Universiteti Shtetëror i Tetovës

Universiteti Shtetëror i Tetovës (USHT) i njohur shkurt si Universiteti i Tetovës, është njëri nga katër universitetet shtetërore në Republikën e Maqedonisë, i cili u themelua më 4 qershor të vitit 1994.

Universiteti Shtetëror i Tetovës

Државен универзитет во Тетово State University of Tetova
Former names	Universiteti i Tetovës
Lloji	Publik
Themelimi	1994
Rektori	Prof.Dr. Jusuf Zejneli
Studentë	13,000
Location	Tetovë , Republika e Maqedonisë
Colors	Kuq e Verdhë
Pseudonimi	USHT
Affiliations	Aleksander Moisiu University
Faqja zyrtare	www.unite.edu.mk

Historiku

Universiteti i Tetovës si institucioni i parë i arsimit sipëror me mësim në gjuhën shqipe në Republikën e Maqedonisë u themelua nga Kuvendi për themelimin e universitetit në gjuhën shqipe, i cili u mbajt në sallën e Kuvendit Komunal të Tetovës, me nismë dhe në organizim të Bashkësisë Kulturore Shqiptare në Maqedoni.

Në këtë kuvend u soll vendimi për themelimin e Universitetit në gjuhën shqipe dhe vendimet për zgjedhjen e organeve të tij. Më vonë, ky universitet u emërtua si Universiteti i Tetovës, sipas selisë së tij. Ideator, nismëtar dhe hartues i strategjisë për themelimin e Universitetit me mësim në gjuhën shqipe ishte Abdulla Mehmeti, kryetar i Bashkësisë Kulturore të Shqiptarëve në Maqedoni, i cili me bashkëpunëtorët e tij e ka përgatitur dhe organizuar Kuvendin për themelimin e universitetit në gjuhën shqipe dhe i ka hartuar e nënshkruar aktet për themelimin e këtij universiteti dhe emërimin e organeve të përkohshme të tij, si: Vendimin për themelimin e Universitetit në gjuhën shqipe, Deklaratën për themelimin e Universitetit; Vendimin për emërimin e Këshillit për themelim dhe të Kryesisë së këtij Këshilli, në përbërje: Prof. dr. Fadil Sulejmani, Prof. dr. Murtezan Ismaili dhe Prof. dr. Agni Dika; Vendimin për Komisionet amë të fakulteteve dhe akte të tjera të universitetit dhe fakuleteve të tij. Universiteti i Tetovës është zyrtarizuar në janar të vitit 2004, me sjelljen e Ligjit nga Kuvendi i Republikës së Maqedonisë për themelimin e Universitetit Shtetëror të Tetovës. Mësimi në këtë institucion zhvillohet kryesisht në gjuhën shqipe, si dhe në gjuhën maqedonase dhe gjuhën angleze. Data të rëndësishme të Universitetit janë: 4 qershori, Dita e themeilimit të Universitetit; 17 dhjetori, dita e nënshkrimit të Aktvendimit për funksionimin e këtij Universiteti me mbështetje nga përfaqësuesit e partive politike shqiptare, shoqatave të qytetarëve, Kuvendeve komunale, të Tetovës, Gostivarit dhe Dibrës, si dhe personalitete nga jeta publike. Rektor i parë i këtij Universiteti ka qenë, Prof. dr. Fadil Sulejmani, ndërsa pas tij këtë detyrë e kanë ushtruar: Prof. dr. Ramiz Abdyli, Prof. dr. Nexhbedin Beadini, Prof. dr. Sadi Bexheti, Prof. dr. Agron Reka, Prof. Dr. Vullnet Ameti. Ndërsa aktualisht, detyrën e Rektorit të këtij institucioni të arsimit të lartë e kryen Prof. dr. Jusuf Zejneli.

Të diplomuarit e parë ishin 33 student, diplomat të njohura nga qeveria e Republikës së Maqedonise në vitin 2004, ndër studentër e parë ishin Jusuf Zendeli jurist i diplomuar, Besnik Sulejmani Jurist i diplomuar, Agim Nuhiu jurist i diplomuar, Xhelal Bajrami jurist i diplomuar, Rijad Shaqiri Ekonomist i diplomuar, etj, Vlen te ceket se ceremonia ishte organizuar me pjesmarrje te kryetarit të Kuvendit të Maqedonise Ljupço Jordanovski.

Organizimi

Fakultetet

• Fakulteti Juridik i Universitetit të Tetovës
• Fakulteti i Arteve i Universitetit të Tetovës
• Fakulteti Filozofik i Universitetit të Tetovës
• Fakulteti Filologjik i Universitetit të Tetovës
• Fakulteti Ekonomik i Universitetit të Tetovës
• Fakulteti Pedagogjik i Universitetit të Tetovës
• Fakulteti i Administrimit të Biznesit në Kumanovë
• Fakulteti i Kulturës Fizike i Universitetit të Tetovës
• Fakulteti i Shkencave Mjekësore i Universitetit të Tetovës
• Fakulteti i Shkencave të Zbatuara i Universitetit të Tetovës
• Fakulteti i Bujqësisë dhe Bioteknologjisë i Universitetit të Tetovës
• Fakulteti i Shkencave Matematike Natyrore i Universitetit të Tetovës
• Fakulteti i Teknologjisë Ushqimore dhe të Ushqyerit i Universitetit të Tetovës

Institutet

• Instituti Ekologjik dhe Teknologjik i Universitetit të Tetovës

Rektorët

• Fadil Sulejmani,
• Ramiz Abdyli,
• Nexhbedin Beadini,
• Sadi Bexheti,
• Agron Reka.
• Vullnet Ameti,
• Jusuf Zejneli

Shih edhe

• Tetova
• Komuna e Tetovës
• Universiteti i Tiranës
• Universiteti i Prishtinës
• Arsimi në Maqedoninë e Veriut
• Shqiptarët në Maqedoninë e Veriut

Lidhje të jashtme

• Faqja zyrtare