TV Klan
Televizioni Klan, ose thjesht TV Klan, është një televizion privat kombëtar në Shqipëri. U lancua më 25 tetor 1997 dhe u licensua nga Autoriteti i Mediave Audiovizive si kanali i parë kombëtar privat në territorin e Shqipërisë në vitin 2007.[1]
 | |
| Lloji | Televizion privat kombëtar |
|---|---|
| Shteti |  Shqipëria |
| Programimi | |
| Gjuha/ët | Shqip |
| Pronësia | |
| Pronari | Aleksandër Frangaj |
| Kanalet simotra | Klan Plus Klan Macedonia Klan News ABC News Klan Radio Klan Music Klan Sport |
| Historia | |
| Nisur | 25 tetor 1997 |
| Lidhjet | |
| Faqja zyrtare | http://www.tvklan.al |
| Disponueshmëria | |
| Tokësore | |
| Digjital / DVBT-2 | |
TV Klan mbulon rreth 80% të territorit të Shqipërisë dhe rreth 90% të popullsisë së vendit. TV Klan është edhe në transmetim satelitor 24 orë në satelit Eutelsat W2 në të gjithë Evropën, njëkohësisht edhe në SHBA dhe Kanada. Nga viti 2011 filloi transmetimin në HD.
Historiku
RedaktoTV Klan u lançua si një sipërmarrje e përbashkët franko-shqiptare, me transmetimin e parë të transmetimit më 25 tetor 1997. Është kanali i parë televiziv privat në Shqipëri.[2]
TV KLAN nis transmetimin me datë 25 Tetor 1997 me një programacion vetëm me filma. "FRANCE '98'" ka qenë emisioni i parë i Tv Klan, një program sportiv për kampionatin botëror nga Pandi Laço, Bledar Laço dhe Agron Llakaj.
Në vitin 1997, Tv Klan ka pasur një staf të përbërë prej rreth 20 vetash. Në përbërje të strukturës së tij (të ngushtë) dhe ambjenteve me hapësira të kufizuara, kanë funksionuar le të themi të ashtuquajturat Departamentet e Televizionit.
- Departamenti i Informacionit (Edicionet informative)
- Departamenti i Financës
- Departamenti i Prodhimit (në atë kohë prodhohej një emision sportiv në lidhje me Kampionatin Evropian të Futbollit)
- Stafi teknik
Në vitin 2002, ISO e vlerësoi kanalin si më të vlerësuarit në Shqipëri me 21.5% të audiencës. Që nga viti 2006, sinjali analog i kanalit mbulonte rreth 60% të territorit të Shqipërisë.
TV Klan është i njohur gjerësisht për emisionin e tij të gjatë politik Opinion, drejtuar nga Blendi Fevziu; emisione argëtuese si Këngët e Shekullit, Gjeniu i Vogël, Dance with Me, X Factor Albania, Kënga Ime, Zonë e Lirë, E Diela Shqiptare, Xing me Ermalin, Stop, Rudina, Aldo Morning Show; dhe një gamë të gjerë bashkëprodhimesh.
Që nga data 4 mars 2012, TV Klan është kanali i parë televiziv kombëtar në Evropën Juglindore dhe Shqipëri që filloi transmetimin 24 orë në HD pa tarifa shtesë për klientët. Është stacioni i parë në Shqipëri që zotëron një studio satelitore transmetimi të lajmeve.
Më 3 maj 2018, TV Klan njoftoi se kishte nënshkruar një marrëveshje për blerjen e 100% të aseteve të Art Channel, një transmetues shqiptar në Maqedoninë e Veriut. Kanali u ribrendua me emrin Klan Macedonia.
Në vitin 2020, Radio Klan u bë radiostacioni i tretë në pronësi private që mori statusin e frekuencës kombëtare në Shqipëri.
Sipërmarrjet e përgjithshme
RedaktoTV Klan është një grup mediatik që përfshin Klan Plus, Radio Klan, Klan News, Klan Music, ABC dhe Klan Macedonia me seli në Maqedoninë e Veriut. Paketa e kanaleve ofrohet në Evropë përmes platformave me parapagim, Tring dhe DigitAlb, si dhe përmes aplikacionit OTT, Klani Im.[3]
Programacioni
Redakto"OPINION nga Blendi Fevziu", emisioni më i ndjekur politik në ekranet shqiptare, nis transmetimin e tij nën logon e Tv Klan në Tetor 1998, i cili vazhdon të transmetohet dhe sot në këtë ekran.
