Qeveria e Kosovës
Qeveria e Kosovës ushtron pushtetin ekzekutiv në pajtim me Kushtetutën dhe me ligjin. Qeverinë e Kosovës e përbëjnë Kryeministri, zëvendëskryeministrat dhe ministrat. Qeveria udhëhiqet nga Kryeministri/ja, ai ose ajo zgjidhet nga Kuvendi i Kosovës.Qeveria zbaton ligjet dhe aktet e tjera të miratuara nga Kuvendi i Kosovës dhe ushtron veprimtari tjera brenda përgjegjësive të përcaktuara me këtë Kushtetutë dhe me ligj.
| Qeveria e Republikës së Kosovës | |
|---|---|
| [Government of Kosovo] | |
 | |
| Përmbledhje | |
| Themeluar | 17 Shkurt 2008 |
| Lideri | Hashim Thaçi |
| Organi kryesor | Parlamenti |
| Përgjegjës tek | Parlamenti i Republikës së Kosovës |
| Pushteti ligjvënës | Parlamenti i Kosovës |
| Pushteti ekzekutiv | Presidenti dhe Qeveria e Kosovës |
| Kryeministri | Ramush Haradinaj |
| Zëvendëskryeministër | Behxhet Pacolli (AKR) |
| Zëvendëskryeministër2 | Fatmir Limaj (Nisma) |
| Zëvendëskryeministër3 |
Enver Hoxhaj (PDK) Dardan Gashi (i pavarur) |
| Adresa |
Ndërtesa e Qeverisë, Sheshi “Nëna Terezë” 10000 Prishtinë Republika e Kosovës |
| Website | https://www.rks-gov.net |
Qeveria merr vendime në pajtim me këtë Kushtetutë dhe me ligje, propozon projektligje dhe amendamentimin e ligjeve ekzistuese e akteve të tjera, si dhe mund të japë mendimin rreth projektligjeve të cilat nuk janë të propozuara nga ajo. Qeveria, për punën e vet, i përgjigjet Kuvendit të Kosovës. Kryeministri, zëvendëskryeministrat dhe ministrat mbajnë bashkëpërgjegjësinë për vendimet që merr Qeveria, dhe përgjegjësinë individuale për vendimet që marrin në fushat e përgjegjësive të tyre.
Ministrat nominohen nga kryeministri dhe pastaj votohen nga kuvendi. Ramush Haradinaj është Kryeministër aktual i Kosovës dhe udhëheqës i qeverisë. Ramush Haradinaj u zgjodh kryeministër pas 8 shtator 2017. Qeveria e tij përbëhet nga Shqiptarët, por gjithashtu ka ministra nga minioriteti i Kosovës, si Serbët dhe Turqit.
Qeveria ka këto kompetenca:
- propozon dhe zbaton politikën e brendshme dhe të jashtme të vendit;
- mundëson zhvillimin ekonomik të vendit;
- propozon Kuvendit projektligje dhe akte të tjera;
- merr vendime dhe nxjerr akte juridike ose rregullore, të nevojshme për zbatimin e ligjeve;
- propozon Buxhetin e Republikës së Kosovës;
- udhëzon dhe mbikëqyr punën e organeve të administratës;
- udhëzon veprimtarinë dhe zhvillimin e shërbimeve publike;
- i propozon Presidentit të Republikës së Kosovës emërimet dhe shkarkimet për shefa të misioneve diplomatike të Kosovës;
- propozon amendamentimin e Kushtetutës;
- mund të referojë çështje kushtetuese në Gjykatën Kushtetuese;
- ushtron edhe funksione të tjera ekzekutive, të cilat nuk u janë caktuar organeve të tjera qendrore ose vendore.
Përbërja e qeverisëRedakto
Ministrat dhe Ministritë të Republikës së Kosovës[1]
ShënimeRedakto
Pavarësia e Republikës së Kosovës u shpall më 17 shkurt 2008, por Serbia vazhdon duke pretenduar se Kosova është pjesë e saj. Të dyja shtete filluan një delegacion Beograd-Prishtinë në vitin 2013 si pjesë e marrëveshjes së Brukselit. Deri më tani 108 shtete të OKB-së që e kanë njohur Kosovën.
Shiko edheRedakto
 Stema e shtetit |
| ||||||||||||||||||
- ^ "Kabineti Qeveritar - Zyra e Kryeministrit të Kosovës". Zyra e Kryeministrit të Kosovës. Marrë më 2018-10-03.