ekumenike si rezultat i mosmarrëveshjeve mbi vendimin e tij për t'i dhënë autoqefalinë Kishës Ortodokse të Ukrainës.[4][5]

Referime Redakto

  1. ^ Pontificia Commissio Codici Iuris Canonici Orientalis Recognoscendo Vatican City State, 1978, p. 3 (latinisht)
  2. ^ "Pope Francis and Ecumenical Patriarch sign Christian unity declaration" (në anglisht).
  3. ^ Commander opposed Halki Seminary reopening over fears Arkivuar 2011-01-22 tek Wayback Machine Today's Zaman, 21 janar 2011.
  4. ^ "Russian Orthodox Church breaks "Eucharistic communion" with Patriarcate of Constantinople - Vatican News". www.vaticannews.va (në anglisht). 2018-10-16. Marrë më 2020-11-16.
  5. ^ MacFarquhar, Neil (2018-10-15). "Russia Takes Further Step Toward Major Schism in Orthodox Church (Published 2018)". The New York Times (në anglisht). ISSN 0362-4331. Marrë më 2020-11-16.