Kadri Veseli

politikan kosovar

Kadri Veseli (lindi më 31 Maj 1967) ishte Kryetar i Kuvendit të Kosovës. Ai ishte shef i Shërbimit Informativ të Kosovës. Veseli filloi studimet e edukimit në vitin 1990 në fakultetin e agrikulturës dhe shkollën pedagogjike në gjuhën shqipe në Universitetin e Prishtinës. Veseli dinë të flasë gjuhën angleze, gjuhën gjermane dhe gjuhën serbe. Ai u zgjodh si kryetar i PDK-së pa asnjë votë kundër dhe asnjë abstenim. Veseli është një nga liderët e ri të lëvizjes studentore gjatë viteve 1988-1990, i cili u angazhua për të drejtat e njerëzve dhe politike të shqiptarëve të Kosovës, përfshirë edhe të drejtën për pavarësi. Në vitin 2020, ai u padit për krime lufte dhe krime kundër njerëzimit gjatë Luftës së Kosovës.

Kadri Veseli
Kadri Veseli 2017.jpg
Lider i Opozitës
3 Shkurt 20203 Qershor 2020
Paraardhësi: Albin Kurti
Kryetar i Partisë Demokratike të Kosovës (PDK)
9 Mars 20165 Nëntor 2020
Paraardhësi: Hashim Thaçi
Pasardhësi: Enver Hoxhaj (në detyrë)
Kryetar i Kuvendit të Kosovës
8 Dhjetor 201422 Gusht 2019
Paraardhësi: Jakup Krasniqi
Pasardhësi: Glauk Konjufca
Të dhënat personale
Lindi më: 31 Maj 1967
Lindi në: Mitrovicë e Kosovës, ish-Jugosllavi (tani Kosovë)
Kombësia: Shqiptar
Profesioni: Politikan
Jurist
Partia politike: Partia Demokratike e Kosovës (PDK)
Kadri Veseli
Nënshkrimi i Kadri Veselit

Gjatë Luftës në Kosovës ai ishte udhëheqës i Shërbimit Informativ të UÇK-së ndryshe i njohur si Zbulim-Kundër Zbulim(G-2), deri në fund të luftës kur u shndërrua në të ashtuquajturin Shërbimi Informativ i Kosovës ose SHIK, një organizatë e inteligjencës në Kosovën e pas luftës, e cila ishte apostrofuar si e lidhur me Partin Demokratike të Kosovës nga kundërshtarët politik të kësaj të fundit. ShIK-u zyrtarisht përmbylli misionin në vitin 2008 kur Kadri Veseli shpalli shpërbërjen e saj. Në fund të vitit 2012, Kadri Veseli zyrtarisht u bashkua me Partinë Demokratike të Kosovës (PDK), ndërsa në 27 janar 2013 u bë zëvendëskryetar i partisë. Veseli u votua Kryetar i Kuvendit të Republikës së Kosovës më 8 dhjetor 2014. Ai është ngritur si kreu i partisë PDK pas dorëheqjes së Hashim Thaçit, i cili e liroi postin për shkak të detyrimeve kushtetuese, për të marrë postin e Presidentit të Republikes se Kosovës.

Pas zgjedhjeve parlamentare të vitit 2017, Veseli u rizgjodh si Kryetar i Kuvendit më 7 shtator 2017.

Ai është i martuar me bashkëshorten e tij Violetën dhe kanë katër fëmijë.

ReferimetRedakto