Volodimir Zelenski
Volodimir Oleksandroviç Zelenski (Ukrainisht: Володимир Олександрович Зеленський, lindi më 25 janar 1978) është komedian dhe politikan ukrainas i cili shërben si Presidenti i 6-të i Ukrainës që nga 20 maji 2019.
Volodimir Zelenski Володимир Зеленський | |
|---|---|
_(cropped).jpg) Zelenski në 2023 | |
| Presidenti i 6-të i Ukrainës | |
Titullar | |
| Në detyrë 20 maj 2019 | |
| Kryeministri | Volodymyr Groysman Oleksiy Honcharuk Denys Shmyhal |
| Paraprirë nga | Petro Poroshenko |
| Të dhëna vetjake | |
| U lind më | Volodimir Oleksandroviç Zelenski 25 janar 1978 Kryvyi Rih, RSS Ukraina, Bashkimi Sovjetik (tani Ukrainë) |
| Partia politike | I pavarur |
| Lidhjet e tjera politike | Shërbëtori i Popullit (2018–present) |
| Bashkëshortja/et | Olena Kiyashko |
| Fëmijët | Oleksandra dhe Kyrylo |
| Arsimimi | Universiteti Kombëtar Ekonomik i Kievit (departamenti në Kryvyi Rih) |
| Profesioni | Aktor humori, aktor, regjisor, skenarist, producent filmi, politikan |
| Punimet të njohura | KVN Kvartal 95 Svaty Shërbëtori i Popullit Office Romance. Our Time Love in the Big City Rzhevsky Versus Napoleon |
| Vitet aktive | 1995–2019 |
| Nënshkrimi |  |
Para karrierës së tij politike, ai mori një diplomë në drejtësi dhe krijoi një kompani prodhimi, Kvartal 95, e cila prodhon filma, karikatura dhe shfaqje televizive komedi, përfshirë Shërbëtorin e Popullit, në të cilën Zelenski luajti rolin e Presidentit të Ukrainës. Seriali u transmetua nga viti 2015 deri më 2019. Para se të hynte në politikë, ai ishte një komedian, aktor, skenarist, producent filmi dhe regjisor.
Një parti politike që mban të njëjtin emër si shfaqja televizive u krijua në mars 2018 nga punonjësit e Kvartal 95. Zelenski njoftoi kandidaturën e tij për zgjedhjet presidenciale të Ukrainës 2019 në mbrëmjen e 31 dhjetorit 2018, së bashku me fjalimin e Vitit të Ri të presidentit Petro Poroshenko në kanalin televiziv 1+1. Në atë kohë, Zelenski kishte qenë tashmë një nga personat kryesorë në sondazhet e opinioneve për zgjedhjet. Zelenski fitoi zgjedhjet me 73.2% të votave në raundin e dytë, duke mundur Poroshenko.
Jeta e hershme Redakto
Zelensky lindi më 25 janar 1978 në Kryvyi Rih, RSS Ukraina, Bashkimi Sovjetik nga prindër hebrenj.[1][2] Gjyshi i tij, Semyon (Simon) Ivanoviç Zelenski, shërbeu në Ushtrinë e Kuqe gjatë Luftës së Dytë Botërore; Babai dhe tre vëllezërit e Semyon u vranë në Holokaust. Babai i Volodimirit, Oleksandr Zelenski, është profesor dhe shef i Departamentit të Kibernetikës dhe Hardware të Kompjuterit në Institutin Ekonomik të Kryvyi Rih; nëna e tij, Rymma Zelenska, dikur punonte si inxhiniere. Para fillimit të shkollës fillore, ai jetoi për katër vjet në Mongoli në qytetin Erdenet ku punonte babai i tij.[2] Në moshën 16 vjeç, ai kaloi TOEFL dhe mori një bursë arsimi për të studiuar në Izrael, por babai i tij nuk e lejoi të studionte atje.[3]
Zelensky fitoi një diplomë juridike nga Instituti Ekonomik Kryvyi Rih, atëherë një departament i Universitetit Kombëtar Ekonomik të Kievit dhe tani pjesë e Universitetit Kombëtar Kryvyi Rih, por nuk ka punuar profesionalisht në fushën ligjore. Ai flet ukrainisht, rusisht dhe anglisht.
Jeta personale Redakto
Në shtator 2003, Zelenski u martua me Olena Kiyashko, me të cilën ka dy fëmijë.[2]
Më 9 nëntor 2020, u njoftua se Zelenski doli pozitiv për COVID-19 dhe u shtrua në spital tre ditë më vonë. U njoftua më 23 nëntor se ai ishte shëruar plotësisht nga virusi.[4][5]
Filmografia Redakto
Filmat Redakto
| Viti | Titulli | Roli |
|---|---|---|
| 2009 | Love in the Big City | Igor |
| 2011 | Office Romance. Our Time | Anatoly Efremovich Novoseltsev |
| 2012 | Love in the Big City 2 | Igor |
| 2012 | Rzhevsky Versus Napoleon | Napoleon |
| 2012 | 8 First Dates | Nikita Sokolov |
| 2014 | Love in Vegas | Igor Zelensky |
| 2015 | 8 New Dates | Nikita Andreevich Sokolov |
| 2018 | Unë, Ti, Ai, Ajo | Maksym Tkachenko |
Seritë dhe shfaqjet televizive Redakto
| Viti | Titulli | Roli | Shënimet |
|---|---|---|---|
| 2006 | Tantsi z zirkamy | si garues | |
| 2008–2012 | Svaty | si producent | |
| 2015–2019 | Shërbëtori i Popullit | Vasyl Petrovych Holoborodko |
Referime Redakto
- ^ Jewish comic who plays Ukraine president on TV leads Ukraine’s presidential race
- ^ a b c "Зеленский Владимир" (në rusisht). Arkivuar nga origjinali më 2 janar 2019. Marrë më 2 janar 2019.
- ^ "Зеленський: Якщо мене оберуть президентом, спочатку будуть поливати брудом, потім – поважати, а потім – плакати, коли піду". gordonua.com (në ukrainisht). Arkivuar nga origjinali më 6 shkurt 2019. Marrë më 2020-02-13.
- ^ "Ukraine leader Volodymyr Zelensky in hospital with COVID-19". United Press International (në anglisht). 12 nëntor 2020. Marrë më 15 nëntor 2020.
- ^ "Coronavirus: Ukraine's president Volodymyr Zelenskyy tests positive for COVID-19". Euronews (në anglisht). 12 nëntor 2020. Marrë më 15 nëntor 2020.