Peca (Delvinë)

Peca është një fshat në komunën Mesopotam në rrethin e Delvinës të Shqipërisë. Në të ndodhet Kisha e Shën Thanasit.

Peca

Gjeografia

Nga veriu fshati Pecë kufizohet me Malin e Gjerë, nga jugu me fshatin Krongjin, nga lindja me Muzinën dhe nga perëndimi me Kardhikaqin. Pecë ka këto lagje: Mëhalla e Korimatëve, Mëhalla e Gazelatëve.

Toponimet të fshatit Pecë:

• Agrile/t - ara, në L.
• Ar’ e Gjatë - arë, në V.
• Argule/ja - arë në fshat, në L.
• Babaniko/ua - pyje me lisa etj., në P.
• Brunuzet - ara e ullinj, në J.
• Burim i Filipaqit - burim, në V.
• Çukëz/a - vend zallishte nën fshat.
• Dardhëza - arë, në L.
• Dhes/i - dhes, në J.
• Fushëmadhe - faqe bregoreje, në V.
• Gropzat - vende gropa, në J.
• Groplope/t - përrua që mban ujë në dimër e verë, në J.
• Guret e Mëdhenj - shkëmbinjë, në P.
• Hasane - ara, në L.
• Hone/t – ara, në V.
• Honi - ara, në L.
• Kalovë/a - kodër, në P.
• Katafiq/i - bllok me fiq, në P.
• Këpucmadhi - kodër me pyll, në J.
• Kodër e Kalikukos - kodër nën fshat, në J.
• Kodër e Karait - kodër, në J.
• Koshove - ara, në P.
• Kroi i Math - krua pranë një dhesi, në J.
• Kulurec/i - kodër mbi fshat, në J.
• Lagësirat - ara në vende gropa, nën fshat, në J.
• Lëmënje - lëm dheu, në J.
• Mirash/i - pllajë mali, në V.
• Palofilipaqi - përrua me ujë të ndenjur, në L.
• Palomanastiri - vend fushë ku ndodhet një gërmadhë që dikur ka qenë manastir, në L.
• Pistoraqth/i - kodër e vogël, në V.
• Prroi Braqeskos - përrua që mban ujë dhe në verë, në J.
• Prroi Holi - përrua, në V.
• Prroi Peristerit - përrua, në P.
• Prroi Vreshtave - përrua, në V.
• Prroi Zërës - përrua, në V. Thuhet se aty dikur heret ka pasur zëra qe këndonin e hidhnin valle gjithë natën.
• Qisha e Shënthanasit - kishë, në P.
• Qishëza - kodër me pyll ku janë rrënojat e një kishe, në V.
• Shënkoll/i - rrënojë kishe.
• Shënparashqevia – gërmadhë kishe ku duken figura shënjtorësh, në V.
• Shpella mbi Rruge - shpellë, në L.
• Shurrbardhë/a - vend, në V.
• Tabore - në V.
• Valta - ara, në P.
• Uj i Bardhë - përrua, në V.
• Uj i Zogut - përrua, në V.
• Ushovë/a - pyll me koçimare e lisa, në P.

Demografia

Familjet në fshatin Pecë:

Doko, Gano, Gazeli, Konomi, Korini, Lako, Lloci, Maneli, Mano, Mustaqi, Varshati.