Varfanji

Varfanj (greqisht: Παραπόταμος/Parapótamos) është fshat në qarkun i Çamërisë, Greqi. Përpara vitit 1928, fshati është njohur me emrin e vjetër në formën greke Βάρφανη/Várfani.

Varfanj Παραπόταμος
Fshat
Popullsia
• Gjithsej	1.668
Emri i banorëve	Varfanjot

Gjeografia

Nga veriu Varfanji kufizohet me Vërselën, Sidherin e Galbaqin, nga jugu me Dhërmicën, nga lindja me Dolanin dhe nga perëndimi me Shulashin.

Toponimet të fshatit Varfanj:(Para Luftës së Dytë Botërore)

• Ara e Muharremit - arë, në J.
• Ara e Mulla Omerit - ara, në P.
• Areza - copë are, në J. “Nek korrte një burrë, ju qemnë arezat e hengrën në kokë e vdiqi.
• Armùsat - ara, në P.
• Bardhëla e Muharrem Kamos - luginë, në J.
• Bakçej’e Çara Dines - baçë, në J.
• Bakçej’e Demos - baçë, në J.
• Bakçej’e Haxhi Dullës - baçë, në J.
• Bakçej’e Llaçit - baçë, në P.
• Bakçej‘ e Malko Musait – baçë, në V.
• Bakçej‘ e Mehmet Ali Kushit – baçë, në V.
• Bakçej’ e Meto Haxhiut - baçë, në VL.
• Bakçej’ e Saliko Lazit - baçë, në L.
• Bakçej’ e Tajp Zubës - baçë, në V.
• Bira e Bulgjerinës - shpellë, në P.
• Bira e Çoqilet - shpellë ku jetonin çakaj, në V.
• Bira e Dallajorgos - shpellë, në V.
• Bira e Dushkut - shpellë, në V.
• Bira e Pelisterëve - shpellë, në P.

