StarTop

StarTop
StarTop
Gjinia	Reality TV
Skenari nga	Ardi Pulaj
Prezantuar nga	Eno Popi
Gjyqtarët	Shkëlzen Marku; Edona Bilali; Shkamb Koshi; Orgesa Kalemi; Antonela Hako; Arbi Mazniku; Amarda Toska; Rafaela Rica; Patrik Fetahu;
Shteti	Shqipëri
Gjuha në prodhimin origjinal	Shqip
Nr. i sezoneve	1
Nr. i episodeve	12 (lista e episodeve)
Prodhimi
Prodhuesi kryesor	Ledja Liku
Vendodhjet e prodhimit	Top Channel Studios, Tiranë, Shqipëri
Shpërndarësi	Top Channel
Transmetimi
Programi origjinal	Top Channel
Formati i pikturës	16:9, 1080i 1080p HDTV
Transmetimi origjinal	tetor 22, 2022 –; janar 7, 2023
Lidhje të jashtme
	StarTop Top Channel

Startop është një emision televiziv shqiptar në zhanrin e biznesit dhe inovacionit, i transmetuar në kanalin kombëtar Top Channel. Emisioni ishte konceptuar për të mbështetur dhe promovuar ide të reja të biznesit dhe iniciativa inovative nga sipërmarrës të rinj dhe të tjerë në Shqipëri dhe diasporën shqiptare. Programi filloi transmetimin më 22 tetor 2022 dhe përfundoi më 7 janar 2023, duke përfshirë gjithsej 12 episode.

Formati

Startop synonte të shfaqte dhe mbështeste ide premtuese të biznesit nëpërmjet prezantimeve të pjesëmarrësve përpara një paneli prej katër ekspertësh të njohur nga fusha e biznesit. Çdo konkurrent prezantonte idenë e tij të biznesit dhe merrte këshilla e udhëzime nga ekspertët e ftuar. Termi StarTop ishte një kombinim i termit start-up dhe emrit të kanalit transmetues^[1], duke theksuar fokusin e emisionit te bizneset e reja.

Paneli i Ekspertëve

Paneli përbëhej nga disa profesionistë,mentorë dhe biznesmenë të fushave të ndryshme që ofronin mbështetje dhe sugjerime, si dhe diskutonin mundësitë për përmirësimin e ideve të pjesëmarrësve.

Stafi dhe Moderatori

Ideatorja dhe autorja e projektit ishte Ledja Liku,skenarist Ardi Pulaj^[2], ndërsa emisioni moderohej nga prezantuesi i njohur shqiptar Eno Popi^[3], i cili drejtonte bisedat dhe ndërmjetësonte diskutimet ndërmjet konkurentëve dhe panelit të ekspertëve.

Bashkëpunëtorët dhe Mbështetja

Startop ishte një bashkëpunim ndërmjet Top Channel dhe Fondacioni Mediatik Dritan Hoxha, i cili mbështeti projektin përmes promovimit të iniciativave të reja të biznesit në program. Gjithashtu, Ministria e Shtetit për Sipërmarrjen dhe Klimén e Biznesit, ishte një partner i rëndësishëm që siguroi mbështetjen financiare për të ndihmuar zhvillimin e bizneseve të prezantuara.

Objektivat dhe Ndikimi

Startop kishte si synim kryesor promovimin e inovacionit dhe sipërmarrjes ndër të rinjtë shqiptarë. Emisioni theksonte sfidat që lidhen me krijimin dhe zhvillimin e një biznesi të ri, duke përfshirë gjetjen e investitorëve dhe përballjen me tregun. Përmes platformës së Top Channel, Startop përpiqej të forconte frymën e sipërmarrjes në Shqipëri dhe në diasporën shqiptare, duke nxitur idetë që kanë potencial për të ndikuar pozitivisht në ekonominë e vendit.

Episodet

Sezoni i parë përfshinte gjithsej 12 episode, ku çdo episod përqendrohej në prezantimin e një grupi të ri konkurentësh.

Shih gjithashtu

Referime

^ "Startop në Top Channel! Emisioni i ri për biznesmenët e rinj nis të shtunën". Top Channel. 2022-10-21. Marrë më 2024-11-02.
^ "Nis programi "Startop". Sipërmarrësit prezantojnë përpara një paneli idetë e biznesit. Intervistë me skenaristin Ardi Pulaj". Business Mag Albania. 2022-10-24. Marrë më 2024-11-02.
^ "Moderatori Eno Popi tregon detajet". Business Mag Albania. 2022-11-24. Marrë më 2024-11-02.

Lidhje të jashtme

[1] "Startop në Top Channel! Emisioni i ri për biznesmenët e rinj nis të shtunën". Top Channel. 2022-10-21. Marrë më 2024-11-02.

[2] "Nis programi "Startop". Sipërmarrësit prezantojnë përpara një paneli idetë e biznesit. Intervistë me skenaristin Ardi Pulaj". Business Mag Albania. 2022-10-24. Marrë më 2024-11-02.

[3] "Moderatori Eno Popi tregon detajet". Business Mag Albania. 2022-11-24. Marrë më 2024-11-02.

[1]

[2]

[3]