Aleksandër Stipçeviq

Aleksandër Shandri Stipçeviq ka qenë ilirolog,^[1] historian, arkeolog dhe studiues arbëresho-kroat.

Jetëshkrimi

Aleksandër Stipeviç lindi më 10 tetor 1930 në Arbënesh të Zarës në Kroaci . Është njëri nga ata bij të arbëreshëve të rrethit të Shkodrës, të cilët treqind vjet më parë u shpërngulën në rrethin e Zarës. Ka studiuar arkeologjinë dhe ka drejtuar një varg institucionesh e projektesh që lidhen me bibliotekat, historinë e librit, botimet enciklopedike etj., deri në Akademinë e Shkencave në Zagreb. Në vitet 1970-1973 ligjëroi lëndën, "Hyrje në arkeologji" në Fakultetin Filozofik të Universitetit të Prishtinës,^[2] ndërsa në Universitetin e Zagrebit historinë e librit dhe të bibliotekave.

Që nga viti 1987 është profesor ordinar në Fakultetin Filozofik të Universitetit të Zagrebit, ku mban kursin e historisë së librit, sociologjisë së librit dhe bibliografisë. Është autor i një numri të madh veprash për ilirët dhe historinë e librit: Historia e ilirëve, Arti i ilirëve, Simbolet e kultit te Ilirët, Bibliografi për ilirët, Historia e librit, Censura në biblioteka, Interpretime albanologjike etj. Më shumë se dyzetë vjet emri i tij identifikohet me rezultatet më të reja të studimeve ilire. Aleksandër Shandri Stipçeviq vdiq më 31.08.2015.

Vepra

Gli Iliri ("Illyrians"; 1966)
Arte degli Illiri ("The Illyrian Art"; 1963)
Bibliographia Illyrica (1967 - 1987)
Iliri: povijest, život, kultura (1974)
Ilirët, historia, jeta, kultura, simbolet e kultit
Bibliografija antičke arheologije u Jugoslaviji (I–II, 1977)
Kultni simboli kod Ilira ("The Illyrian Cult Symbols"; 1981)
Povijest knjige ("The History of Books"; 1985, 2006)
Cenzura u knjižnicama ("Censorship and Libraries"; 1992)
O savršenom cenzoru (1994)
Sudbina knjige (2000)
Socijalna povijest knjige u Hrvata (I–II, 2004–05)
Tradicijska kultura zadarskih Arbanasa (Historia tradicionale e arbëreshëve të Zarës - 2011)

Shih edhe

Referime

^ Aleksandar Stipčević: The art of the Illyrians. Edizioni del Milione, 1963
^ "Aleksandar Stipçeviq". Akademia e Shkencave dhe e Arteve e Kosovës. Marrë më 25 janar 2024.

Lidhje të jashtme

Historia e Arbrshëve të Zarës (angl.)

Ky artikull në lidhje me një biografi individi është i cunguar. Ju mund të ndihmoni Wikipedian duke e zgjeruar atë.

[1] Aleksandar Stipčević: The art of the Illyrians. Edizioni del Milione, 1963

[2] "Aleksandar Stipçeviq". Akademia e Shkencave dhe e Arteve e Kosovës. Marrë më 25 janar 2024.

[1]

[2]