Dhori Qiriazi
Dhori Qiriazi (Lëngëza, 3 janar 1933 - Tiranë, 2 tetor 2009) ka qenë poet lirik, shkrimtar, përkthyes dhe studiues shqiptar.
| Dhori Qiriazi | |
| Emri | Dhori Dhimitër |
| Mbiemri | Qiriazi |
| Lindur më | 1933 |
| Lindur në | Lëngëzë, Kolonjë |
| Vdiq më | 19 tetor 2009 |
| Vdiq në | Tiranë |
| Kombësia | shqiptare |
| Profesioni | shkrimtar, përkthyes |
| Mirënjohje | |
| Mësues i Popullit - Shqipëri, Anëtar i përjetshëm i Irvine Burns Club, Skoci | |
Biografia Redakto
U lind në Lëngëzë të Kolonjës në vitin 1933, i biri i Dhimitër Qiriazit. Ka mbaruar studimet në Fakultetin e Historisë dhe Filologjisë në Tiranë në vitin 1958 për gjuhë-letërsi dhe histori. Ka punuar si mësues në qytetin e Ersekës dhe në fshatrat e Kolonjës deri në vitin 1988, kur doli në pension. Mban titullin "Mësues i Popullit".
Dhori Qiriazi është një nga zërat e veçantë dhe poetët lirikë më brilantë në letërsinë shqipe e viteve 60. Filloi të botojë që në vitin 1953.
Gjithashtu, është shquar si përkthyes ku ka sjellë në shqip me cilësi të lartë poetë botërorë. Nga viti 2003, për përkthimin e shkëlqyer të poezive të Robert Bërnsit, është antar i përjetshëm i Klubit "Bërns" (Irvine Burns Club) në qytetin Irvine në Skoci. Ka botuar një sërë librash studimorë ku do të veçonim "Memorjen" e Gjon Muzakës dhe monografinë "Krishterimi në Shqipëri", e para monografi e këtij lloji në Shqipëri. Ka mbledhur në një libër, për herë të parë, këngët e krahinës së Kolonjës dhe të Leskovikut, botuar nën titullin "Flakët e vatrës".
Vdiq në Tiranë më 2 tetor 2009.
Tituj të veprave Redakto
- Kur zemra rreh së pari (1958) [1]
- Balada intime (1963) [1]
- Poema e ushtarit(1968) [1]
- Pishat me kristale (1971) [1]
- Poezia shqipe (1974) [1]
- Poezi (botuar në Prishtinë) (1976)
- Vitet (1982)
- Blerta (1981)
- Nekrasov, "Kush rron i lumtur në Rusi" (1982)
- Guri i kripës (1984) [1]
- Kukuli dhe shigjeta (1986) [1]
- Libri i këngëve - Petrarka (përkthim) (1995)
- Memorje - Gjon Muzaka (përkthim dhe pajisje me shënime) 1996)
- Gjauri, I burgosuri i Shilonit - Bajron (përkthim) 1996)
- Lirika Antike Greke, Antologji (përkthim) (1997)
- Dhimitër Kamarda, studim (1997)
- Poezi - Robert Bërns (përkthim) (1998)
- Kujtime mbi Tolstoin (përkthim) (1998)
- Kufoma e gjallë - L. Tolstoi (Dramë) (përkthim) (1998)
- Krishterimi në Shqipëri (2000)
- Baladat intime (2001)
- Sheshi i Shatrivanit - S. Kuazimodo (përkthim) (2001)
- Letra nga Shqipëria - Xh.K.Hobhauz (përkthim) (2001)
- Nga shpirti i shkrimtarëve dhe artistëve - F.Niçe (përkthim)(2001)
- Stinët njerëzore - Xh. Kits (përkthim) (2001)
- Flakët e vatrës (2002)
- Kaligrame lirike (ese) (2002)
- Zemër gruaje, tregime (përkthim) (2002)
- Krishtërimi në Shqipëri (ribotim) (2005)
- Lirikat e borës - poezi '(2007)'
- Xhorxh Bajron, Nusja e Abidos (përkthim) (2007)
- XH. Rumiu "Mas'navi Manavi" - poezi (përkthim) (2007)''
- Vajza e pashait, - tregime (19 shtator 2009)
- A. S. Pushkin "Poezi, Poemë, Drama në vargje" - përkthim (12.11.2009)
- Dikur në vjeshtë - poezi, Tirana Times, 2014