Kiara Tito
Kiara Tito (lindur më 18 janar 1996)[2] është moderatore, aktore dhe modele shqiptare.
Kiara Tito | |
|---|---|
| U lind në | 18 janar 1996 Lushnjë, Shqipëri[1] |
| Shtetësia | Shqiptare |
| Profesioni | prezantuese modele |
| Punonjës | Top Channel |
| Televizioni | Top Select Portokalli |
| Bashkëshorti/ja | Luiz Ejlli (2023-vijon) |
| Fëmijë | 1 |
Biografia
RedaktoJeta e hershme
RedaktoAjo ka lindur më 18 janar 1996 në Lushnjë,[1] është rritur në Itali ku pas shumë vitesh u rikthye në Shqipëri për të jetuar në Tiranë. Në moshën 13-vjeçare ajo filloi të hynte në konkurset e modelimit dhe bukurisë, dhe fitoi titullin "Miss Inteligjenca". Tito diplomoi në Universitetin Barleti në Tiranë, në degën e shkencave politike.[nevojitet citimi]
Fillet e karrierës në prezantim televiziv
RedaktoNë vitin 2015 ajo fitoi vendin e saj në moderim mes 200 konkurrentëve të tjerë[] si e përzgjedhura e publikut për të moderuar Top Select në Top Channel.[3] Pas kësaj, Tito mori pjesë në videoklipe të ndryshme dhe në evente të ndryshme në rolin e moderatores. Në vitin 2018, ajo konkurroi në çift me ambientalistin Sazan Guri në sezonin e pestë të garës së kërcimit Dance With Me Albania në TV Klan.[4][5] Ajo filloi të moderojë një program të kirurgjisë plastike të quajtur Doktor Plastik në ABC News Albania, Në 2020 ajo ishte prezantuese e programit në ABC Style Star për dy sezone.
Big Brother VIP Albania
RedaktoNë vitin 2022 u ftua në sezonin e dytë të programit Big Brother VIP Albania, ku takoi këngëtarin Luiz Ejlli. Me kalimin e kohës, Ejlli dhe Tito zhvilluan një marrëdhënie të ngushtë personale. Kjo marrëdhënie ishte shumë e hapur ndaj publikut, dhe në ditën 39 e zyrtarizoi Tito që ajo dhe Ejlli ishin çift në dashuri.[6] Ajo u eliminua nga shtëpia Big Brother në ditën 92, duke u ndarë përkohësisht nga ai. Në natën e fundit të Big Brother VIP Albania 2, më 6 maj 2023, Tito kurorëzoi zyrtarisht në martesë lidhjen e saj me Luiz Ejllin në një ceremoni publike martesore në Bashkinë e Tiranës, që shoqëruar nga familjet e tyre dhe pjesëmarrësit e atij sezoni. Ceremoninë martesore e pasoi edhe fitorja e Luiz Ejllit për sezonin e dytë të Big Brother VIP Albania.
Rikthimi në karrierë dhe zhvillimi i jetës personale
RedaktoVetëm dy muaj pas BBVA 2, ajo iu kthye moderimit duke e ngulitur prezencën e saj në Top Channel. Në 2023 ajo drejtoi emisionin Kepi i VIP-ave, duke vazhduar me programin Fan Club DWTS (ndërmjet episodave të Dancing With The Stars).
Me anë të këngës "Frymë" nga Luiz Ejlli, ajo njoftoi publikun për ardhjen në jetë të fëmijës së tyre të parë, Luna Mari Ejlli, të lindur më 30 prill 2024.[nevojitet citimi]
Në tetor të vitit 2024, Titos iu besua moderimi i emisionit humoristik Portokalli krahas Nevina Shtyllës dhe Salsano Rrapit.[7]
Referime
Redakto- ^ a b ""Qaja, bërtisja dhe ulërisja", Kiara Tito rrëfen momentin e vështirë kur ngeli pa punë". Vox News Albania. 26 janar 2023.
- ^ ""Pasuria ime edhe 100", Luiz Ejlli surprizë të veçantë për Kiarën në ditëlindjen e saj". BalkanWeb. Marrë më 2024-11-01.
- ^ "Nga velinë në prezantuese, zbardhet jeta e "fshehtë" e Kiara Titos, të panjohurat për publikun". Sot News. 2023-02-10. Marrë më 2024-11-01.
- ^ "Kiara Tito përfundon rrugëtimin në 'Dance With Me'". IndeksOnline. 18 dhjetor 2018. Marrë më 1 nëntor 2024.
- ^ "Kiara Tito tregon episodet e sikletshme në garën e kërcimit, Sazan Guri 'fanatik'". Dosja.al (në shonisht). 27 prill 2019. Marrë më 6 nëntor 2024.
- ^ "Kiara tregon e përlotur për jetën e saj, rrëfen raportin e ngushtë me familjen - Big Brother Vip 2". you tube.
- ^ "Kiara Tito edhe aktore në Portokalli". Gazeta Express. 2 tetor 2024. Marrë më 6 nëntor 2024.