• Bordotua (Bordotoi) - krua, në V.
• Bregu i Mulla Omerit - breg, në P.
• Brrinjat e Tajp Zubës - ara, në VP.
• Burbusla - arë, në P (Burbuëla - toka buke, në V.)
• Burimet - burime, në VP.
• Burimat e Burbuslës – burime, në V. “Më rëpara se të dil uji në Burbusël, dilte ne Shkall’ e Madhe, po i patën mbillë ato burima me bashka leshi dhe uji dolli në Burbusëla. Njërëzia besonin se natën atje dilnin xhinde, lajnë rrobat, luajnë valle e u bien dhiolive. Kur shkon ndonjë natën ati, këto i hipijn në vithnje të kalit. Aj njeri i trrëmbur mbetej i pa golë e ikte i patagosur me bët për në shtëpi. Andaj kur pënonin arat nuku kthehej njeri natën ka puna se u rrëftoheshin ato.” (Abaz Nuh Agaço)
• Burimat e Veliko Selmanit - burime, në V.
• Çefliku - arë, në P.
• Çep’ i Malit - shkëmb, në P.
• Çesma e Bordhotoit - krua, në V.
• Çesma e Drivadhit - krua, në V.
• Çesma e Kamares - krua, në JP.
• Çokall’ i Osman Hatos - arë, në P.
• Çuk’ e Kakùrit - fushë, në V.
• Dallajorgua - ara, në V.
• Dàuleja - gur në formën e daulles, në V.
• Dengua i Ahmet Alushit - fushë, në P. “Në vitin 1926, rreth 400 dynymë të kësaj fushe iu sekuestrua varfanjotëve nga qeveria greke dhe instaloi aty familjet greke të ardhura nga Turqia” (Abaz Nuhu)
• Drrás e Prroit Konicës - përrua i thatë, në V.
• Duhanareja - arë që mbillej me duhan, në V.
• Dulg’ e Mero Jasinit – ara, në L.
• Dulg’ e Refat Ahmetit - ara, në L.
• Dhragacula - kodër, në V.
• Dhriz’ e Muho Çumanit – vësht, në P.
• Fiku Hoxhës – arë, në VL.
• Fiku Prasnjes - arë, në L.
• Fiqa e Hato Metes - arë, në L.
• Fiqa e Médajt - ara, në P.
• Fiqt’ e Kàurve - ara, në V.
• Folej’e Pulbardhës - shkëmb, në J. Ati bënin fole pulbardhat.
• Fusha Arez - arë, në V.
• Fush’ e Muhtarenje - fushë, në V.
• Fusha e Varfanjit - fushë e madhe në bregun e majtë të lumit Kalamà. Tregojnë se fusha e Varfanjit në lashtësi ka qenë moçal. Atë e kulluan elimët. Ata në Varfanj mbollën ullinj, ndërtuan dhe furra buke, por u larguan, siç thonë, nga rreziku që u sillnin mushkonjat. (N. Agaço)
• Gorric’ e Nexhipit - arë, në J.
• Gorric’ e Rrahës - ara, në V.
• Gorrica me di birà - kodër, në V.
• Grava e Dine - shpellë, në V.
• Gravat e Selimit - shpellë, në P.
• Grik’ e Zallit - luginë, në P.
• Grava e Mile - arë në gropë, në VP.
• Grop’ e Osmanit – ara, në VP.
• Grop’ e Prrarit – ara, në V.
• Gruza – kodër, në V.
• Guret e Trreshë – shkëmbinj, në P.
• Gur’ i Kondos – shkëmb, në J.
• Gur’ i Math - arë, në P.
• Gur’ i Prerë – shkëmb, në L.
• Gur i Kòrezës - shkëmb, në V.
• Guri Minxuar - gur, në V. “Ne Guri Minxuar më rëpara dil një burim i ftohtë, po një herë u kuput një copë ka Shkëmb’i Kuq e zuri ati një hizmeqar të hipur në mushkë që doj mirr ujë ne burimi. Burima u vulos dhe dolli njëçikë më rëposh dhe ati pëstaj i thanë “Kroi Meçatë”.
• Gurra - gurrë, në V.
• Guva - burim, në V.
• Hallazma - pyll, në JL.
• Kalaj’ e Kululës - kala e vjetër, në P.
• Kallmi Hasan Zeqos - ara, në P.
• Kamàra - burim, në JP.
• Karaudha - bregore, në V.
• Katafiqi - kopështe, në V.
• Katerò - brinjë, në P.
• Kocen – kodër, në JL.
• Kodr’ e Kleftate - kodër, në V.
• Kòma - fushë, në VP.
• Konopicëza e Merdajt - fushë, në V.
• Krakuri - ara, në J.
• Kroi i Robit - krua, në J. “Ne prroi afër kroit janë bënë vrasëla jesirësh”.
• Kroi Zalos - krua, në J.
• Kukùla - breg, ku ndodhet Kalaja e Kululës, në P.
• Lajlika – bregore, në V.
• Lëm’ i Hasan Baliut - lëmë, në J.
• Liturvia e Vahos - mulli vaji, në V.
• Lundra e Çeflikut - lundra që me të kalon lumin Kalamà, në V.
• Lundra e Shulashit - lundër që hidhet për në Vërselë, në VP.
• Llak’ e Galipit - ara, në J.
• Llak’ e Gjonit - ara, në P.
• Llak’ e Mero Husit - ara, në P.
• Mala e Sqelbësit - majë mali, në VL.
• Mal’ i Sqelbësit - mal, në L.
• Mallathreja - ara, në V.
• Mejdan’ i Konakëve - shesh, në V.
• Mesokuqi - pyll, në J.
• Mesone - ara, në J.
• Mesovuni - mal, në L.
• Ne Prrari Xhamisë - pyll, në V.
• Ne Ur’ e Madhe – urë, në P.
• Pilli i Bulatet - pyll, në P.
• Pilli i Hato Metes - pyll, në JP.
• Pilli i Kleftate - pyll, në V.
• Pilli i Lamit - pyll, në V.
• Pilli i Mëllezës - pyll, në V.
• Pilaja e Qazimit - pllajë, në P.
• Pllaja e Zalos - pllajë, në P.
• Potòthi – pyll, në P.
• Prrari i Kleftate - pyll me përall, në VL.
• Prroi Hallazmës - përrua i thatë, në V.
