Gjeografia e Austrisë

Austria ndodhet në pjesën qendrore të Evropës, në veri të Italisë dhe Sllovenisë. Sipërfaqja e përgjithshme e Austrisë është 83,870 km² dhe shtrihet rreth kordinanatve gjeografike 47 20 v, 13 20 L. Austria është një vend kontinental malor dhe sipërfaqja e përgjithshme e e saj përbëhet nga 82,444 km² tokë dhe 1,426 km² ujë.

Relevi i Austris

Vija kufitare e Austrisë është e gjatë rreth 2,562 km. Kjo vijë e ndanë atë nga Republikën Çeke (362 km) në veri, Sllovakinë (91 km), në lindje dhe jug me Hungarinë (336 km), Slloveninë (330 km), Italinë (430 km), në perëndim me Zvicrën (164), Lihtenshtajnin (35) dhe në veri-perëndim me Gjermaninë (784 km).

Regjionet gjeografike

Relievi

Në pjesën perëndimore dhe jugore të Austrisë mbizotëron tereni shkëmborë i Alpeve. Pjesa tjetër e vendit në lindje dhe veri është kryesisht e rrafshët me pyje e fusha. Austria nuk ka dalje në det, lumi më i gjatë që përshkojnë atë është Danubi në veri të vendit. Pika më e ultë e Austrisë gjendet në Neusiedler (115m) dhe ajo më e larta në lartësi mbidetare prej 3,798 metrave në Grossglockner.

Klima

Klima është kontinentale-malore e ndryshueshme me temperatura të ulëta në dimër dhe mesatare në verë. Temperaturat dimërore përcjellën me reshje bore në vendet malore dhe më pak në ato të rrafshit ndërsa ato të verës janë më të larta dhe përcillen nganjëherë me riga shiu e reshje shiu.

Hidrografia

žLumi më i gjatë që e përshkon Austrinë është Danubi. Lumenjte e tjere më të gjatë jane: Inn 510 km, Mur 350, March 350 km, Enns 320 km, Drau 260 km, Salzach 220 km, Traun 180 km, Leitha 180 km, Kamp 135 km, Ybbs 130 km etj.

Liqenet më të mëdhenj jane: Achensee, Almsee, Attersee, Eissee, Faaker See, Fuschlsee, Grüner See, Hallstätter See, Heiterwanger See, Irrsee, Klopeiner See, Millstätter See, Mondsee, Neusiedler See, Plansee, Reintaler See, Traunsee, Urisee, Wolfgangsee, Wërthersee, Zeller See etj.

Pasuritë natyrore

Si pasuritë natyrore të Austrisë llogariten: nafta, qymyri, pyjet, hekuri, zinku, antimoni, magneziti, grafiti, kripa si dhe prurja e ujit të lumenjve.

Ky artikull me tematikë në lidhje me gjeografinë e Austrisë është një faqe cung. Ju mund të ndihmoni Wikipedia-n duke e përmirësuar atë.