Raiden Fighters 2

Raiden Fighters 2: Operation Hell Dive (në shqip Luftëtarët Raiden 2: Operacioni Zhytje në Ferr - ライデンファイターズ2 Raiden Faitāzu Tsū) është një lojë arcade e llojit Shoot ‘em up (scrolling shooter), zhvilluar dhe publikuar nga Seibu Kaihatsu në vitin 1997 si pjesë e serive Raiden. Raiden Fighters 2 është seria e dytë në serinë e lojrave Raiden Fighters dhe seria e shtatë në serinë e lojrave Raiden.

Logo e *Raiden Fighters 2: Operation Hell Dive.*

Pas publikimit RF2OHD, Raiden Fighters Jet u publikua nga e njëjta kompani. Një klon i lojës nën emrin Raiden Fighters 2: 2000 Operation Hell Dive u publikua pak kohë më vonë. Kloni operonte në një shpejtësi më të lartë por kishte të meta për sa i përket muzikës.

Muzika tekno e lojës është kompozuar nga Go Satoh. Loja bën gjithashtu pjesë në lojën për konzolat më të avancuara Raiden Fighters Aces.

Historia

Si shumica e lojërave shoot ‘em up historia është sipërfaqësore dhe pak ndikon në lojën. Materiali i mëposhtëm është marrë nga vetë loja:

Katër vjet pasi ushtria e diktatorit u mposht, forcat e mbetura guerrilase u mblodhën sërish nën një diktator tjetër për të ndërtuar një komb të ri me qëllimin për të filluar sulmet ndaj forcave për të cilët ndeshen Raiden-at. Forcat e reja qeveritare kanë përmirësuar luftëtarët bombardues dhe urdhërojnë një mision special duke përdorur armët më të fundit. Në se luftëtari Raiden përfundon me sukses misionin kjo do të favorizojë trupat e qeverisë së re. Ky mision i kërkuar do të quhet: “Zhytje në Ferr.”

Loja

Lojtari (mund të luhet deri në dy lojtarë) mund të zgjedhë midis 10 avionëve Raiden dhe avionë të tjerë të fshehtë. Avionët kanë veçoritë e tyre dhe reagojnë në mënyra të ndryshme ndaj përmirësimit të armëve. Loja ka gjithsej dy butona me tre funksione gjithsej: gjuajtja (arma bazë e cila mund të përmirësohet gjatë lojës), bomba (armë speciale e limituar që eliminon çdo rrezik dhe shkakton dëme ndaj armiqve në rreze) dhe karikimi (duke mbajtur shtypur butonin e gjuajtjes avioni karikon një gjuajtje speciale, bën përjashtim Raiden mk-II).

Avionët mund të forcohen akoma më shumë me anë të katrorëve M (raketa) dhe L (lazer)(kjo sipas formulës së vjetër të lojrave Raiden). Ndërsa katrorët S i bashkëngjisin avionit kryesor një ndihmës dhe katrorët B shtojnë numrin e bombave. Ashtu si në lojërat e mëparshme të këtij titulli, edhe në RF2OHD mundësohet Hybrid Attack që është sulmi i kombinuar i karikimit midis dy lojtarëve.

Me anë të Luftëtarëve Raiden, lojtari duhet të cajë midis tre misioneve të ndryshme. Misioni i parë i (i ndarë në tre nivele) ka karakter mbrojtës, misioni i dytë (i ndarë gjithashtu në tre nivele) ka karakter ofensiv ndaërsa në misionin e tretë (i përbërë vetëm nga një nivel) lojtari duhet të shkatërrojë një armë për të cilën nuk ekzistojnë informacione.

Avionët

Loja paraqet 10 avionë të ndryshëm me karakteristikat e tyre të veçanta. Avionët zakonisht kanë lidhje me avionët në lojrat e mëparshme Raiden por disa prej tyre dalin në pah për herë të parë vetëm në këtë lojë; të njëjtët avionë janë të disponueshëm edhe në Raiden Fighters Jet. Përveç avionëve bazë, ekzistojnë edhe avionë të tjerë të cilët mund të zgjidhen në mënyrë të veçantë.

1. Aegis IV
2. Beast Wing
3. Chaser 2000
4. Death Header
5. Ersaser
6. Flaying Ray
7. Grifin
8. Hell Diver
9. Raiden mk-II
10.Judge Spear

Shiko edhe

Lidhje të jashtme

Raiden Fighters 2: Operation Hell Dive në www.klov.com (Killer List of Video Game)

s • d • rRaiden

Seria Bazë Raiden: Raiden — Raiden II — Raiden DX — Raiden III — Raiden IV
Në Lidhje Me: Raiden Fighters — Raiden Fighters 2: Operation Hell Dive — Raiden Fighters Jet
Shiko edhe: Seritë Raiden