Xhamia e Xhisdharaqit

Xhamia e Xhisdharaqit ose Xhamia Gjizderie (Greqisht: Τζαμί Τζισταράκη; Turqisht: Cizderiye Câmiî) është një xhami historike në Sheshin Manastiraqi, pranë Akropolit në Athinë, Greqi. Ajo është ndërtuar në vitin 1739 nga vojvoden (Guvernatori Osman) i Athinës në atë kohë Mustafa Aga Xhisdharaqi.

Xhamia Xhisdharaq

Mendohet se gurët e përdorur për ndërtimin e saj janë marrë nga shtyllat e tempullit të olimpit të zeusit, Akropol.

Pas pavarësisë së Greqisë në vitin 1830 e mbrapa ka pasur përdorime të ndryshme si: Qendër Kulturore e Muzikës së ushtrisë, pastaj burg, magazinë dhe se fundmi Muze i Artit të punimeve të baltës dhe qeramikës, i mbrojtur nga Ministria e Kulturës.

Ajo ndodhet ngjitur me ish-tregun romak, në këmbë të Akropolit.

Është përdorur vetëm një herë si Xhami, në vitin 1966 me rastin e vizitës së Mbretit të Arabisë Saudite.

Nuk është mundësuar ende që ajo të marrë funksionin origjinal për të cilin është ndërtuar, atë të ushtrimit të besimit Islam.

Shiko edhe

• Lista e objekte fetare në Shqipëri që janë monumente kulture