Operacioni në Karpallak
Operacioni në Karpallak ishte një operacion i kryer nga ana e Ushtrisë Çlirimtare Kombëtare (UÇK-së) më 8 Gusht 2001 në fshatin Karpallak, Maqedoni, që rezultoi në vrasjen e 10 ushtarëve maqedonas të Ushtrisë Maqedonase. Ata u qëlluan kur kamioni i tyre mori flakë nga një breshëri plumbash dhe mortajash në autostradën kryesore midis Shkupit dhe Tetovës. Trupat, përfshirë dy oficerë, ishin duke shkuar për të përforcuar një bazë ushtarake në Tetovë. Ishte një nga operacionet më të suksesshme të kryera nga Ushtria Çlirimtare Kombëtare. Ky operacion ishte një hakmarrje për vrasjen e 6 luftëtarëve shqiptarë të UÇK-së nga policia maqedonase një ditë më parë, të cilët u vranë në gjumë në një shtëpi në lagjen Gazi Babë të Shkupit.
| Operacioni në Karpallak | |||||||
|---|---|---|---|---|---|---|---|
| Pjesë e Lufta e vitit 2001 në Maqedoni | |||||||
| |||||||
| Palët pjesëmarrëse | |||||||
 Ushtria Çlirimtare Kombëtare |
 Ushtria e Maqedonisë | ||||||
| Komandantët dhe udhëheqësit | |||||||
|
Ali Ahmeti Samidin Xhezairi Sheval Etemi |
Boris Trajkovski Pande Petrovski Nane Naumovski † | ||||||
| Njesitë e përfshira | |||||||
|
Brigada 112 "Mujdin Aliu" |
Rezervistët nga garnizoni i ARM-së në Prilep | ||||||
| Fuqia ushtarake | |||||||
|
80 luftëtarë |
120 ushtarë | ||||||
| Viktimat dhe humbjet | |||||||
|
Asnjë humbje |
| ||||||
Menjëherë pas sulmit, Forcat Ajrore Maqedonase fluturuan me avionë luftarakë mbi Karpallak në një shfaqje force dhe bombarduan fshatra me shumicë shqiptare në periferi të qytetit të afërt të Tetovës. Sulmi u pasua gjithashtu nga trazira antishqiptare në qytetin e Prilepit, që ishte vendlindja e dhjetë ushtarëve të vrarë maqedonas, në të cilat u dëmtuan dhe u shkatërruan shumë prona të shqiptarëve, duke përfshirë një xhami. Vdekja e ushtarëve maqedonas bëri që presidenti maqedonas Boris Trajkovski të shkarkojë shefin e shtabit të ARM-së Pande Petrovskin nga posti i tij, shkarkimi i katërt i tillë në më pak se dy muaj. Disa ditë më vonë, qeveria maqedonase, zyrtarë dhe përfaqësues të UÇK-së nënshkruan Marrëveshjen e Ohrit, duke i hapur rrugën përfundimit të konfliktit.