Eduard Halimi

Eduard Halimi është politikan shqiptar, deputet i Partisë Demokratike në Kuvendin e Shqipërisë.

Eduard Halimi
Deputet i Kuvendit të Shqipërisë
Në detyrë 2009–Vazhdon
Ministër i Drejtësisë
Në detyrë shtator 2009 – 13 shtator 2013
Paraprirë nga	Bujar Nishani
Pasuar nga	Nasip Naço
Të dhëna vetjake
U lind më	8 dhjetor 1972 Korçë
Nënshtetësia	Shqiptar
Partia politike	PD
Fëmijët	(2 vajza) Nikol, Ela
Arsimimi	Universiteti i Tiranës (juridik)
Punësimi	Politikan, Jurist

Biografia

Eduard Halimi ka lindur në Korçë në 8 dhjetor 1972. Ai është i martuar dhe ka dy vajza, Nikol dhe Elen. Halimi vazhdoi Fakultetin e Drejtësisë në Universitetin e Tiranës në vtet 1991-1995 nga ku u diplomua për drejtësi. Në vitet 1995-1997 kreu Akademinë e Policisë dhe në vtet 1997-2000 kreu Shkollën e Magjistraturës dhe mori titullin “Magjistrat”. Ka ushtruar profesionin e avokatit deri në vitin 2005 dhe është zgjedhur si ekspert i komisioneve hetimore parlamentare, prej vitit 2002 deri në 2005. Në tetor të vitit 2005 është emeruar Zëvëndësministër i Drejtësisë duke e ushtruar detyrën deri ne emërimin Avokat i Përgjithshëm i Shtetit, në vitin 2008. Në vitin 2007 është zgjedhur Anëtar i Këshillit Bashkiak Tiranë. Në zgjedhjet parlamentare të vitit 2009 u zgjodh Deputet i Partisë Demokratike për qarkun Durrës në Kuvendin e Shqipërisë dhe ushtroi edhe funksionin e Sekretarit të Komisionit të Ligjeve në Kuvendin e Shqipërisë. Në zgjedhjet parlamentare të vitit 2013 u rizgjodh Deputet i Partisë Demokratike të Shqipërisë në Kuvendin e Shqipërisë. Eduard Halimi është Nënkryetar i Grupit Parlamentar të Partisë Demokratike të Shqipërisë.

Shiko edhe

Grupi Parlamentar i Partisë Demokratike të Shqipërisë 2009-2013

Grupi Parlamentar i Partisë Demokratike të Shqipërisë 2013-2017

Lista e deputetëve të Legjislaturës VIII të Kuvendit të Shqipërisë