Tërstika

**Tërstikë**

Ακόντιον
Tërstikë Ακόντιον
Fshat
Emri i banorëve	Tërstikalli

Tërstikë (greqisht: Ακόντιον/Akóntion) është fshat në qarkun i Kosturit, Greqi. Përpara vitit 1928, fshati është njohur me emrin e vjetër në formën greke Τέρστικα/Térstika.^[1]

Gjeografia

Nga veriu Tërstika kufizohet me Prapackën e Sipërme, nga jugu me Gërlenin, nga lindja me Çërçishtin e Grënçin dhe nga perëndimi me Revanin.

Toponimet të fshatit Tërstikë:(Para vitit 1923)^[2]

Ar’ e Derit (Derrit) - arë ku bënte dëm derri në kohën e prodhimit, në L.
Ar’ e Hoxhës - arë, dikur ka qënë pronë e një hoxhe nga ky fshat, në V.
Ar’ e Zogut - arë, në L.
Aurllaica – tokë e punueshme rreth 20 hk, në JL.
Çereshnovë/a - ara ku ka pasur gështenja, në J.
De Plepi (Te Plepi) - arë, në L.
Dë Koriet - pyll me dushk, në V.
Gërçika - arë afër Mollçinës, në L.
Gur i Plakut - shkëmb, në L.
Gur i Shqipes - gur i madh ku ulej shqiponja, në V.
Izvorçe/ja - ara, në L.
Koria e Priftit - pyll me dushk, në V.
Kroi i Çereshnovës - burim uji, në J.
Kroi i Lajthisë - gurrë uji, në P.
Kroi i Shabanicës - krua në fshat të cilin e ka pasë ndërtuar gruaja e njëfarë Shabani që s’mbahet mënd, në qendër.
Krypenicë/a - vend kullotë ku barinjtë shtronin pllaka guri për t’u hedhur kripë bagëtive, në L.
Lajthitë - pyll me lajthi, në P.
Lum i Çiflikut – lumë që vjen nga burimet e Llabanicës dhe të Kostinecit, në L.
Mollçinë/a - arë ku dikur ka pasur mollë, në V.
Përroi Stilisë - përrua që mban ujë dimër e verë, në L.
Plloç/i - ara, në L.
Prapagështënja - ara pas një pylli me gështenja, në P.
Qepuri/a - një e ngjitur e përpjetë, në L.
Starallojze - arë, në P.
Uj i Qelbur - ara, në JL.
Varret - varret e fshatit, në L.
Varrniç/i – kodër që ka në krye një pyll me lajthi, në VL.
Vresht/i - vreshtë, në L.
Vrim’ e Bubës - vrimë në dhe, ku thonë se dikur ka qenë strehuar një gjarpër i madh i cili hante njerëz e kafshë, në V.
Xhamia - xhami e fshatit, në qendër.

Demografia

Familjet në fshatin Tërstikë:(Para vitit 1923)^[3]

Demirseitër, Hajredinllinj, Hysenmalenj, Sulejmanenj, etj.

Lidhje të jashtme

vendndodhja

Burimet

^ Πανδέκτης: Térstika - Akóntion
^ Rrapaj. Fjalori Onomastik i Epirit. 1995. f. 509-510. Treguan: 1) Sabri Ago nga Tërstika. 2) Rakip Hajredini, Tërstikalli.
^ Fatos Mero Rrapaj (1995). Fjalori Onomastik i Epirit. Eurorilindja. f. 509.

[1] Πανδέκτης: Térstika - Akóntion

[2] Rrapaj. Fjalori Onomastik i Epirit. 1995. f. 509-510. Treguan: 1) Sabri Ago nga Tërstika. 2) Rakip Hajredini, Tërstikalli.

[3] Fatos Mero Rrapaj (1995). Fjalori Onomastik i Epirit. Eurorilindja. f. 509.

[1]

[2]

[3]