Albin Kurti

aktivist dhe politikan kosovar, Kryeministër i Kosovës

Albin Kurti (i lindur më 24 Mars 1975) në Prishtinë, është një politikan dhe aktivist shqiptar, që shërben si kryeministër i Kosovës që nga 22 marsi 2021, pasi ka shërbyer më parë në atë rol midis shkurtit dhe qershorit 2020. Ai u bë i njohur në vitin 1997 si nënkryetar i sindikatës studentore të Universitetit të Prishtinës dhe organizator kryesor i demonstratave jo të dhunshme në vitet 1997 dhe 1998. Kur Adem Demaçi u bë përfaqësues politik i Ushtrisë Çlirimtare të Kosovës (UÇK), Kurti punoi në zyrën e tij. Ai është deputet i Kuvendit të Kosovës që nga viti 2010 në tri legjislatura radhazi.[1] Prej 21 janarit 2018, Albin Kurti është kryetar i partisë së Lëvizjes Vetëvendosje (LVV) të cilën e themeloi dhe e drejtoi në vitet 2005 deri më 2015.

Albin Kurti
PM Albin Kurti during the first meeting of the Government of the Republic of Kosovo 3 (cropped).jpg
Kryeministri i 4-të i Kosovës
22 Mars 2021 – Në detyrë
Paraardhësi: Avdullah Hoti
Lideri i Opozitës
3 Qershor 202022 Mars 2021
Paraardhësi: Kadri Veseli
Pasardhësi: Enver Hoxhaj
Kryetar i Vetëvendosjes
21 Janar 2018 – Në detyrë
Paraardhësi: Visar Ymeri
Të dhënat personale
Lindi më: 24 Mars 1975
Lindi në: Prishtinë, ish–Jugosllavi, (tani Kosovë)
Profesioni: Politikan, Aktivist
Shkolla e kryer: Universiteti i Prishtinës
Partia politike: Lëvizja Vetëvendosje
Bashkëshortja Rita Augestad Knudsen
Fëmijë 1
Albin Kurti
Nënshkrimi i Albin Kurtit

BiografiaRedakto

Albin Kurti lindi më 24 mars 1975Prishtinë. Mbas arsimimit bazë (1981 deri 1989) dhe më tej atij të mesëm (1989 deri më 1993) në Prishtinë vazhdon studimet. Në rezistencë kundër Millosheviqit në gusht të vitit 1997 Albini u kyç në Unionin e Pavarur të StudentëveUniversitetit të Prishtinës, si anëtar i kryesisë e më vonë si zyrtar për marrëdhënie ndërkombëtare.

Kurti ka qenë gjithashtu edhe anëtar i Këshillit Organizativ të Protestave Paqësore dhe të pa dhunshme studentore për lirimin e objekteve universitare të uzurpuara me dhunë nga regjimi i Millosheviqit. Ai ishte njëri ndër udhëheqësit e protestës historike studentore më 1 tetor 1997 e cila u shtyp brutalisht nga policia e Millosheviqit.

Me fillin e luftës në Kosovë, në gusht të vitit 1998, Albini filloi punën në zyrën e përfaqësuesit të përgjithshëm politik të UÇK-së, Adem Demaçit, ku shërbeu si sekretar i zyrës. Gjatë kësaj kohe ka qenë i angazhuar në gjetjen e zgjidhjes politike për krizën në Kosovë. Gjatë bombardimeve të NATO-s ai qëndroi në Prishtinë deri më 27 prill 1999, kur policia serbe e arrestoi. Me 10 qershor, me tërheqjen e forcave serbe në Serbi, ai së bashku me të burgosurit tjerë shqiptarë u transferua në burgjet serbe. Më 13 mars 2000 në Nish, Albini u dënua me 15 vjet burg të rëndë. Gjatë gjykimit ai refuzoi të njihte legjitimitetin e gjykatës duke thënë: "Ky gjyq nuk ka asgjë të përbashkët me të vërtetën dhe drejtësinë. Ky gjyq i shërben politikës ditore të regjimit të Milosheviçit që e ka mbajtur Kosovën nën okupim".[2] Kur u dënua, ai tha: "Nuk është me rëndësi nëse më dënoni dhe sa më dënoni. Çdo gjë që kam bërë e kam bërë vullnetarisht dhe me dinjitet, jam krenar për këtë dhe po të më ipej rasti do të veproja sërish njësoj." Si rezultat i presionit ndërkombëtar Albini u lirua më 7 dhjetor 2001. Më 23 prill 2003 Albini diplomoi në fakultetin e shkencave kompjuterike dhe telekomunikacionit në Universitetin e Prishtinës dhe vazhdoi të jetë aktivist i të drejtave të njeriut dhe atyre civile.

