Qukapiku i gjelbër

Qukapiku i gjelbër
Femer
Klasifikimi shkencor
Mbretëria:	Animalia
Filumi:	Chordata
Klasa:	Aves
Rendi:	Piciformes
Familja:	Picidae
Gjinia:	Picus
Lloji:	P. viridis
Emri binomial
Picus viridis Linnaeus, 1758

Gjatësia

31-33 cm, krahët e hapur: 40-42 cm.

Përshkrimi

Fluturon vrullshëm dhe papritur nga toka në një grumbull drurësh ose nga një fole milingonash në një livadh. Pjesa e pasme është ngjyrë e verdhë e shndritshme, kurse pjesa e sipërme e kurrizit ngjyrë jeshile. Ky qukapik njihet nga kurora e kuqe dhe fluturimet në formën e valëve. Edhe pse zakonisht takohet në pemë, mund të ndeshet shpesh edhe në tokë. Kur është në pemë, edhe nëse është duke kënduar, është e vështirë t’i gjesh vendndodhjen, ngaqë qëndron palëvizur në degë midis gjetheve. Të vegjlit kanë njolla të zeza në qafën dhe kraharorin me ngjyrë të bardhë.

Përhapja dhe habitati

Jetojnë në pyje të hapur gjethegjerë dhe në parqe, më rallë edhe në pyje halore dhe në pyje të dendur.

Riprodhimi

Foletë i vendos në zgavrat e trungjeve të pemëve. Femra lëshon 5-7 vezë që i ngroh për 15-17 ditë. Të vegjlit fluturojnë pas tre javësh.

Ushqimi

Kryesisht larvat, milingonat, ose insektet që i kapin duke hapur vrima në dru.

Zëri

I fortë dhe i qartë, me gërvishtje hundore të tipit ”kju kju kju kjukjukju” ose një “kjukjukjukju” më e mprehtë.