Në Shkurt të vitit 1999 selia e shoqërisë ndryshon dhe transferohet në Rrugën Dervish Hima Nr.1 me abjente të mëdha, kushte moderne pune, rritje e numrit të personelit gjë e cila ndikon dhe në rritjen e cilësisë së shërbimeve.
Marrja e godinës "Salla e Lojrave" me kontratë "emfiteoze" do të ishte dhe një ndër investimet më të mëdha të kryera atëherë nga ky televizion. Një investim i madh bëri ajo godinë e marrë në një gjendje thuajse të rrënuar, të kthehej në një nga studiot televizive më të mëdha të vendit, në të cilën janë zhvilluar programe dhe spektakle të prodhuara 100% nga TV KLAN ose co-produksione: Porta e Fatit, Maratona e Këngës Popullore e qytetare, Opinion nga Blendi Fevziu, Kutia e Fundit, Taksi e rezervuar, Zonë e ndaluar, Tek Blloku, 100 Këngët e Shekullit, Zonë e Lirë, Star Akademi, Tv Bingo Show, Më shumë dashuri.
Në vitin 1999 Televizioni Klan blen Studion Lëvizëse Nr.1, e cila ka shërbyer për transmetimet direkte të evenimenteve të ndryshme që janë zhvilluar jashtë ambjenteve të Televizionit Klan. Transmetimi i parë 'live' i kësaj studio ka qenë spektakli rinor "DUEL" direkt nga ish-teatri "Rubairat", programi i parë rinor i cili testonte dhe afirmonte njohuritë dhe talentin e gjimnazistëve të kryeqytetit në këngë, aktrim, modelim dhe njohuri të përgjithshme.
"Duel" një program nga Albert Dumani dhe Fatos Risto me regji nga Artur Bejzade, transmetohej tre herë në javë në mesditë ora 14:00 dhe zgjati për një periudhë 8 javore (maj-qershor 2000).
Në verën e vitit 2000, Tv Klan, me anë të Studios Lëvizëse Nr.1, ishte televizioni i parë privat (pas TVSH-së) që transmeton 'live' nga një ambient i jashtëm, spektaklin "NETË VERE", një program nga Albert Dumani dhe Fatos Risto me regji nga Artur Bejzade, direkt nga Kompleksi i Pishinave "Akuadrom", i cili u bë programi hit i verës për katër vjet rresht (2000-2004).
Në nëntor të vitit 2000, Tv Klan nis prodhimin dhe transmetimin e programit "Porta e Fatit", llotari kombëtare, e cila vinte përpara publikut me elemente spektakli. Kjo llotari u përfshi në spektaklin më të madh për këngën popullore e qytetare "MARATONA E KËNGËS POPULLORE E QYTETARE" prezantuar nga Rudina Magjistari dhe regjisor Bledar Laço. Shifrat rekord në shikueshmëri dhe interesimi i publikut, TV KLAN prodhon një seri të dytë, kësaj here si një tablo më e madhe e trevave shqiptare duke përfshirë edhe Kosovën. Skenografia madhështore u ideua nga skenografi i njohur Bashkim Zahaj. Spektakli u zhvillua në Studion Nr.2 të Tv Klan, më e madhja në Shqipëri.
Në vitin 2002 studio lëvizëse Nr.1, pasohet nga Studio Lëvizëse Nr.2/3/4.
Më 31 janar 2002 në emisionin "Opinion" nga Blendi Fevziu, zhvillohet për herë të parë debati historik i dy liderëve kryesorë të vendit Sali Berisha dhe Fatos Nano të cilët ritakohen pas 11 vjetësh. Përballja e tyre në një debat televiziv dhe shtrëngimi i duarve mes liderit të PD dhe atij të PS u bë pikërisht në studion e "Opinion".
Në verën e vitit 2007, selia dhe studiot e Tv Klan zhvendosen në ambientet e mëdha të Ish-Kinostudios "Shqipëria e Re", duke ndërtuar 4 studio gjigande për superprodhime televizive. Studiot e reja mirëpresin formatet e reja të programeve "Opinion", "Njerëz të Humbur", "E Diela Shqiptare", "Blue", "Histori me zhurmues", "Gjeniu i Vogël 2 & 3", "Këngët e Shekullit 3", "Takimi i Pasdites", "Promozone", etj.
Në dhjetor 2007 dhe Janar 2009 zhvillohen dy emisione speciale të Opinion, ku për herë të parë janë përballë njëri-tjetrit Kryeministri i Shqipërisë Sali Berisha dhe Kryeministri i Kosovës, Hashim Thaçi, në një transmetim të njëkohshëm LIVE midis Tiranës dhe Prishtinës.
