Hape menynë kryesore

Azem Hajdari (Bajram Curri, 11 mars 1963 - 12 shtator 1998) ka qenë lideri i lëvizjes studentore 1990-91 që çoi drejt rënies së regjimit komunist në Shqipëri. Më tej u bë një politikan i Partisë Demokratike të Shqipërisë. Ai simbolizon nisjen e periudhës demokratike në Shqipëri[1][2]. Ka qenë deputet i Kuvendit shqiptar dhe kryetar i Komisionit Parlamentar të Mbrojtjes. U vra në Tiranë më 12 shtator 1998.

Azem Hajdari

Deputet i Kuvendit të Shqipërisë (1991-1998)
Fotoporteti
Emri Azem
Mbiemri Hajdari
Lindur më 11 mars 1963
Lindur në Tropojë
Vdiq më 12 shtator 1998
Kombësia shqiptar
Profesioni politikan
Partia politike Partia Demokratike
Azem Hajdari (nënshkrim).svg

Më 2 tetor 1998 Hajdari e nderuan pas vdekjes me titullin Qytetar Nderi i Tiranës[3] dhe më 2007 u dekorua me Dekoratën "Gjergj Kastrioti Skënderbeu" nga Presidenti Bamir Topi.[4]

Në nder të Hajdarit dhe Besim Çerës u ngrit një monument në vendin ku u vranë.[5][6]

RiniaRedakto

Azem Hajdari lindi në Tropojë më 11 mars 1963. Shkollën e mesme e kreu në vendlindje. Në vitin 1993 përfundoi studimet në degën e Filozofisë në Universitetin e Tiranës. Në vitin 1995 diplomohet në Fakultetin Juridik të Universitetit të Tiranës.

Veprimtaria politikeRedakto

Studenti Azem Hajdari ishte udhëheqës i Lëvizjes Studentore të dhjetorit 1990, që çoi në përmbysjen e regjimit komunist në Shqipëri dhe vendosjen e pluralizmit politik. Ai ishte një nga themeluesit e Partisë Demokratike të Shqipërisë, partia e parë opozitare, dhe Kryetar i Komisionit Nismëtar të kësaj partie. Azem Hajdari ishte deputet i Partisë Demokratike të Shqipërisë që nga viti 1991 e deri sa u vra në shtator të vitit 1998.

Mbas ardhjes në pushtet të Partisë Socialiste të Shqipërisë në vitin 1997, Azem Hajdarit iu bënë disa atentate.

Në qershor të vitit 1997, në Shkallnuer të Durrësit, Azemi Hajdari tentohet të vritet me bombë. Atentati dështoi.

Në gusht të vitit 1997 bandat e krimit i zënë pritë në Sarandë, në Qafën e Buallit.

Më 18 shtator të vitit 1997, mbetet i plagosur i qëlluar me pesë plumba nga deputeti i Partisë Socialiste Gafurr Mazreku, në korridoret e Kuvendit të Shqipërisë.

Më 14 shkurt 1998, organizohet prita e Milotit nga forcat e policisë, të cilat qëlluan me breshëri plumbash në makinën e tij që për fat ishte e blinduar, ku përveç të tjerëve, ndodhej edhe djali i tij 14-vjeçar.

Më 3 qershor 1998, në kohën që po mbështeste luftën në Kosovë, Azemit iu organizua një atentat nga forcat e policisë, të cilat e mbajtën të rrethuar 3 orë. Në këtë atentat mbeti i plagosur ish Drejtori i Përgjithshëm i Radio Televizionit Shqiptar Bardhyl Pollo.

Më 12 shtator 1998 vritet pabesisht para selisë së Partisë Demokratike nga drejtues të Komisariatit të Policisë të Tropojës.

 
Azem Hajdari
 
Memoriali i Azem Hajdarit pranë PD-së
 
shtatorja e Azem Hajdarit në Qytetin Studenti

Lajmi për vrasjen e Azem Hajdarit, u publikua nga të gjitha mediat kryesore në botë, nga stacionet televizive më prestigjioze të botës dhe vdekja e tij u cilësua si një humbje e madhe për demokracinë në Shqipëri.

Shkrimtari i mirënjohur shqiptar Ismail Kadare e konsideroi vrasjen e Azem Hajdarit si "Vrasja e Shekullit".

Presidenti i Shqipërisë, Alfred Moisiu, në vitin 2002 dekoroi Azem Hajdarin me Urdhrin "Nderi i Kombit".

MirënjohjetRedakto

Shih edheRedakto

Lidhje të jashtmeRedakto

ReferencatRedakto

  1. ^ "Azem Hajdari". NY Times. Mungon ose është bosh parametri |language= (Ndihmë!)
  2. ^ "Who Killed Azem Hajdari". dissidentvoice.org. Mungon ose është bosh parametri |language= (Ndihmë!)
  3. ^ "Azem Hajdari" (PDF). Tirana gov. Arkivuar nga origjinali origjinali (PDF) më 2011-07-21. Një parametër i panjohur |deadurl= është injoruar (Ndihmë!); Lidhje e jashtme në |publisher= (Ndihmë!)
  4. ^ "Fatmira Hajdari: Pse duhet rihetuar vrasja e Azemit". Shekulli. Arkivuar nga origjinali origjinali më 2012-03-24. Një parametër i panjohur |deadurl= është injoruar (Ndihmë!)
  5. ^ "Kryetarja e Kuvendit në takimin festiv me mijra e mijra të rinj në përkujtim të Ditës Kombëtare të Rinisë". parlament.al. Arkivuar nga origjinali origjinali më 2011-09-27. Një parametër i panjohur |deadurl= është injoruar (Ndihmë!); Mungon ose është bosh parametri |language= (Ndihmë!)
  6. ^ "Kryetarja e Kuvendit Jozefina Topalli viziton shtëpinë e Heroit të Demokracisë". parlament.al. Arkivuar nga origjinali origjinali më 2011-09-27. Një parametër i panjohur |deadurl= është injoruar (Ndihmë!); Mungon ose është bosh parametri |language= (Ndihmë!)