Gjyqësori në Shqipëri

Pushteti gjyqësor në Shqipëri ushtrohet vetëm nga gjykatat dhe prokuroritë, në përputhje me Kushtetutën dhe kompetencat që u ngarkohen atyre me ligj.

Historia

Kushtetuta e Republikës së Shqipërisë ndalon krijimin e Gjykatave të Jashtëzakonshme. Në nenin 135 pika 2 e saj thuhet: "Kuvendi mund të krijojë me ligj Gjykata për fusha të veçanta, por në asnjë rast Gjykata të Jashtëzakonshme". Një gjë e tillë është pasqyruar edhe në paragrafin e tretë të nenit 11 të ligjit 8436, datë 28 dhjetor 1998 "Për Organizimin e Pushtetit Gjyqësor në Republikën e Shqipërisë".

Funksionimi

Pushteti gjyqësor ushtrohet nga Gjykata e Lartë, si dhe nga gjykatat e apelit dhe gjykatat e shkallës së parë. Gjykata të posaçme janë: gjykatat administrative të shkallës së parë dhe Gjykata Administrative e Apelit; dhe Gjykata e Posaçme e Shkallës së Parë dhe e Apelit për gjykimin e veprave penale të korrupsionit dhe krimit të organizuar. Gjykata e Lartë gjykon çështje të juridiksionit të përgjithshëm dhe të posaçëm.

Secili nivel trajton çështje civile, penale, tregtare dhe administrative.

Gjkatat e Apelit

Gjykata Administrative e Apelit organizohet dhe funksionon në të gjithë territorin e Republikës së Shqipërisë, me seli në Tiranë.

Gjykata e Lartë

Gjykata e Lartë organizohet dhe funksionon në të gjithë territorin e Republikës së Shqipërisë. Gjykata e Lartë e ka selinë në Tiranë.

Gjykata e Posaçme e Shkallës së Parë dhe e Apelit

Gjykata e Posaçme e Shkallës së Parë dhe e Apelit për gjykimin e veprave penale të korrupsionit dhe krimit të organizuar organizohen dhe funksionojnë për të gjithë territorin e Republikës së Shqipërisë, me seli në Tiranë. Ato merren me procesin e vetingut.

Shih edhe

• Reforma në Drejtësi
• Prokuroria e Përgjithshme

Lidhje të jashtme

Faqja elektronike zyrtare e gjykatave të Shqipërisë Arkivuar 19 maj 2022 tek Wayback Machine