Në 31 Dhjetor 2009, Tv Klan inaguron Teatrin Televiziv, i pari në Shqipëri në rrjetin e televizioneve dhe më i madhi në Ballkan, mikpritës i spektakleve gjigande si "Gjeniu i Vogël" dhe "Akademia e Yjeve". Përveç tre regjive qendrore të cilat janë të instaluara në ambjentet e TV Klan, në ndihmë të realizimit të një game më të gjerë prodhimesh si dhe mbulimesh të aktiviteteve të ndryshme live, janë edhe disa regji lëvizëse të pajisura më së miri.
Që nga viti 2007, Tv Klan është i pari dhe i vetmi që ka në pronësi një studio transmetimi Satelitore Lëvizëse - SNG (Signal News Gathering), duke sjellë në ekran LIVE gjithçka ndodh nga çdo vep i Shqipërisë dhe jashtë saj. SNG e Klan shërben edhe për transmetime satelitore të gazetarëve të huaj për raportet e tyre të pregatitur në Shqipëri.
Në sajë të një strukture programore komplekse, ku ndërthuren 6 edicione informative në ditë, prodhime të emisioneve politike, sociale, kulturore, spektakleve të mëdha dhe një numër i madh blerjesh telenovelash, filmash, serialesh dhe dokumentarësh TV KLAN ka arritur të bëhet i afërt me të gjitha shtresat shoqërore.
Televizioni Klan ka marrë të drejtat ekskluzive për transmetimin e Kampionatit Europian të Futbollit, Euro 2024. Për herë të parë që prej 24 vitesh, shqiptarët do të mund të ndjekin ndeshjet e kombëtares kuqezi si dhe të gjithë skuadrave të tjera pjesëmarrëse në Europianin e Gjermanisë pa asnjë pagesë, në një ekran të vetëm.
Televizioni Kombëtar Klan do të transmetojë këtë vit ekskluzivisht 51 sfidat [4]që do të luhen në stadiumet më të mëdhenj të Gjermanisë, që nga ndeshja hapëse deri tek ngritja e trofeut më të rëndësishëm të futbollit europian. Do të nisë me ndeshjet e orës 15:00 për të vijuar me ato të orës 18:00 dhe ato të mbrëmjes, në orën 21:00. Veç transmetimit të të gjitha sfidave, Tv Klan do t’i kushtojë Europianit hapësira të dedikuara me programe të posaçme gjatë gjithë ditës para dhe pas çdo ndeshjeje. Një show të madh çdo mbrëmje. Shikuesve do t’u ofrohet mundësia që të përjetojnë të gjitha emocionet e këtij eventi të madh sportiv, me fokus të veçantë tek kombëtarja shqiptare.
Prodhimet vetjake
Redakto| Titulli | Gjinia |
|---|---|
| Opinion | Talk show |
| Gjeniu i vogël | Talent show |
| Këngët e Shekullit | Music show |
| Aldo Morning Show | Morning show |
| E diela Shqiptare | Sunday show |
| Jo vetëm mode | Entertainment show |
| Takimi i pasditës | Talk show |
| Euroklan | News |
| Kënga Magjike | Music awards |
| Zonë e Lirë | Talk show |
| Netë vere | Summer show |
| X Factor Albania | Talent show |
| Kënga ime | Music awards |
| Dance With Me | Talent show |
| Lufta e nuseve | Reality show |
| Stop | Satiro-investigative show |
| Your Face Sounds Familiar | Reality show |
| Rudina | Talk show (successor to Takimi i pasditës) |
| Xing me Ermalin | Talk show |
| C'est la vie | Reality show |
| Virtuozët | Talentshow |
| Klanifornia | Comedy |
| Historia Ime | Talk Show |
| Familja | Game Show |
| Porta e Fatit | Game Show |
| Arome Dreke | Cooking |
| Uniko | Crime Investigation |
| Zemër Luana nga Luana Vjollca | Entertainment Show |
| Love Island Albania | Reality show |
| Shije Shtëpie | Talk show |
| Habitus | Lifestyle |
Prodhime të huaja
Redakto| Titulli origjinal | Titulli shqip | Vendi i prodhimit |
|---|---|---|
| Servant of the People | Shërbëtori i popullit | Ukraine |
| ER | Emregjenca | United States |
| Heroes | Heronjtë | United States |
