Endri Xhafo
Endri Xhafo (lindur më 12 maj 1976 në Tiranë, Shqipëri) është një gazetar shqiptar.
Endri Xhafo | |
|---|---|
| Lindi | 12 maj 1976 |
| Kombësia | Shqiptar |
| Profesioni | gazetar |
Studimet
RedaktoËshtë diplomuar për gazetari në korrik të vitit 1998 pranë Departamentit të Gazetarisë në Fakultetin e Histori-Filologjisë të Universitetit të Tiranës. Është gjithashtu titullar i një Masteri për "Politika kombëtare dhe politika europiane të shteteve të Bashkimit europian" pranë Universitetit Paris 3 Sorbonne Nouvelle, Paris (Francë). Flet shqip, frëngjisht, italisht e anglisht.
Karriera
RedaktoPrej nëntorit 2020 deri në 05 dhjetor 2022 Endri Xhafo ishte autor/drejtues i programit të aktualitetit LOG. në televizionin ABC, Tiranë, Shqipëri. Programi u transmetua live fillimisht çdo të hënë në orën 21.00, më pas çdo të hënë, të martë e të enjte në orën 21.00, kurse sezonin televiziv 2022-2023 çdo të martë e të premte në orën 21.00.[1] Mbyllja e programit, sipas vetë Xhafos, erdhi për shkak të ristrukturimit programor të ABC-së pas ndërrimit të pronësisë në nëntor 2022. Endri Xhafo intervistë me Adi Krastën në Syri TV Më herët Endri Xhafo ka qenë autor/drejtues i programit "I ftuari" në A2 CNN,[2] producent ekzekutiv dhe më pas drejtor i informacionit në Top Channel,[3] drejtues i programit "Studio ABC" në ABC News,[4] dhe në sezonin televiziv 2012-2013 autor/drejtues i emisionit të mëngjesit "Mëngjes me Endrin" në Albanian Screen TV.[5] Në periudhën 2006-2012 punoi si reporter pranë Departamentit të Informacionit të Top Channel. Ka botuar rregullisht opinione në të përditshmen "Shqip", revistën "Java", etj. Po ashtu ka qenë pedagog i jashtëm i lëndës "Eurogazetari" pranë Albanian University. Eksperiencat e para profesionale i ka filluar në vitet '90 në shtypin e shkruar, në gazeta dhe revista si "Zëri i Rinisë", "Tribuna", "RD", "Albania", "Koha Jonë", "Blic" apo televizioni "Klan"; në radiot "Tirana", "Radio Ime" dhe "Kontakt".
Eshtë autor i disa telereportazheve dhe dokumentarëve, ndër të cilët dokumentari "Endrra e bukur e Invës" (nëntor 2009) mbi sopranon Inva Mula, me fotografi të Erjon Muharremit, i projektuar premierë në "Imperial Cinemas-Sheraton Tirana" në prani të vetë sopranos, Presidentit të Republikës së Shqipërisë, përfaqësuesve të trupit diplomatik, artistëve dhe figurave të shquara të ekranit dhe i transmetuar nga Top Channel dhe paketa DigitAlb, si pjesë e fondit të dokumentarëve artistikë të kësaj kompanie.[6]
Vlerësime
RedaktoEndri Xhafo është vlerësuar në vitin 2010 me çmimin "Reporteri i Vitit" nga Akademia e Vlerësimit Vjetor të Produktit Kombëtar Radio-Televiziv. Kurse në mars të vitit 2012 Ministria e Punëve të Jashtme të Shqipërisë e shpalli "Personalitet i Vitit i Frankofonisë".[7] Në periudhën 2019-2021 ka qenë anëtar i Bordit të Administrimit të Universitetit të Mjekësisë Tiranë, si përfaqësues i shoqërisë civile emëruar nga Ministria e Arsimit dhe e Shkencës.[8]
- ^ "Log". Abc News. Marrë më 2021-10-22.
- ^ "I FTUARI | VIDEO". a2news.com. Arkivuar nga origjinali më 25 tetor 2021. Marrë më 2021-10-22.
- ^ "Sokol Balla, jo më drejtor Informacioni; vazhdon drejtimin e Top Story". top-channel.tv (në anglishte amerikane). Marrë më 2021-10-22.
- ^ "endri xhafo studio abc - Kërko në Google". www.google.com. Marrë më 2021-10-22.
{{cite web}}: Mungon ose është bosh parametri|language=(Ndihmë!) - ^ "'Misteret' e sezonit të ri televiziv | ResPublica". www.respublica.al (në anglisht). Marrë më 2021-10-22.
- ^ "Kopje e arkivuar". Arkivuar nga origjinali më 26 mars 2013. Marrë më 27 nëntor 2014.
{{cite web}}: Mungon ose është bosh parametri|language=(Ndihmë!)Mirëmbajtja CS1: Archived copy si titull (lidhja) - ^ http://www.keminet.net/~minfagov/index.php?option=com_content&view=article&id=8027%3Azhvillohet-ne-mpj-pritja-e-pervitshme-me-rastin-e-dites-nderkombetare-te-frankofonise&catid=112%3Alajme&lang=sq[lidhje e vdekur]
- ^ "Universiteti i Mjekësisë - Bordi i Administrimit". Ministria e Arsimit dhe Sportit. Marrë më 2021-10-22.