Nexhat Libohova
Nexhat efendi Çomo i njohur si Nexhat Libohova (Libohovë, 1877 - Shkallnuer, 26 maj 1915) ka qenë kadi në Perandorinë Osmane, ministër i shtetit shqiptar dhe njëherësh ministri i parë i vrarë në historinë e shtetit shqiptar.
Nexhat Libohova | |
|---|---|
| Ministër i Financave | |
| Në detyrë 5 tetor 1914 – 26 maj 1915 | |
| Paraprirë nga | Filip Noga |
| Pasuar nga | Haxhi Jusuf Banka |
| Të dhëna vetjake | |
| U lind më | 1877 Libohovë, Perandoria Osmane |
| Vdiq më | 26 maj 1915 Shkallnuer, Principata e Shqipërisë |
| Nënshtetësia | shqiptar |
| Punësimi | kadi, nëpunës |
Biografia
RedaktoU lind në Libohovë më 1877. Kreu shkollën e lartë në Hukúk (Fakulteti i Drejtësisë) në Stamboll më 1904. Punoi si gjyqtar në sistemin e drejtësisë të Perandorisë Osmane në vitet 1904-1913.
Më 1913 u kthye në Shqipëri, ku nisi punë sekretar në kryeministri të Qeverisë së Përkohshme të Vlorës. Më pas, në kapërcyellin 1913-'14 ishte zëvendësisht prefekt dhe më pas prefekt i Durrësit me të gjitha tagret.[1] Qe në radhën e atyre që u larguan nga Ismail Qemali dhe iu afruan Pleqsisë së Durrësit të Esad pashë Toptanit.[2] Me kthimin e Esad Pashës në fuqi pas intrigave që iu bënë në Durrës, caktoi Nexhatin ministër i Financave i kabinetit të tij,[1] ndër të paktit që ngeli me Esad Pashën pas Pleqsisë së Durrësit.[3]
Për shkak të çështjeve të brendshme, abuzimeve me vëniet e drejtësisë,[3] fërkimeve që kishte pasë me ministrin e Punëve të Brendshme Shahin Dino dhe simpative filo-austrohungareze që kishte vetë, kryeministri dha urdhër ta torturonin. U dërgua në Shkallnuer, ku u rrah deri në vdekje.[1]
Referime
Redakto- ^ a b c Dervishi, Kastriot (2012). Kryeministrat dhe ministrat e shtetit shqiptar në 100 vjet. Tiranë: 55. fq. 171nb. ISBN 9789994356225.
{{cite book}}: Mungon ose është bosh parametri|language=(Ndihmë!) - ^ Vllamasi, Sejfi (2012). Ballafaqime politike në Shqipëri (1897-1942). Tiranë: Vllamasi. fq. 71. ISBN 978-9928-140-54-8.
{{cite book}}: Mungon ose është bosh parametri|language=(Ndihmë!) - ^ a b Dervishi, Kastriot (2010). Plumba politikës. Tiranë: 55. fq. 10–11. ISBN 978-99943-56-43-0.
{{cite book}}: Mungon ose është bosh parametri|language=(Ndihmë!)