Fryma
Fryma (lat. spiritus, greq. pnevma) është sasia e ajrit që thithet me anë të veprimtarisë së frymëmarrjes dhe që gjendet në mushkëritë dhe në trupin e njeriut.
Emërtimet "frymë" dhe "frymëmarrje" përdoren gabimisht shpesh në gjuhën e përditshme si fjalë me të njëjtin kuptim. Në rrethet shkencore frymëmarrja është pjesa e pastër fizike e frymës, ku bëhet dallimi në një pikëpamje fizio - anatomike (Frymëmarrja e jashtme) dhe biokimike (Frymëmarrja e brendshme). Në kuptimin fetar fryma është e njëjtë me shpirtin.
Të gjitha kulturat e larta, p.sh. grekët e lashtë, e dinin rëndësinë dhe kuptimin e frymës, të cilën ata e quanin pnevma, si nënkuptim për frymën ashtu edhe për shpirtin.