Robert Breson

Robert Breson (frengjisht: Robert Bresson, 25 shtator 1901-1907 - 18 dhjetor 1999) ka qenë një regjizor dhe kritik filmi francez.

Robert Breson Robert Bresson
U lind në	25 shtator 1901-1907 Bromont-Lamothe, Francë
Vdiq	18 dhjetor 1999 Droue-sur-Drouette, Francë
Profesioni	regjisor skenar producent montazhier
Vite aktiviteti	1934-1983
Vepra të shquara	Lista e plotë

Njihet për stilin e tij minimalist, sekuencave të gjata, dhe të aktorëve jo teatralë, që i zhgjidhte vetëm si modelë duke u bazuar më dhumë tek pamja e tyre fizike. Shumë regjizorë të tjerë francezë (Truffaut, Godard, Melville), e kanë mbajtur Breson si inspirim kryesorë gjatë studimeve dhe fillimeve të tyre. Ishte gjithashtu regjizori i preferuar i Andrei Tarkovski-t.

Jeta

Shumë pak dihet për jetën e Breson përpara viteve '40. Mori pjesë në Luftën e Dytë Botërore dhe u kap si i burgosur nga Fuqitë e Boshtit. Kjo ngjarje me shumë mundësi e ka bërë të ndryshojë pas luftës, edhe në mënyrën se si ai do të punonte në botën e kinemasë. Breson ka studiuar pikturën dhe fotografinë, dhe realizon filmin e tij të parë Les affaires publiques, i cili nuk u paraqit asnjëherë në sallat e kinemave.

Teknika

Në filmat e Breson, nuk ndodhet asgjë që mund të jetë e tepërt. Breson sakrifikon teatrin dhe aktorët diva, për një mënyrë krejtësisht personale dhe minimaliste të të krijuarit. I përket grupit të ashtëquajtur Kinemaja e autorit (Cinema d'auteur) ose të Filmit Arthouse, i cili konsiston me emra regjizorësh, që për më tepër i shmangen komercializmit dhe plasticitetit, gjatë krijimit të filmave, duke u përqëndruar më shumë tek e vërteta e skenarit, dhe tek bota e tyre interiore. Këto regjizorë ndjekin të gjithë hapat e produksionit dhe të filmit, veçanërisht skenarin, dhe janë prezent në një mënyrë më intime me ekipin e realizimit.

Filmografia

Viti	Filmi	Roli në film	Shënime
1934	Les affaires publiques (me metrazh të shkurtër)	Regjizor
1943	Ëngjëjt e mëkatit (Les Anges du péché)	Regjizor
1945	Pabesia (Les dames du Bois de Boulogne)	Regjizor
1951	Ditari i një prifti nga fshati (film) (Journal d'un curé de campagne)	Regjizor
1956	Një i dënuar me vdekje arratiset (Un condamné à mort s'est échappé edhe Le vent souffle où il veut)	Regjizor
1959	Ditari i një hajduti (Pickpocket)	Regjizor
1962	Procesi i Zhan d'Ark (Procès de Jeanne d'Arc)	Regjizor
1966	Au hasard Balthazar	Regjizor
1967	Mouchette - E gjithë jeta në një natë (Mouchette)	Regjizor
1969	Një femër e ëmbël (Une femme douce)	Regjizor
1971	Katër netët e një ëndërrimtari (Quatre nuits d'un rêveur)	Regjizor
1974	Lancelot du Lac	Regjizor
1977	Djalli me shumë mundësi (Le diable probablement)	Regjizor
1983	Paraja (L'Argent)	Regjizor