Termokiss

Termokiss [1] Arkivuar 12 maj 2021 tek Wayback Machine është një qendër sociale e drejtuar nga komuniteti në lagjen Dardania që u hap në vitin 2016 pasi dhjetëra vullnetarë rivitalizuan një strukturë të braktisur në Prishtinë, Kosovë. Hapësira është e hapur për një sërë aktivitetesh të ndryshme dhe punon për të promovuar idetë e bashkëpunimit dhe ndihmës reciproke, në rrugën drejt ndryshimit social përmes aktivizmit qytetar. [2] [3]

Logo e Termokiss

Historia

Termokiss ndodhet në një ndërtesë të madhe të braktisur që i përket Komunës së Prishtinës. Është ndërtuar në vitin 1997 nga Termokos, kompania e ngrohjes në Prishtinë dhe është e rrethuar me lëndina të lënë pas dore. Përdorej si një vend ku njerëzit mund të injektonin heroinë. Njomza Dagusha, një inxhiniere ndërtimi,[4] Arkivuar 25 maj 2022 tek Wayback Machine Arbër Salihu, një muzikant vendas dhe Nikki Murseli, një arkitekte vendase ishin ndër themeluesit e projektit. [5] Hapësirës i mungonte çatia, dritaret, dyshemeja dhe çdo infrastrukturë bazë që mund ta bënte ndërtesën funksionale. Në vitin 2016, në kuadër të projektit “Toestand Mache Prishtina”, të rinjtë nga Prishtina Architecture Week, Toestand vzw (Belgjikë) dhe InfoQuartier Mache (Zvicër) u bashkuan dhe si rezultat, hapësira u transformua me ndihmën e komunitetit dhe dhjetëra vullnetarë.[6] Toestand, me qendër në Bruksel, është e specializuar në riaktivizimin e ndërtesave, tokave dhe hapësirave publike të braktisura ose të harruara. Ata sollën në ndihmë 25 belgë dhe 15 zviceranë. Projekti u mbështet financiarisht nga Programi Erasmus.

Në vetëm dhjetë ditë, duke përdorur materiale të ricikluara që u gjetën në qytet, këta vullnetarë arritën të pastrojnë barin që rritej brenda dhe ta bëjnë hapësirën gati për përdorim. Ata kishin ndihmë nga Brigada e Zjarrfikësve të Prishtinës, të cilët ua kishin huazuar përdorimin e shkallëve të tyre.[7] Njerëzit që u mblodhën donin ta kthenin hapësirën në diçka që do të kontribuonte për komunitetin dhe do të ishte jofitimprurëse, si e tillë duke themeluar Termokiss, qendrën e parë të drejtuar nga komuniteti në Kosovë.

Që atëherë, Termokiss ka funksionuar si një hapësirë multifunksionale për takimin e njerëzve në një mjedis jokomercial, ku aktivitetet bazohen në nevojat e komunitetit dhe aftësitë e tyre. Është projekti më jetëgjatë i Toestand-it. [8]

Duke përdorur platformën “Kosovoideas”, komuniteti krijoi një fushatë crowdfunding e cila mblodhi afro 20,000 euro. Financimi është përdorur për rregullimin e:

Puna në dysheme

Pajisje tualeti

Lidhja e ujit dhe kanalizimit me furnizimin kryesor

Instalimi i instalimeve elektrike. [9] Arkivuar 30 mars 2023 tek Wayback Machine

Puna Vullnetare

Me një bashkëpunim mes Prishtina Architecture Week, Toestand vzw nga Belgjika dhe InfoQuartier Mache nga Zvicra, 40 vullnetarë udhëtuan në Kosovë, të cilëve iu bashkuan vullnetarë vendas ku rivitalizuan qendrën. Ndër shumë gjëra, Termokiss ofron një hapësirë sociale, ku të gjithë mund të paraqesin ide dhe i gjithë komuniteti brenda kësaj hapësire do të angazhohet vullnetarisht për të zhvilluar idenë e atij personi, duke mishëruar vlerat e përkatësisë dhe bashkimit brenda komunitetit. Platforma bazohet kryesisht në vullnetarë, ku vullnetarizmi shihet si një kontribut produktiv për veten dhe të tjerët. [10]

Aktivitetet

Qendra ofron hapësirë për të gjitha llojet e eventeve sociale, përderisa ato nuk janë komerciale. Ato variojnë nga artet si klasa salsa falas, koncertet muzikore, shfaqjet e filmave, netët e poezisë, seminaret e dizajnit audio dhe DJ-ve, te seminaret mbi programimin, tregjet e pleshtave, aktivitetet qytetare dhe shumë të tjera.[13] Qendra bashkëpunon me organizata të tjera si DokuFest, StereoSpace, Anibar , Ipko Foundation dhe shumë të tjera, duke ofruar aktivitete si Hacking Urban Space [11] dhe Dokutech. [12] [13]

Klubet

Një pjesë e platformës Termokiss bazohet në klube nga vullnetarë me interesa të ngjashme që zhvillojnë aktivitete të tilla si muzikë, film, cirk, psikologji, arsim, sipërmarrje, arte pamore, sporte etj brenda qendrës komunitare. Disa nga klubet që janë funksionale në Termokiss janë:

• Klubi i Filmit
• Klubi i Mahalles
• Sinjal
• Yoga
• Klubi i Kopshtarise
• Buke per Krejt

Festival "Krejt Ka Pak"

Krejt ka pak është një festival i krijuar në vitin 2016 nga qendra, i cili ishte mundësia ku të gjithë vullnetarët u njohën me njëri-tjetrin dhe qendrën. Në vitin 2017, festivali vazhdoi edicionin e dytë “Krejt ka pak - n’doren tone” ku gjatë katër ditëve u zhvilluan aktivitete rreth temës së përgjegjësisë individuale dhe kolektive. Në vitin 2018, festivali vazhdoi me aktivitete që hulumtojnë temën e arsimit joformal. Çdo vit, festivali ka një temë të ndryshme, ku fokusi është tek nevojat dhe përvojat e komunitetit. Edicioni i vitit 2022 ka si tematikë "Rifillimi" [14]