Kisha e Shën Kollit (Voskopojë)
Kisha e Shën_Kollit në Voskopojë është një kishë ortodokse në qytetin e Voskopojës, afër Korçës, Shqipëri e Jugut, e ndërtuar në 1721.[1] Eshtë monument i trashëgimisë kulturore në Voskopojë, rrethi i Korçës, Shqipëri.[2]. Ky monument është i llojit "Arkitekture", i miratuar me numër "586 e 4874" më "17.03.1948, 23.09.1971".
| Kisha e Shën Kollit | |
|---|---|
.jpg) Kisha e Shën Kollit, Voskopojë | |
| Lloji | Arkitekture |
| Vendndodhja | Voskopojë, Shqipëri |
| Koordinatat | 40°37′54″N 20°35′22″E / 40.63155°N 20.58939°E |
| Ndërtuar | 1721[1] |
| Organi drejtues | Administrimi: Instituti i Monumenteve të Kulturës, Drejtoria Rajonale e Kulturës Kombëtare Korçë |
| Emri zyrtar: Monument i trashëgimisë kulturore[2] | |
| Lloji | Nën mbrojtje |
| Kriteret | I |
| Nr. i referencës | EL023 |
| Tipologjia | Kishë |
.svg) Kisha e Shën Kollit (Voskopojë) (Earth) | |
Përshkrim
Redakto
Kisha e Shën Kollit është një monument kulture me rëndësi të veçantë kombëtare për vlerat e saj arkitektonike dhe artistike të frymëzuar nga trashëgimia e kultit Bizantin. Monumenti përfaqëson edhe një dëshmi të prekshme të rëndësisë historike të Voskopojës. Kisha e Shën Kollit është përfunduar në 1721. Struktura konsiston në një ndërtim prej guri të tipit bazilikal, me naos me kupolë, narteks dhe hajat. Brendësia e kishës është dekoruar me piktura murale të ekzekutuara nga mjeshtri i shquar David Selenica dhe bashkëpunëtorët e tij Kostandini dhe Kristo. Arti i Davidit dallon për natyrën e tij realiste, siç tregon edhe portreti i dhuruesit por gjithashtu edhe për njohuritë e thella në fushën e teologjisë. Sipas mbishkrimit, piktura ka përfunduar në vitin 1726 dhe kjo u përcaktua në një ekspeditë arkeologjike më 1953.[3] Rreth 24 vjet më vonë, në 1750 (në Perandorinë Osmane), një tjetër atelie e famshme e kohës, ajo e Kostandin dhe Athanas Zografit, u angazhua për të pikturuar hajatin. Kisha është shpallur monument kulture i kategorisë së parë në vitin 1948 për vetë vlerat e saj të mëdha arkitektonike dhe artistike. Kisha e Shën Kollit përfaqëson një ndër monumentet më të rëndësishme të Voskopojës, jo vetëm për sa i përket arkitekturës por gjithashtu edhe cilësisë së pikturës, e cila mban autorësinë e mjeshtrit të shquar David Selenicës dhe të ateliesë së njohur të Athanas Zografit dhe Kostandin Zografit.
Lidhje të jashtme
RedaktoReferime
Redakto- ^ a b Mikropoulos, Tassos A. (2008). Elevating and Safeguarding Culture Using Tools of the Information Society: Dusty traces of the Muslim culture. Earthlab. fq. 316. ISBN 978-960-233-187-3.
{{cite book}}: Mungon ose është bosh parametri|language=(Ndihmë!) - ^ a b LISTA E MONUMENTEVE: RRETHI I KORÇËS. Instituti i Monumenteve të Kulturës - Ministria e Kulturës. Arkivuar nga origjinali më 28 nëntor 2016. Marrë më 26 janar 2016.
- ^ Th Popa; Theofan Popa (1961). Piktorët mesjetarë Shqiptarë. Ministria e Arësimit dhe Kulturës. fq. 63.
{{cite book}}: Mungon ose është bosh parametri|language=(Ndihmë!)
|
Ky artikull është pjesë e Code4Culture Albania 2018 . |