Pas Luftës së KosovësRedakto

Ai punoi si aktivist në Rrjetin e Aksionit për Kosovën (KAN), të formuar në vitin 1997, që u ringjall në konferencën "Drejtimet e reja" të mbajtur në Prishtinë nga 8-13 korrik 2003. Në këtë mënyrë KAN e siguroi vazhdimësinë me anë të një fillimi të ri. KAN ishte lëvizje e aktivistëve të rinj, që për mision kishin ndryshimet shoqërore dhe krijimin e qytetarisë aktive. Aktivitetet përqendroheshin në tri fusha kryesore: çështjet e të drejtave të njeriut dhe drejtësia sociale, arsimi, kultura dhe arti. KAN përbehej edhe prej shumë anëtarëve ndërkombëtarë.

Më 12 qershor 2005 në muret që rrethonin ndërtesën e UNMIK-ut, aktivistët shkruan parullën Jo negociata, vetëvendosje, që solli në transformimin e KAN-it në Lëvizjen vetëvendosje! Shkrimi i parullave vazhdoi gati në të gjitha fshatrat dhe qytetet e Kosovës, dhe pastaj lëvizja filloi me përdorimin e metodave tjera kreative e të pa dhunshme sikurse janë aksionet simbolike, bllokadat dhe së fundi edhe demonstratat masive. Shërbimi Policor i Kosovës në bashkëpunim me policinë ndërkombëtare arrestoi, burgosi dhe dënoi qindra aktivistë, ndër ta edhe Albinin. Lëvizja vetëvendosje! kërkon referendum gjithpopullor në Kosovë, si e vetmja zgjidhje e drejtë paqësore për të vendosur statusin e Kosovës. Lëvizja arsyeton se vetëm me referendum si ushtrim i të drejtës për vetëvendosje mund të realizohet një zgjidhje demokratike e vërtetë. Në vend të negociatave të cilat mund ta vënë në kompromis lirinë, lëvizja kërkon që populli i Kosovës të ketë mundësi të vendosë për vetveten, si duan të jenë të qeverisur dhe nga kush.

Opozitë (2010-2020)Redakto

KryeministërRedakto

Albin Kurti së pari u zgjodh si Kryeministër i Kosovës më 3 shkurt 2020 me 66 vota dhe 10 abstenime.[3] Ai u rrëzua më 3 qershor 2020 me 82 vota pro ku qëndroi për 50 ditë.[4]

Më 22 mars 2021, Albin Kurti zgjidhet prapë si kryeministër pas 13 muajsh me 67 vota pro dhe 30 vota kundër.[5]

Kurti ka qenë dhe do të mbetet i vetmi kryeministër kundër ndarjes së Republikës së Kosoës dhe kundër kompromiseve në dëmtim të Kosovës,përkundër ish-kryeministrave të tjerë.

BurimetRedakto

ReferimeRedakto

  1. ^ "Votohet mocioni i mosbesimit, qeveria e Albin Kurtit rrëzohet pas 51 ditësh". BalkanWeb.com. 25 mars 2020. Marrë më 25 prill 2020.
  2. ^ Kosova Albanian student leader jailed for 15 years Arkivuar 2009-04-29 tek Wayback Machine Vizituar më 19.07.2016.
  3. ^ Albin Kurti zgjidhet Kryeministër i Kosovës me 66 vota pro
  4. ^ Albin Kurti rrëzohet me 82 vota/ 50 ditë si kryeministër i Kosovës, Vjosa Osmani kundër LDK
  5. ^ Kosovo Parliament Elects Albin Kurti as Prime Minister