Kuçi (Gumenicë)

Ky artikull është rreth Shih: Kuç (kthjellim).. Për përdorime të tjera, shiko Kuçi (Gumenicë) (kthjellim).

Kuç (greqisht: Πολυνέρι/Polinéri) është fshat në qarkun i Çamërisë, Greqi. Përpara vitit 1955, fshati është njohur me emrin e vjetër në formën greke Κούτσιον/Koútsion.

Kuç Πολυνέρι
Fshat
Emri i banorëve	Kuçjot

Gjeografia

Nga veriu Kuçi kufizohet me Arvenicën, nga perëndimi me Vrohonain, nga lindja me Mazrekun dhe nga jugperëdnimi me Arpicën e Agjinë. Para Luftës së Dytë Botërore, Kuç kishte këto lagje: Bodina, Klisha dhe Rrëza.

Toponimet të fshatit Kuç:(Para Luftës së Dytë Botërore)

• Ar’ e Çanit (Hasanit) - arë e vjetër, në JP.
• Ar’ e Glatë - dikur ka qenë arë, sot rrugë pranë një përroi nga ku kalohet për, në Arpicë.
• Ar’ e Madhe – arë, në L.
• Arat e Çibune – ara, në L. Dikur aty ka qenë një kishë e lashtë.
• Badhërra – fushë, në JL. Kjo fushë nuk vaditej. Veç tokës që punehoj, aty ka dhe fiq, dardha, ullinj etj.
• Balla Toròk/u - vend në mal, në Përroin e Thellë ku ka pasur mone të vjetra bagëtish.
• Balloka – breg, në qendër.
• Biraz/e - Kodër rreth 500 m, në jug, e veshur me xinë e mërete. Po të gërmosh aty del dhe i bardhe, i cili përdoret nga gratë për të lyer faqet e brendëshme të dhomave në vend të gëlqeres.
• Bobova - vend me ullinj, në L.
• Brigjez/a - vend kullotë ku ka dhi, ara e ullinj, në J.
• Çuk’ e Qafës Vogël – çukë, në JP.
• Çuk’ e Madhe – çukë, në JP. Është maja më e lartë në malin e Kuçit, pas kësaj për lartësi vjen ajo e Kreshpës.
• Drrasa Sulòt - vend në mal, në P.
• Faqa e Folesë - faqe mali, në J.
• Fieri – pllajë, në afërsi të qendrës. E merr këtë emër nga fieri që rritet aty çdo vit.
• Fush’ e Thatë - fushëzë qe nuk vaditet.
• Gorrica Priftirùa - vend ku ka qenë një gorricë, në rrugën që të çon në Arpice. Dikur ai vend ka qenë i priftit të fshatit, në JP.
• Gorricat e Palit - faqe mali, në P.
• Grav’ e Dosës - shpellë e vogël në Përroin e Thellë, në J. Dikur në atë shpellë ka qenë strehuar një dosë bashkë me gicat e saj.
• Grava e Evgjitit — gravë në fund të kalasë ku strehoheshin arixhinjtë, në VL.
• Grava e Skorros - shpellë që nxën, rreth 200 kokë dele, në P.
• Grava Mongarà — vrimë e thellë, shpelle nën kala. Brënda ka një tynel që të nxjerr në Çukën e Malit, në JL.
• Grav’ e Qamil Zeqos - Në këtë shpellë thonë se kanë banuar elimë, dhe thirrej me këtë emër (Shpell’ e Elimëve), por me pushtimin grek të Çamërisë, mori emrin e firarit Qamil Zeqo nga Arpica, në JL.
• Grika – sterrë, në P.
• Grik’ e Gardhoit - vend grykë, në P.
• Gurët e Dàutit - vend në mal, në P.
• Gurët e Gletë - gurë të mëdhenj në Bodinë ku loznin çobanët, në L.
• Gurët e Elimit - gurë të vendosur njëri mbi tjetrin, mur rreth .50 m. i gjatë pranë rrugës. Gurët janë pothuaj nga m. 1 m. të gjatë dhe 80 cm, të gjerë. Sipas traditës thuhet se këta gurë i kanë vendosur elimët e lashtë, në JL.
• Gur i Lëmthit - shkëmb në mal, në P.
• Gur i Stravatoit – shkëmb, në P.
• Haliqe – ara, në L.
• Kalaja – kala, të cilën thonë se vonë e kanë ndërtuar venecianët, por së pari thonë se e kanë ndërtuar elimet pellazgoilirë.
• Kallëmi – rrëke, në V.
