John Adams
Xhon Adams (30 tetor 1735 - 4 korrik 1826) ishte një jurist, autor, burrë shteti dhe diplomat amerikan. Ai shërbeu si Presidenti i dytë i Shteteve të Bashkuara (1797-1801), Zëvendëspresident i parë (1789-97), dhe si një nga Baballarët Themelues ishte një udhëheqës i pavarësisë amerikane nga Britania e Madhe. Adams ishte një teoricien politik në epokën e Iluminizmit që promovoi republikanizmin dhe një qeveri të fortë qendrore. Idetë e tij krijuese janë botuar shpesh. Ai ishte gjithashtu një mbajtës ditari dhe korrespondent i përkushtuar, veçanërisht me gruan dhe këshilltaren e tij kryesore Abigail.
| John Adams | ||
,_2nd_president_of_the_United_States,_by_Asher_B._Durand_(1767-1845)-crop.jpg)
| ||
| Presidenti i 2-të i Shteteve të Bashkuara | ||
| 4 mars 1797 – 4 mars 1801 | ||
| Paraardhësi: | George Washington | |
| Pasardhësi: | Thomas Jefferson | |
| Zëvendëspresidenti i parë i SHBA-së | ||
| 21 prill 1789 – 4 mars 1797 | ||
| Pasardhësi: | Thomas Jefferson | |
| Ministër i Shteteve të Bashkuara në Oborrin e St. Xhejmsit | ||
| 1 prill 1785 – 30 mars 1788 | ||
| Pasardhësi: | Thomas Pinckney | |
| Ministër i Shteteve të Bashkuara në Hollandë | ||
| 19 prill 1782 – 30 mars 1788 | ||
| Pasardhësi: | Charles W. F. Dumas | |
| I dërguar i Shteteve të Bashkuara në Francë | ||
| 1 prill 1778 – 17 qershor 1779 | ||
| Paraardhësi: | Silas Deane | |
| Pasardhësi: | Benjamin Franklin | |
| Delegat i Massachusetts në Kongresin e Dytë Kontinental | ||
| 10 maj 1775 – 27 qershor 1778 | ||
| Pasardhësi: | Samuel Holten | |
| Delegat i Massachusetts në Kongresin e Parë Kontinental | ||
| 5 shtator 1774 – 26 tetor 1774 | ||
| Të dhënat personale | ||
| Lindi më: | 30 tetor 1735 | |
| Lindi në: | Braintree, Provinca e Massachusetts Bay, Amerika Britanike (sot Quincy, Massachusetts, SHBA | |
| Vdiq më: | 4 korrik 1826 (90 vjeç) | |
| Vdiq në: | Quincy, Massachusetts, SHBA | |
| Profesioni: | Politikan, Diplomat, Jurist | |
| Bashkëshortja | Abigail Smith (m.1764; v.1818) | |
| Feja: | Unitarian | |
| Nënshkrimi | ||
|
||
Ai bashkëpunoi me kushëririn e tij, udhëheqësin revolucionar Samuel Adams, por ai krijoi rëndësinë e tij para Revolucionit Amerikan. Pas masakrës së Bostonit, pavarësisht ndjenjave të ashpëra lokale anti-britanike, ai i bëri një mbrojtje të suksesshme ligjore edhe pse jo popullore, ushtarëve të akuzuar britanikë, i shtyrë nga përkushtimi i tij për të drejtën për avokat dhe "mbrojtjen e pafajësisë". Si një delegat nga Massachusetts në Kongresin Kontinental, Adams luajti një rol kryesor në bindjen e Kongresit për të shpallur pavarësinë. Ai ndihmoi Tomas Xheferson në hartimin e Deklaratës së Pavarësisë në vitin 1776, dhe ishte shtytësi kryesor i saj në Kongres. Si diplomat në Evropë, ai ndihmoi të negociojë marrëveshjen eventuale paqësore me Britaninë e Madhe, dhe mori kredi vitale qeveritare nga bankierët në Amsterdam. Adams ishte autori kryesor i Kushtetutës së Massachusetts në vitin 1780, e cila ndikoi teorinë politike amerikane, ashtu si edhe punimi i tij i mëparshëm "Mendime mbi qeverisjen" (1776).
Kredencialet e Adams si një revolucionar i siguruan atij dy mandate si zëvendëspresident i Presidentit George Washington (1789-1797) dhe gjithashtu zgjedhjen e tij në vitin 1796, si presidenti i dytë. Në mandatin e tij të vetëm si president, ai hasi kritika të ashpra nga republikanët xhefersonianë, si dhe fraksioni dominues në Partinë e tij Federaliste, të udhëhequr nga rivali i tij Alexander Hamilton. Adams nënshkroi Aktet e diskutueshëm Të huajt dhe Rebelimi, rindërtoi ushtrinë dhe marinën detare përballë një "pothuaj-lufte" të padeklaruar detare me Francën. Realizimi i madh i presidencës së tij ishte një zgjidhje paqësore e konfliktit përballë kundërshtimit Hamiltonit. Për shkak të pozicionit të tij të fortë në mbrojtje, Adams është "quajtur shpesh babai i Marinës amerikane". Ai ishte presidenti i parë së SHBA që qëndroi në rezidencën e ekzekutivit, e njohur tani si Shtëpia e Bardhë.
Në 1800, Adams humbi rizgjedhjen ndaj Tomas Xhefersonit, dhe jetoi në pension në Massachusetts. Ai përfundimisht rifilloi miqësinë e tij me Xhefersonin kur ky i fundit doli në pension duke iniciuar një korrespondencë që zgjati katërmbëdhjetë vjet. Ai dhe gruaja e tij krijoi një familje politikanësh, diplomatësh dhe historianësh të referuara tani si familja politike Adams. Adams ishte babai i John Quincy Adams, Presidenti i gjashtë i Shteteve të Bashkuara. Ai vdiq në pesëdhjetë vjetorin e miratimit të Deklaratës së Pavarësisë. Historianët moderne në tërësi e kanë renditur administratën e tij në mënyrë të favorshme.