Dita Botërore e Shëndetit

Dita Botërore e Shëndetit është një ditë globale e ndërgjegjësimit shëndetësor që festohet për çdo vit më 7 prill, nën sponsorizimin e Organizatës Botërore të Shëndetit (OBSH), si dhe të organizatave të tjera të ndërlidhura.

Në vitin 1948, OBSH organizoi Asamblenë e Parë Botërore të Shëndetit. Asambleja vendosi të caktojë 7 prillin si Ditën Botërore të Shëndetit. Dita Botërore e Shëndetit mbahet për të shënuar themelimin e OBSH-së, dhe shihet si një mundësi nga organizata të ndryshme për të tërhequr vëmendjen në mbarë botën për një subjekt me rëndësi të madhe për shëndetin global çdo vit. OBSH-ja në këtë datë organizon ngjarje ndërkombëtare, rajonale dhe lokale në lidhje me një temë të veçantë shëndetësore. Dita Botërore e Shëndetit pranohet nga qeveri të ndryshme dhe organizata joqeveritare me interes në çështjet e shëndetit publik, të cilët gjithashtu organizojnë aktivitete dhe theksojnë mbështetjen e tyre në raportet e mediave, siç është Këshilli Global i Shëndetësisë.

Dita Botërore e Shëndetit është një nga tetë fushatat zyrtare globale të shëndetit të shënuara nga OBSH, së bashku me Ditën Botërore të Tuberkulozit, Javën Botërore të Imunizimit, Ditën Botërore të Malaries, Ditën Botërore pa Duhan, Ditën Botërore kundër SIDA-s, Ditën Botërore të Donatorëve të Gjakut dhe Ditën Botërore të Hepatitit.

Shih edhe

• Shëndeti
• Shëndetësia
• Shëndeti publik
• Shëndeti mendor
• Shëndetësia në Kosovë
• Shëndetësia në Shqipëri
• Organizata Botërore e Shëndetësisë

Lidhje të jashtme

• Dita Botërore e Shëndetit në faqen zyrtare të WHO Arkivuar 30 mars 2012 tek Wayback Machine
• Uebfaqja zyrtare e Ditës Botërore të Shëndetit 2011 e Organizatës Pan Amerikane të Shëndetit, Zyra Rajonale e Organizatës Botërore të Shëndetit Zyra Rajonale për Amerikën Arkivuar 12 gusht 2018 tek Wayback Machine
• Uebfaqja zyrtare botërore e shëndetit të Organizatës Botërore të Shëndetit, Zyra Rajonale për Mesdheun Lindor