Bashkim Jashari

Bashkim Jashari
Bashkim Jashari
	Gjeneral-Lejtënant Bashkim Jashari
Komandanti i 4-të i Forcës së Sigurisë së Kosovës
	Titullar
	Në detyrë ; 30 Nëntor 2021
Presidenti	Vjosa Osmani
Kryeministri	Albin Kurti
Paraprirë nga	Rrahman Rama
Të dhëna vetjake
U lind më	15 Nëntor 1977; Prekaz i Poshtëm, Komuna e Skënderajit, Kosovë
Nënshtetësia	Shqiptar
Fëmijët	4
Arsimimi	Universiteti i Prishtinës
Shërbimi ushtarak
Dega/shërbimi	Ushtria Çlirimtare e Kosovës (1998–1999) ; ; Trupat e Mbrojtjes së Kosovës (1999–2009) ; ; Forca e Sigurisë së Kosovës (2009–aktiv);
Grada	Gjeneral–Lejtënant
Beteja/luftra	Lufta e Kosovës; (1998–1999)

Bashkim Jashari (i lindur më 15 Nëntor 1977) në fshatin Prekaz të Komunës së Skënderajit, është një Gjeneral Shqiptar i Kosovës me tre yje, i cili shërben si Komandant i Përgjithshëm i Forcës së Sigurisë së Kosovës (FSK) që nga data 30 Nëntor 2021.^[1] Ai gjithashtu është edhe këshilltari kryesor ushtarak i Presidentit, Kryeministrit dhe Këshillit të Sigurisë së Kosovës.^[1]

Jeta e hershme

Bashkim Jashari lindi më 15 Nëntor 1977 në fshatin Prekaz i Poshtëm të Komunës së Skënderajit. Gjeneral JASHARI ishte gjithmonë krah heronjve kombëtarë Hamëz e Adem JASHARI, dhe shumë luftëtarëve të tjerë, të cilët qëllim kishin çlirimin e popullit të Kosovës nga dhuna dhe terrori që po i bëhej nga pushteti serb. Gjeneral JASHARI është njëri nga dy të mbijetuarit e familjes së Jashari. Bashkim Jashari luftoi deri në fund duke thyer rrethimin treditorë që i ishte bërë familjes JASHARI nga forcat policore – ushtarake dhe paramilitare serbe. Pas qëndresës heroike të familjes JASHARI, e cila u bë simbol i lirisë dhe pavarësisë së Kosovës, në Kosovë shpërtheu luftë e ashpër, por gjeneral JASHARI nuk u zmbraps asnjëherë, ai vazhdoi rrugëtimin e familjes së tij, duke inspiruar shumë djem dhe vajza që t’iu bashkohen Ushtrisë Çlirimtare të Kosovës në luftën për liri. Gjatë kohës kur ishte pjesëmarrës aktiv dhe i pandashëm i UÇK-së, shërbeu si Zëvendëskomandant i Zonës së Parë Operative, Zones së Drenicës.

Karriera Ushtarake

Gjeneral JASHARI vazhdoi karrierën e tij ushtarake duke shërbyer në Trupat Mbrojtëse të Kosovës (TMK), që ishte organizatë pasardhëse e Ushtrisë Çlirimtare të Kosovës. Fillimisht, në vitin 1999 u emërua Zëvendëskomandant i Zonës së Parë Mbrojtëse, ndërsa në qershor të vitit 2001 emërohet Komandant i kësaj zone. Reputacioni si ushtarak i dalluar dhe shumë i respektuar për kontributin e dhënë gjatë luftës ishte një faktor kyç, dhe shumë i rëndësishëm që e ndihmojë të punojë dhe të jetë i përkushtuar drejt krijimit të një ushtrie moderne dhe profesionale.

Me themelimin e Forcës së Sigurisë së Kosovës (FSK) në vitin 2009, Gjeneral JASHARI u bë pjesë e Ministrisë së Forcës së Sigurisë së Kosovës duke u emëruar Inspektor Gjeneral i FSK-së. Ai kishte një rol tejet të rëndësishëm gjatë procesit të tranzicionit të FSK-së, ku siguronte që stafi i Ministrisë dhe FSK-së i zhvillonte këto procese në përpikëri dhe gjithmonë në përputhje me ligjet dhe rregulloret në fuqi.

