Hirushja (1950)
Hirushja (titulli origjinal: Cinderella) është një film i animuar amerikan i vitit 1950, prodhuar nga Walt Disney dhe shpërndarë nga RKO Radio Pictures.[2] Është filmi i 20-të i animuar nga kompania e Walt Disney, i bazuar në përrallën e njohur me të njëjtin titull të Charles Perrault.
| Hirushja | |
|---|---|
| Regjia nga | Clyde Geronimi Hamilton Luske Wilfred Jackson |
| Shkruar nga | Ken Anderson Perce Pearce Homer Brightman Winston Hibler Bill Peet Erdman Penner Harry Reeves Joe Rinaldi Ted Sears Maurice Rapf[1] |
| Prodhuesi | Walt Disney |
| Luajnë | Ilene Woods Eleanor Audley Verna Felton Rhoda Williams James MacDonald Luis van Rooten Don Barclay Mike Douglas Lucille Bliss |
| Kinematografia | Cory Hansen |
| Montazhi | Donald Halliday |
| Muzika | Oliver Wallace Paul J. Smith Mack David Jerry Livingston Al Hoffman |
Kompania prodhuese | |
| Shpërndarë nga | RKO Radio Pictures, Inc. |
Data e publikimit | 4 mars 1950 |
Kohëzgjatja | 75 minuta |
| Shteti | Shtetet e Bashkuara të Amerikës |
| Gjuha | Anglisht |
Përmbajtja Redakto
Njëherë e një kohë, në një tokë të largët, ndodhej një mbretëri e vogël. E qetë, e begatë dhe e pasur me romancë e traditë. Atje, në një vilë madhështore jetonte një zotëri i ve dhe vogëlushja e tij. Megjithëse ishte një baba i dashur dhe i përkushtuar që nuk i linte gjë mangët vajzës së tij të shtrenjtë, mendonte se ajo kishte nevojë për kujdesin e një nëne. Kështu ai u martua përsëri me një vejushë që vinte nga një familje e mirë, me dy vajza në moshën e të bijës, Anastasian dhe Drizelën.
Për fat të keq, zotëria fisnik vdiq para kohe dhe njerka, ziliqare për bukurinë e vogëlushes që i linte në hije vajzat e saj të shëmtuara, u tregua e ftohtë dhe mizore me thjeshtrën e saj. Ajo e detyronte t'i kalonte ditët në kuzhinë, pranë oxhakut, aq sa vajzës ia vunë nofkën Hirushe.
Vitet kaluan dhe vila filloi të rrënohej pak nga pak, sepse pasuritë e familjes shpenzoheshin për tekat e kota të dy motrave egoiste, ndërsa Hirushja ishte bërë shërbëtore në shtëpinë e saj. Por pavarësisht të gjithave, Hirushja vazhdonte të ishte e mirë dhe e sjellshme sepse me çdo agim ajo ndiente t'i rilindte në zemër shpresa se një ditë ëndrrat e lumturisë së saj do të realizoheshin.
Zërat Redakto
- Ilene Woods – Hirushja
- Eleanor Audley – Njerka
- Verna Felton – Kumbara Zanë
- William Phipps – Princi
- Lucille Bliss – Anastasia
- Rhoda Williams – Drizela
- Luis van Rooten – Duka i Madh / Mbreti
- Jimmy MacDonald – Xhak / Gas / Bruno
- June Foray – Luçiferi
- Don Barclay – Portieri
- Betty Lou Gerson – Tregimtarja
Në shqip, Hirushja u dublua nga Anila Muçaj në dialog dhe nga Odeta Katundi në këngë.
Këngët Redakto
- "Hirushja" – Kori
- "Ëndrrat janë dëshira" – Hirushja
- "Këndo o bilbil" – Drizela, Hirushja
- "Kënga e punës" – Minjtë
- "Bibidi-bobidi-bu" – Kumbara Zanë
- "Kjo është dashuri" – Hirushja, Princi
- "Kjo është dashuri (reprizë)" – Hirushja
- "Ëndrrat janë dëshira (reprizë)" – Kori