Shoshani

Shoshani

Shoshani është një fshat në komunën Margegaj në rrethin e Tropojës të Shqipërisë. Fshati Shoshan, i permendur si vendbanim qe ne kohe te hershme, eshte vendosur ne pellgun e Valbones, ne trekendeshin e formuar nga lumi i Valbones, dega e tij Lumi i Gashit (Mollareka) dhe mali qe ngrihet thike ne veri. Ne perendim te fshatit, aty ku nise Gryka e Dragobise (Lugina e Valbones), ka qene nje kala e lashte e njohur nga vendasit si Kalaja e Qytetit.

Në afërsi të fshatit,pranë shtratit të Valbonës, në lartësinë 350 m mbi nivelin e detit gjendet një burim të madh karstik, që del në kontaktin litologjik midis depozitimeve fluvio-glaciare dhe shkëmbinjëve rrënjësore. Forma e tij është ajo e një hinke ku uji del me presion nga poshtë. Ka prurje rreth 1000 l/sek, ujë të pastër dhe të ftohtë. Krijon një mjedis shumë tërheqës. Ka vlera shkencore (gjeologjike, gjeomorfologjike, hidrologjike), kulturore, didaktike dhe turistike.

Fshati Shoshan është vendi i lindjes i patriotit të shquar të kombit Haxhi Zeka.