Mesihi i Prishtinës
Mesihi i Prishtinës (1470, Prishtinë - 1512, Stamboll) i njohur në Perandorinë Osmane si Priştinali Mesihi ishte një nga poetët më të njohur të fundit të shekullit XV dhe fillimit të shekullit të XVI. Konsiderohet si një nga poetët më të hershëm shqiptarë në përgjithësi.[1] [2]
Biografia
RedaktoAi ka lindur në Prishtinë,[3] në kohën e Perandorisë Osmane, rreth vitit 1470. Ai ishte shqiptar[1][2] i lindur me emrin Isa.[4] Në Stamboll u zhvendos në një moshë të hershme dhe aty ka jetuar deri në vdekjen e tij. Viti i vdekjes së tij është rreth 1512.[1][5]
Mesihi fillimisht u bë softa, (një student teologjie në medrese)[3] ku shpejtë u shqua si një kaligraf i dalluar. Ai arriti të fitonte mbështetje nga Veziri i Madh Hadim Ali Pasha, dhe u bë sekretar divani i tij, pozitë kjo të cilën Mesihi Prishtina e mbajti deri në vdekjen e Hadim Pashës në vitin 1511. Mesihi duket se e kishte ndjerë thellë vdekjen e Vezirit aq sa shkroi edhe një elegji kushtuar atij. Sipas studiuesit francez Victor L. Ménage, pas vdekjes së Hadim Pashës ai hyri në shërbim të Yunus Pashës, e nga ana tjetër, disa të tjerë, si psh. Ashik Çelebiu, e mohojnë që Mesihi Prishtina ishte edhe në shërbim të Yunusit.[4]
Vepra
RedaktoVendi i Mesihi Prishtinës në poezinë osmane të asaj kohe është i respektuar. Ai konsiderohet si një poet shumë i talentuar dhe origjinale. Gjuha e tij është relativisht e thjeshtë dhe e qartë. Një shprehje e dialektit rumelian aty këtu është me interes të veçantë. Divani jo shumë voluminoz i Mesihit nuk ka qenë shtypur. Disa studime kritike mbi veprën e tij nuk ekzistojnë.[4] Vepra e tij Murabba' -i bahâr (Oda e Pranverës ose Kënga e Pranverës ) është përkthyer dhe botuar nga orientalisti Sir William Jones, dhe për një kohë të gjatë mbeti poema më e njohur turke në Evropë.[2] Vepra tjetër e tij Shehr-engiz u popullarizua shumë dhe ai kishte shumë ndjekës në këtë zhanër poetik. Ai konsiderohet si "poeti i tretë i madh osman si dhe poeti më i madh lirik para poetit Bâkî".[3]
Shih edhe
RedaktoReferime
Redakto- ^ a b c H. T. Norris (1993), Islam in the Balkans: Religion and Society Between Europe and the Arab World, Columbia, S.C : University of South Carolina Pres, fq. 62, ISBN 9780872499775
{{citation}}: Mungon ose është bosh parametri|language=(Ndihmë!) - ^ a b c Marcel Cornis-Pope , John Neubauer (2006), The Literary Cultures of East-Central Europe series: History of the Literary Cultures of East-Central Europe: Junctures and Disjunctures in the 19th and 20th centuries, Comparative history of literatures in European languages (book 20), vëll. II, John Benjamins Publishing Company, fq. 286, ISBN 978-9027234537, OCLC 234173843
{{citation}}: Mungon ose është bosh parametri|language=(Ndihmë!) - ^ a b c M Th Houtsma (2006), Biographical Encyclopaedia of Islam, vëll. 3, Cosmo Publications, fq. 739, ISBN 9788130703879, OCLC 67694633,
Born in Prishtina (northern Albania), he came as a youth to Constantinople where he became a softa (theological student)... Mesihi was regarded as the third great Ottoman poet and the greatest lyric poet before Baki.
{{citation}}: Mungon ose është bosh parametri|language=(Ndihmë!) - ^ a b c André Wink (1990), Al-hind: The Making of the Indo-islamic World, E.J. Brill, fq. 1026, ISBN 9789004092495, OCLC 21761923
{{citation}}: Mungon ose është bosh parametri|language=(Ndihmë!) - ^ Robert Elsie (2001), Historical Dictionary of Kosovo, Historical dictionaries of Europe, vëll. 79 (bot. 2), Scarecrow Press, fq. 187, ISBN 9780810874831
{{citation}}: Mungon ose është bosh parametri|language=(Ndihmë!)