Kulla e Azem dhe Shotë Galicës

Kulla e Azem dhe Shote Galicës
Kulla e Azem dhe Shote Galicës
Lloji	Arkitekturore
Vendndodhja	Galicë, (Drenicë), ; Vushtrri, Kosovë
Ndërtuar	1923
Monument Kulture në Kosovë
	Emri zyrtar: Monument /Ansambël
Lloji	Nën mbrojtje
Nr. i referencës	4019

Kulla e Azem dhe Shote Galicës është një monument i trashëgimisë kulturore në Galicë, Vushtrri, Kosovë.^[1] Ky monument është i kategorisë "arkitekturale", i miratuar me numër 4019.^[2]

Historiku

Në kohën e ekzistimit të Zonë së Lirë në Drenicë të njohur si Arbëria e Vogël, përmes një aksioni vullnetar ishte bërë ndërtimi i një kullë për Azem Bejtë – Galicën. Kulla ndërtohet në Galicë, në fshatin e lindjes dhe rritës së Azemit. Kështu në verën e vitit 1923, përkatësisht gjatë muajit korrik, me ndihmën e banorëve vendas dhe të tjerë, u realizua me sukses ndërtimi i Kullës.^[3]

Kulla ishte e kthyer me dritare nga jugu. Ishte e ndarë me mur prej themeli në dy pjesë. Kati i parë i pjesës perëndimore të kullës shërbente si stallë, ku mbaheshin kuajt e Azemit dhe Shotës, derisa kati i dytë ishte vend për mysafirë. Kati i parë i pjesës lindore të kullës, shërbente si kuzhinë ku përgatitej buka, ndërsa kati i dytë i kishte katër dhoma për fjetje.^[4]

Kulla e Azem dhe Shotë Galicës shkatërrohet në vjeshtë vitit 1924, pas Betejës së Arbërisë së Vogël gjatë së cilës vritet Azem Galica me disa bashkëluftëtare dhe si rezultat i kësaj shpërbëhet edhe Zona e Lirë e Drenicës e njohur me emrin Arbania e Vogël. Pas përfundimi të Luftës Çlirimtare të Kosovës (1999) u krijuan rrethana të reja. Kështu, në vitin 2010, u vendos që të rindërtohet Kulla e Azem Bejtës, në vendlindjen e këtij të fundit, pra në Galicë të Komunës së Vushtrrisë. Fillimi i punimeve për rindërtimin e kullës u bë më 16 korrik 2010, me rastin e 86 vjetorit të rënies heroike të Azem Bejtës. ^[5]