Ilirët deri te shqiptarët
Ilirët, deri te shqiptarët është libër me autor Neritan Ceka, shtëpia botuese: Migjeni, viti i publikimit: 2014, numri i faqeve: 544 ISBN: 9789928407474
Përmbledhje Redakto
Libri studimor me titull, ‘Ilirët, deri te shqiptarët’ hedh dritë jo vetëm mbi historinë e ilirëve dhe Ilirisë por edhe mbi lindjen dhe origjinën e popullit shqiptarë dhe gjuhës shqipe si dhe trajton gjerësisht pjesëmarrjen aktive të ilirëve në qytetarinë romake. Sipas tij, një faktor i rëndësishëm që ka ndikuar fuqishëm në mbijetesën dhe kompaktësimin e popullsisë shqiptare ka qenë edhe konflikti i madh me sllavët në atë periudhë kur këta të fundit u vendosën në rajon. Prof. Neritan Ceka i shkroi kapitujt e parë të këtij studimi që në vitin 1987 për ta dërguar në shtyp kohët e fundit. Ai trajton një nga çështjet më të rëndësishme të kulturës shqiptare, pasion që e ka të trashëguar nga i ati, Hasan Ceka, gjithashtu një arkeolog i njohur shqiptar. Libri "Ilirët" në shqip u publikua për të herë të parë në takime me studentë të Universiteteve të Tiranës dhe të Elbasanit, si dhe në Institutin Albanologjik të Prishtinës, duke ngjallur menjëherë interesimin e qarqeve shkencore universitare.