| House | Dr. House | United States |
| Grey's Anatomy | Anatomia e Greit | United States |
| Lipstick Jungle | Lipstick Jungle | United States |
| CSI: NY | CSI: NY | United States |
| According to Jim | Jeta sipas Xhimit | United States |
| Californication | Californication | United States |
| Beverly Hills, 90210 | Beverly Hills, 90210 | United States |
| The Good Wife | Gruaja e mirë | United States |
| Law & Order: Special Victims Unit | Ligj dhe rregull: SVU | United States |
| Hannah Montana | Hana Montana | United States |
| Superbook | Superlibri | United States |
| South Beach | South Beach | United States |
| Gümüş | Gymysh | Turkey |
| Acı Hayat | Jetë e hidhur | Turkey |
| Menekşe ile Halil | Menekshe dhe Halili | Turkey |
| Ezel | Ezel | Turkey |
| Kuzey Güney | Kuzej dhe Gynej | Turkey |
| Aşk-ı Memnu | Dashuri e ndaluar | Turkey |
| Son | Fundi | Turkey |
| Sapna Babul Ka...Bidaai | Bidaai: Lamtumirë vajzëri | India |
| Umutsuz Ev Kadınları | Shtëpiake të dëshpëruara | Turkey |
| Kurt Seyit ve Şura | Kurti dhe Shura | Turkey |
| Kara Para Aşk | Diamante dhe dashuri | Turkey |
| Amor à Vida | Duaje jetën | Brazil |
| A Favorita | E preferuara | Brazil |
| Calle luna, Calle sol | Botë të ndara | Venezuela |
| Diriliş: Ertuğrul | Ertugrul | Turkey |
| Saraswatichandra | Sarasvatiçandra | India |
| Paramparça | Fate të kryqëzuara | Turkey |
| Kaderimin Yazıldığı Gün | Një pjesë e imja | Turkey |
| Maral | Maral | Turkey |
| Iss Pyaar Ko Kya Naam Doon? | Si ta quaj këtë dashuri? | India |
| İntikam | Hakmarrje | Turkey |
| Anne | Nënë | Turkey |
| Cesur ve Güzel | Xhesuri dhe e bukura | Turkey |
| Muhteşem Yüzyıl: Kösem | Sulltanesha Kosem | Turkey |
| İçerde | I infiltruari | Turkey |
| Dil Boley Oberoi | Bixhoz me Dashurinë | India |
| Kalp Atışı | Rrahje zemre | Turkey |
| Siyah Beyaz Aşk | Dashuri Bardh e zi | Turkey |
| Payitaht: Abdülhamid | Kryeqyteti Abdulhamid | Turkey |
| Çukur | Çukur | Turkey |
| Ufak Tefek Cinayetler | Vrasje të Vogla | Turkey |
| Muhteşem İkili | Dyshja fantastike | Turkey |
| Segundo Sol | Një mundësi e dytë | Brazil |
| House of Cards | Intrigat e pushtetit | United States |
| Çarpışma | Ironia e fatit | Turkey |
| Kızım | Bija Ime | Turkey |
| Fauda | Fauda | Israel |
| Money Heist | La Casa de Papel | Spain |
| Narcos | Narcos (Trafikantët) | United States |
| Kuzgun | Kuzgun (Korbi) | Turkey |
| Muhteşem Yüzyıl | Sulejmani i madhërishëm | Turkey |
| Sen Çal Kapımı | Dashuria është në ajër | Turkey |
| Kırgın Çiçekler | Lule të vetmuara | Turkey |
Referime
Redakto- ^ "TV KLAN (Ish MEDIA 6)". OpenCorporates.al.
- ^ "Faqja zyrtare e Tv Klan". Website Tvklan.al.
{{cite web}}: Mirëmbajtja CS1: Gjendja e adresës (lidhja) - ^ "Klani IM".
{{cite web}}: Mirëmbajtja CS1: Gjendja e adresës (lidhja) - ^ "51 sfidat e Euro 2024, ekskluzivisht në Tv Klan".
{{cite web}}: Mirëmbajtja CS1: Gjendja e adresës (lidhja)
Linqe të jashtme
Redakto- [1] Arkivuar 8 shkurt 2024 tek Wayback Machine
- https://tvklan.al/seriale Faqja e dedikuar serialeve të RTV KLAN
- https://tvklan.al/programe Programacioni i Tv Klan
- https://tvklan.al/lajme Lajmet e fundit
- https://www.instagram.com/rtvklan Faqja zyrtare e RTV KLAN Instagram
- https://www.youtube.com/user/televizioniKLAN Kanali zyrtar i RTV KLAN në YouTube
- https://www.facebook.com/tvklan/ Faqja zyrtare në Facebook e Tvklan
- https://www.tiktok.com/@rtvklanofficial Profili zyrtar në TikTok i RTV KLAN