Poezi (Teodor Keko)

Poezi Gjinia: Poezi. Autori: Teodor Keko. Shtëpia botuese: "Dudaj". Viti i botimit 2013. Faqet e librit 320. ISBN 978-99943-0-315-1

Fragment nga libri:

Dashuri e përjetshme - Xhulit -

Nga dashuria që kam për ty

Mund të të shquaj edhe në mjegull.

Nga dashuria u ktheva sy,

I urtë, xhind, bohem, i rregullt.

Nga dashuria ditët e gjata

Në bukë i ktheva, kokrra tespije.

Me to të gjallë ndjenjën e mbajta,

Me to sfidova ankthin në pritje.

Nga dashuria në qiell i shtriva,

Me kokë në diell fjeta gjatë.

Dhe s'u pendova që të desha,

Ndërmend kam të të dua prapë.