Gjeneral JASHARI në mars të vitit 2018 gradohet Gjeneralmajor, dhe pas transformimit të Ministrisë u riemërua Inspektor Gjeneral. Në nëntor të vitit 2021, Gjeneral JASHARI emërohet Komandant i Forcës së Sigurisë së Kosovës.

Studimet ushtarake të Komandës dhe Shtabit të Përgjithshëm dhe Studimet e Sigurisë dhe Mbrojtjes i kreu në Akademinë e Mbrojtjes “Spiro Moisiu” në Shqipëri. Gjatë studimeve ushtarake ai publikoi punimin shkencor me temën “Formimi i UCK-së, krijimi i shtetit si rezultat i luftës”. Ndërsa studimet civile i kreu në Fakultetin Juridik në Universitetin e Prishtinës.^[1]

Jeta Personale

Gjeneral Bashkim Jashari është i martuar, baba i katër fëmijëve, një vajzë dhe tre djem.

Medaljet dhe Mirënjohjet

(2017) Medalja “Shërbim Vetëmohues” nga Komandanti i Forcës së Sigurisë së Kosovës

(2015) Medalja “Shërbim Vetëmohues” nga Komandanti i Forcës së Sigurisë së Kosovës

(2012) Medalja “Shërbim i Shquar” nga Ministri i Mbrojtjes

(2008) “Medalja Presidenciale e Meritave” nga Presidenti i Republikës së Kosovës

Trajnimet, kurset dhe seminaret

(2016) Pjesëmarrje në Simpoziumin Ndërkombëtar të Luftës Ajrore në Akademinë e Luftërave Ajrore.

(2015) Planifikim, Programim dhe Buxhetim për udhëheqësit e lartë – Instituti i Menaxhimit të Burimeve të Mbrojtjes.

(2010) Punim shkencor “Formimi i UCK-së, krijimi i shtetit si rezultat i luftës” – Akademia e Mbrojtjes “Spiro Moisiu”, Tiranë.

(2010) Kursi i Lartë për Siguri dhe Mbrojtje – Akademia e Mbrojtjes “Spiro Moisiu”, Tiranë.

(2007) Kursi i Komandës dhe Shtabit të Përgjithshëm – Akademia e Mbrojtjes “Spiro Moisiu”, Tiranë.

(2001) Lidership – Ministria e Punëve të Brendshme.

(1999) Siguria Civile – Francë.

Aktivitete të tjera

Noti, futbolli dhe ecje në natyrë (hiking), janë disa nga aktivitetet e tij të preferuara.

Gjuhët e huaja

Anglisht (nivel elementar).

Shiko edhe

Komandanti i Forcës së Sigurisë së Kosovës

Referime

^ ^a ^b ^c "Komandanti i FSK-së - Biografia". https://fsk-rks.org/. {{cite web}}: Lidhje e jashtme në |website= (Ndihmë!)

[:0-1] "Komandanti i FSK-së - Biografia". https://fsk-rks.org/. {{cite web}}: Lidhje e jashtme në |website= (Ndihmë!)

[1]

Bashkim Jashari
Gjeneral-Lejtënant Bashkim Jashari

Komandanti i 4-të i Forcës së Sigurisë së Kosovës
Titullar
Në detyrë 30 Nëntor 2021
Presidenti	Vjosa Osmani
Kryeministri	Albin Kurti
Paraprirë nga	Rrahman Rama

Të dhëna vetjake
U lind më	15 Nëntor 1977 Prekaz i Poshtëm, Komuna e Skënderajit, Kosovë
Nënshtetësia	Shqiptar
Fëmijët	4
Arsimimi	Universiteti i Prishtinës
Shërbimi ushtarak
Dega/shërbimi	Ushtria Çlirimtare e Kosovës (1998–1999) Trupat e Mbrojtjes së Kosovës (1999–2009) Forca e Sigurisë së Kosovës (2009–aktiv)
Grada	Gjeneral–Lejtënant
Beteja/luftra	Lufta e Kosovës (1998–1999)