Afrim Gashi

Afrim Gashi (maqedonisht: Африм Гаши; i lindur më 9 nëntor 1977, në Shkup) është një politikan shqiptar nga Maqedonia e Veriut.

Në zgjedhjet e dhjetorit të vitit 2016, kandidoj si pjesë e lëvizjes BESA dhe u zgjodh deputet i legjislaturës 2016-2020 dhe më 9 mars 2019 emrin e partisë ta ribrendojë në “AlternAtivA” dhe aktualisht është kryetar i saj dhe u zgjodh deputet i legjislaturës 2020-2024 në Kuvendin e Maqedonisë së Veriut.^[1]

Shkollimi

Shkollën fillore dhe të mesme i kreu në vendlindjen e tij, duke bërë betejë për hapjen e paraleles së mjekësisë edhe në Shkup.

Gjatë shkollës së mesme është marrë edhe me muzikë, ndërsa bashkë me grupin e tij kanë marrë pjesë edhe nëpër festivale të ndryshme.

Fakultetin Juridik në Universitetin e Tetovës e mbaroi në vitin 2007, ndërsa aktualisht është në studime pasuniversitare në Institutin e Studimeve Juridike, Sociologjike dhe Politike në Shkup, në drejtimin e shkencave politike.

Puna në SHB “Logos-A”

SHB “Logos-A”

Një kohë ka punuar edhe si redaktor në Shtëpinë Botuese “Logos-A”, ndërsa në opinionin është i njohur edhe si publicist, duke qenë aktiv me shkrime publicistike.

Botimi i parë i Revistës Shenja

Themelimi i revistës Shenja

Në vitin 2011 e ka themeluar revistën mbarëkombëtare “Shenja” dhe deri në vitin 2014 ka qenë kryeredaktor i saj.^[2]

Themelimi i partisë politike Lëvizjen Besa dhe aktivitieti

Nga viti 2014 është aktiv edhe në politikë, duke e themeluar Lëvizjen Besa. Ai është nismëtar, projektues dhe ideator i saj, ndërsa një kohë e ka ushtruar edhe detyrën e Sekretarit të Përgjithshëm të saj. Në zgjedhjet e parakohshme parlamentare të vitin 2016, Afrim Gashi, është zgjedhur deputet, duke kandiduar në njësinë zgjedhore nr. 2

Themelimi i partisë politike AlternAtivA

Pas ndërhyrjeve së gjykatave shtetërore dhe pamundësisë së funksionimit politik, Afrim Gashi vendosi që më 9 mars 2019 emrin e partisë ta ribrendojë në “AlternAtivA” dhe aktualisht është kryetar i saj.^[3] Në zgjedhjet e parakohshme parlamentare të vitin 2020, Afrim Gashi, është zgjedhur deputet, duke kandiduar në njësinë zgjedhore nr. 2.

Ai është i martuar dhe prind i dy vajzave dhe një djali.

Shih edhe

Referime

^ "Afrim Gashi". sobranie.mk (në maqedonisht). Kuvendi i Republikës së Maqedonisë së Veriut. Marrë më 23 qershor 2017.
^ "Revista Shenja - revistashenja.com". revistashenja.com - REVISTA SHENJA (në anglishte amerikane). Marrë më 2024-02-01.
^ "Kreu - Alternativa" (në anglishte amerikane). Marrë më 2024-02-01.

Lidhje të jashtme

https://alternativa.org.mk/kryetari/

[kuvendi-RM-1] "Afrim Gashi". sobranie.mk (në maqedonisht). Kuvendi i Republikës së Maqedonisë së Veriut. Marrë më 23 qershor 2017.

[2] "Revista Shenja - revistashenja.com". revistashenja.com - REVISTA SHENJA (në anglishte amerikane). Marrë më 2024-02-01.

[3] "Kreu - Alternativa" (në anglishte amerikane). Marrë më 2024-02-01.

[1]

[2]

[3]