Internisti
Emërtimi implikon një mjek që merret me sëmundjet e organeve "të brendshme". Ky përcaktim është sidoqoftë disi i pasaktë, pasi që shumica e mjekëve (përjashto p. sh. dermatologët) bëjnë pikërisht këtë e shumë prej tyre (kirurgjët, radiologët, anestezistët) nuk janë internistë.
Internist është një term që i përket një brezi shumë të gjerë specialitetesh jo-kirurgjikale. Edhe neurologjia i përkiste dikur mjekësisë së brendshme, sot disiplinë e veçantë.
Specialitetet e mjekësisë së brendshme (interniste):
- Endokrinologjia, përfshinë Diabetologjinë (sëmundjet e gjëndrave endokrine, si hipofiza, pankreasi endokrin, tiroidea, mbiveshka etj.)
- Gastroenterologjia (sëmundjet e zorrëve, pankreasit, mëlçisë, si dhe tëmthit)
- Hematologjia (sëmundjet e gjakut)
- Onkologjia (sëmundjet kancerike)
- Infektologjia (sëmundjet infektive)
- Kardiologjia (sëmundjet e zemrës)
- Nefrologjia (sëmundjet e veshkave)
- Pneumologjia (sëmundjet e mushkërive)
- Reumatologjia (sëmundjet e kyçeve e të sistemit imunitar)
Mjek internist i përgjithshëm është gjithashtu një specialitet i mundshëm i mjekësisë së brendshme. Gjithashtu specialitetet e mësipërme mund të jenë të bashkuara, ose të ndara në subspecialitete (p.sh. hematologjia e onkologjia mund të jenë sëbashku).
Përfundimisht mund të thuhet se shumica e mjekëve i përkasin dy grupeve kryesore të specialiteteve: interniste e kirurgjike.