Sefer Zajazi

Sefer Zajazi (1865 - 1903) ishte udhëheqësi i një grupi të luftëtarëve shqiptare që vepronin në Maqedoninë Perëndimore në fund të shekullit të 19-të dhe në fillim të shekullit të 20-të.

Biografia

Ai lindi në fshatin e madh shqiptar të Kërçovës Zajas . Në gjysmën e dytë të shekullit XIX, ai u bë i njohur për qëndresën heroike kundër hajdutëve dhe banditëve bullgarë. Në vitin 1893, zëvendëskonsulli britanik Shipley e përkufizoi atë si një "ruffian" që u kap nga autoritetet turke, por pas një qëndrimi të shkurtër në burg u lirua për mungesë provash, pas së cilës ai filloi përsëri aktivitetin çlirimtar.

Gjatë Kryengritjes së Ilindenit në krye të një grupi luftëtarësh nga Zajazi, ai mbështeti ushtrinë turke dhe mori pjesë në betejën afër fshatit Karbunicë, afër Kërçovës, në të cilën edhe u vra. Për fitoren e kryengritësve në këtë betejë, vdekja e trimit Sefer Agës rezultoi vendimtare.

Kënga popullore

Në njërën nga këngët popullore për Sefer Zajazin mes tjerash thuhet:

O vjen Valija o prej Manastejrit
Ju zajazas o ju ku jini
O ju zajazas o ju ku jini?
N’Karbunejc jalla pusejë kini!
O n’Karbunejc jalla pusej kini!
Sefer Zajazin çaush e kini
Sefer Zajazin o çaush e kini
Kadri Danin Yzbash e kini
O n’Karbunejc jalla u bo nomi
Ke liftojn Seferi e Doni!
O mor Sefer bre musteçe verdh
Shkruj nji letër ta çojm në sher
O shkruj nji letër ta çojm në sher
T’na bin xhephone t’na bin fishek
Se ne komitat do i vrasim vet
O mor komita, komita të rej
S’keni pa zajazli me sey!
Shtejnë me hutat t’ bin nër sey
O sey më sey, jalla vesh më vesh
Kapdo tej a more veshtë?
O kapdo tej a more veshtë?
N’Zall t’Dërgovës tuj hongër peshk
O kapedo, kapedo bugari
A i njofte shyptar’t e Zajazit!
O a i njofte shyptar’t e Zajazit
I lishojn plumat o në lule të ballit

Shih edhe

• Zajazi
• Komuna e Zajazit
• Shqiptarët në Maqedoninë e Veriut