Halabaku

**Halabak**
Halabak
Fshat

Halabak është një vendbanim në komunën e Podujevë, Kosovë.

Gjeografia

Emri i fshatit Halabak ndahet në dy pjesë, është emër Arab qe do të thotë, Hale do të thotë shkretirë, ndersa Bak do të thotë i pa banuar.

Ky fshat kufizohet me fshatin: Tërrnavë, Bellopojë, Dyz, Sharban dhe është në jugperëndim të komunës së Podujevës.

Fshati i posedon rrugën, telefonin mobil dhe ujin nga ujësjellësi i liqenit të Batllavës.

Fshatit preferohet edhe për vizitë natyrore për shkak të bukurive që e rrethojnë. Fshati ka pyllin afër, malin, tokë pjellore dhe lumin i cili kalon nëpërmes fshatit të bukur të Halabakut, duke i dhënë madhështinë që i impresionon vizitorët.

Pylli i fshatit i ka këto kafshë të egra si ujku, lepuri, dhelpra e kaprolli, dhe laramani shpendësh të ndryshme.

Fshati është shumë i pasur me tokë bujqësore edhe me pyll. Lartësia mbidetare është 600 m.

Demografia

Në këtë fshat ekzistojnë mbi 100 shtëpi.

Feja e fshatit është 100% Musliman.

Familjet që jetojnë në këtë fshat janë:

Salihajt (Zeqiri, Islami, Osmani)
Munakët (Mehmeti, Bekolli, Arifi)
Rukovcët
Nelakët (Retkoceri)
Gubetinët
Pllanalitë
Maqastenët
Prekorogjët
Raçët
Krasniqët
Alshiqët
Kosumajt
Isufajt
Ibrahimajt

Ekonomia

Është vend bujqësor, ku bujqësia është elementi kryesor.

Buxheti i fshatit Halabak nuk është edhe aq i keq në krahasim me fshatrat përreth.

Kryetari i fshatit në periudhën 2001-2006 ishte z.Ali Zeqiri, me profesion mësimdhënës, i cili së bashku me hoxhën e fshatit Mustafë Pllana, kontribuan për asfaltimin e rrugës Bellopojë-Tërrnavë-Halabak me participim 50% nga buxheti i banorëve të fshtatit. Asokohe z.Zeqiri ishte edhe kryetar i nëndegës së Lidhjes Demokratike të Kosovës në komunën e Podujevës.

Në këtë periudhë u bë edhe kyçja në ujësjellës, me ujë të pijshëm u furnizuan fshatrat Bellopojë, Tërrnavë dhe Halabak.

Kultura

Fshati ka nje ambulancë, një shkollë fillore 5 vjeçare, poashtu edhe nje xhami.

Historia

Në luftën e fundit fshati Halabak ka dhënë tre martirë. Në këtë fshat ka qenë i vendosur edhe shtabi i UÇK-së.

Sipas historisë se fshatit thuhet që ky fshat ka qenë vetëm një shkretirë e pa banuar. Do të thotë njerëzit që banojnë aty nuk janë vendas po janë muhaxher nga viset e tjera.

Shih dhe këtë

Lista e ardhacakëve - Podujevë

Lidhje të jashtme

vendndodhja

Ky artikull me tematikë në lidhje me gjeografinë e Kosovës është një faqe cung. Ju mund të ndihmoni Wikipedia-n duke e përmirësuar atë.