• Prroi Konicës - përrua, në J.
• Prroi i Mesokuqit - përrua, në J.
• Prroi Mollondrës - përrua, në J.
• Prroi Qungjes - përrua, në V.
• Prroi i Thellë - përrua, në VL.
• Prroi Varadhit - përrua, në J.
• Prroi i Zallit – përrua, në J.
• Psakëza - kodra me bexga, në P.
• Pusi Hatos - pus, ne P.
• Pus’ i Meçate - pus, në V.
• Pus’ i Salihenjet - pus, në P.
• Qaf’ e Mollondrës - qafë mali, në L. Nga kjo qepe në Malin e Dulgës.
• Qaf’ e Rrahes - qafë, në V.
• Qungje – burim, në V.
• Rrahu Haxhi Vahos – pyll, në V.
• Rrap’ i Salihenjet – kullotë, në J.
• Rrepet - grykë, në VL.
• Rrug’ e Kleftejve - rrugë, në J.
• Rrug’ e Psakës - rrugë, në J.
• Rrushqaleja - pyll me argëlidha, në JP.
• Stenési - rrugë, në L.
• Strudhi - pyll, në L.
• Shesh’ i Konakëve - shesh, në V.
• Shëngëlli - shkëmb, në V.
• Shkall’ e Brezave - brez shkëmbor, në V.
• Shkall’ e Dhive - rrugë monopat që qepe në malin e Dulgës, në L.
• Shkall’ e Prroit Konicës - qafë shkëmbore, në V.
• Shkall’ e Qeve - qafë shkëmbore, në V.
• Shkëmb’ i Glatë - shkëmb, në JP.
• Shkëmb’ i Hallazmës - shkëmb, në V.
• Shkëmb’ i lpjeve - shkëmb, në VL.
• Shkëmb’ i Kapllanit - shkëmb. “Në kohën e Turqisë lëftuan di mahallanje: mahaleja e Meçate me mahalenë e Met Duçes. Ca ara ishin të Meçate e doj t’i zaptonte Mustafa Çafai i mahalesë Met Duçes. Mustafai njeri zengjin, me shumë pëndë qe, që ia pënonin njërëz fukarenj. Këta fukarënjtë ki i holqi për hunde dhe i shpuri të lëftonte me Meçatët që doj tu mirr arat. Si që a bë një muharrebe me Meçatët, ka an’ e Çafait u vranë di veta, andaj ja thonë ëmrin atij vëndi “Shkëmb i Kapllanit” se një ka ata që u vranë ja thoshnë ëmërin Kapllan. Hazmëllëku shkoi glatë: Ishte muaj i remezanit, behar ish. Iftarin e hapin nëpër lëmënje. Një darkë ishin mbledhur njerëzit në lëmë të Mustafa Çafait, për të hapur iftarin, dhe ishnë karshi me shtëpit e Meçatit. Ka tjetra anë edhe Meçatët ishin mbledhur ne lëma karshi këtyre, për të hapur edhe ata iftarin. Në këtë darkë të di krerët kishin ftuar musafirë e të afërm të tire ku bëhej një aheng i math. Hizmeqarët shërbenin në këmbë. Një njeri rrinte maksus me kupë me ujë në dorë që t’u ipte ujë atire që doj kërkojnë. Ne lëm’ i Mustafait zglodhën një njeri nishanlli. Për të tërpëruar Meçatët. Ki nishanlliu i ra me martinë atij që mbante kupën me ujë e ja thjeu në dorë. Meçatët u tërpëruan shumë ka kjo që glau pa pandehur. Pas ca ditëve edhe Meçatët zglodhën një nishanlli dhe në kohën e iftarit i ra me martinë atij që mbante kupën me ujë në dorë në lëm’ Çafait e ja thjeu. Këtijt nishanlliu ja thoshnë Koçil. Nuku zglati shumë kohë ranë kazaja dhe të di mahaletë i bënë barish (i pajtuan). (Xhevdet Malai).
• Shkëmb’ i Kondos - shkëmb, në V.
• Shkëmb’ i Kuq – shkëmb, në VL.
• Shkëmb’ i Mjalcës – shkëmb, në J.
• Shkëmb’ i Sullos - shkëmb, në V.
• Shpell’ e Bufit - shpellë, në J.
• Shpell’ e Dulgës – shpellë, në L. Kjo shpellë kishte poshtë një sterë ku dilte një gur ujë. Aty mbushnin ujë barijt.
• Shpell’ e Selim Nexhipit – shpellë, në JL.
• Shpellat e Mezenenjëvet – shpellë, në J.
• Shtepij’ e Mero Muratit – gërmadhe, në J.
• Te Dhoga - shenjë ushtarake e kohës turke, në V.
• Trap’ i Kleftate – pyll, në J.
• Trap’ i Pelave - pyll, në J. “Ne trapi i Pelave ishte një pill i math. Në këtë vënt dilte një burimë me ujë të ftohtë. Thoshin se aj shkëmb ka zënë nënë vetëhe një grua me bucelë në krahë. Bashkë megruan shkëmbi mbilli edhe burimën e ujit. Atijt vëndi ja vunë ëmrin “vënd i uruar” (vënd’ i mirë). Shkëmbi kishte një birë. Kur sumureshin njerzit venin e shkonin 3 herë nëpër birën e gurit që t’i linin ethet.” (Servet Huseni)
• Trap’ i Xhemaliut - gropë me ullinj, në P.
• Turbetë - varret e fshatit, në V.
• Turjéla - lundrë mbi lumin Kalamá, në VL.
• Varàdhi - mal, në J.
• Varathi - mal, në L.
• Varret e Lëmi Hitos - varre, në P.
• Varreza - gur i shpuar, në J.
• Xhamia e Vjetër - gërmadhë xhamie, në V.

Demografia

Fshati në 2002 kishte 1,668 banorë.

Familjet në fshatin Varfanj:(Para Luftës së Dytë Botërore)

Agaço, Arapénj, Bediavénj, Brahimatë, Bulàtë (Buli), Dauténj, Dërvizhatë, Diko, Gorràtë, Groparitë, Haskenj, Kapllanatë, Kleftatë, Kosilatë, Meçatë, Meduça, Met’hatë, Mezanenjtë, Muhtarenjtë, Muhtenjtë (Muhti), Salihenjtë, Tahirenjtë, Zigaratë.

Lidhje të jashtme

• vendndodhja