• Karsellëzat - gurë në formë arke.
• Kasemëla — krua pranë qendrës, të cilin e ka ndërtuar dikur e shoqja e një farë Kasëmi.
• Kodra - ara kodrinore, në P.
• Koprréja – pyll, në JL.
• Kroi Elimëve - krua në krye të fshatit ku sipas tregimeve thuhet se kroi bashkë me rreth 20 rrënjë ullinj të lashtë që ndodhen aty pranë, janë të kohës së elimëve.
• Kroi Lodosit - dikur aty ka qenë një krua, sot ara, në P.
• Kroi MargëlIëçit – krua, në L.
• Kroi Nanésë - krua, në qendër.
• Kroi Osman - krua.
• Kroi Shëntodhër - krua me një koritë prej guri. Uji i këtij kroi del me presion.
• Kroi Thanës - krua në afërsi të qendrës ku ka qenë një thane e madhe.
• Krrakura - are e ullinj, në P.
• Lagësira – ara, në L.
• Lëma Kulaçanj – lëmë, në P.
• Lihàdheza – ara, në L.
• Luca Koçal - ara, në P.
• Lumëra - ara, në qendër.
• Lum i Llukait - përrua që vjen nga Pàninat e Mazrekut, kalon në Fushën e Gropës dhe derdhet në Fushën e Zonjës (Detin Jon), në verë thahet.
• Lloket – shesh, pranë qendrës.
• Llongjidha – ara, në L.
• Mala Çuk — majë mbi fshat, në P.
• Mala Folé - majë kodre me pyll, në JL.
• Mali Janjit — arë në mal, në L.
• Mal i Kuçit — mal, në P.
• Malshkoza – faqe mali, në P.
• Merkonài — krua, në qendër.
• Mesare/ja – ara, në L.
• Mesovuni – pyll, në L.
• Mokra - ara, në J.
• Mulliri Bobos - gërmadhë mulliri, në V.
• Ne Guri Bajames – gur, në P.
• Palovreshtet - ara e kullota, dikur kanë qenë vreshta të vëne nga venecianët, në JL.
• Pema - faqe mali, në V.
• Përroi Thellë – përrua, në JL.
• Pill i Arvenicës – pyll, në V.
• Pill i Lolos – pyll, në V. Ndodhet afër kullës së Lolos.
• Porta e Kalasë - porta e hyrjes për në kala, në V.
• Porta ka len Dielli - porta e kalasë, nga ana e lindjes.
• Potisjona – ara, në L.
• Psakaréja - plIajë me psaka, në J.
• Pulashi - burim, në JL, kur zbret nga fshati për në Fushën e Badhrës.
• Pusi Kalasë - pus në kala.
• Qafa - vend qafë me ara e ullinj, në J.
• Qaf’ e Glatë - qafë mali, në P.
• Qafa Qivur – pyll, në J.
• Radhoi Madh - brez shkëmbor, në JL.
• Rredhezet - vend shkëmbor, në JL.
• Rrëza – ara, në JL, në cep të Fushë Badhrës.
• Rrug’ e Badhrrës – rrugë, në L.
• Rrug’ e Arpicës - rrugë që të çon në Arpicë, në P.
• Skorrua — shkëmb, në fshat.
• Shëmëhilli – ara, në fshat.
• Shkëmb i Liçes – shkëmb, në J.
• Shkëmb i Meçit – shkëmb, në J.
• Shtrung’ e Saqes - shtrungë e gurtë, në J.
• Ullinjt e Elimëve - ullinj në Fushën e Thatë në Badhër që siç flitet janë mbjelIë nga elimet e Iashtë. Në rrënjët e trye ka zgavra të mëdha ku mund të mrizojnë 15-20 kokë bagëti t’imta. Janë ullinj kuçulerë që e kanë kokrrën pak të gjatë.
• Ulliri Kaçuler' - ulli i kohës elimëve, e quanin të shenjtë dhe s’mund ta prekje me dorë.
• Vagëlésh/i – ara, në L.
• Verrezt - varret e fshatit, afër qendrës.
• Vështëra – ara, në L.
• Vij’ e Llapit (Llap e Gallap në Kosovë) – ara, në J.
• Vulistra - ara e ullinj, në J.
• Xhamia - xhami e fshatit.

Demografia

Familjet në fshatin Kuç:(Para Luftës së Dytë Botërore)

Bebri, Cjepurr, Çafulatë, Çumeni, Kala, Kupatë, Lluga/j, Bakarrelo (fis i vjetër), Qerimatë, Sako.

Lidhje të jashtme

• vendndodhja