Qamil Musa Haxhi Feza
Qamil Musa Haxhi Feza (?–?) ishte një burrë shteti shqiptar. Ai u bë kryetar i Komisionit Administrativ më 3 shtator 1914 dhe e mbajti atë post për më pak se një muaj, pasi posti u hoq në të njëjtin muaj kur u krijua.[1]
Mbretërimi i Princ Wied, i imponuar nga Fuqitë e Mëdha në mars 1914 ishte i mbushur me pakënaqësi në mesin e shqiptarëve. Më 3 qershor 1914, një grup rebelësh islamik themeloi Këshillin e Parë të Përgjithshëm në Shijak. Qëllimi i tyre ishte ta bënin Shqipërinë një protektorat të Perandorisë Osmane dhe pas dëbimit të Wied-it, të vendosnin një mbret mysliman në fron dhe të rifusnin alfabetin arab. Drejtues i këshillit ishte Mustafa Ndroqi, nënkryetar Xhenabi Adili dhe Feza u emërua komandant i përgjithshëm ushtarak i kryengritjes. Feza hyri shpejt në aksion dhe shpejt pas kësaj u zhvilluan një sërë kryengritjesh në Krujë, Kavajë dhe Peqin. Kryengritjet u shtrinë në të gjithë Shqipërinë duke e detyruar Wied-in të tërhiqej përsëri në Durrës.
Pasi Wied u largua nga vendi më 3 shtator, kryengritësit menduan se ishte koha për të konsoliduar rolin e tyre në qeverisje. Fillimisht Feza u bë në krye të Komitetit Administrativ që u organizua dhe më 11 shtator Ndroqi vendosi qeverinë e kryengritësve.