Sulejman Vokshi

politikan kosovar

Sulejman agë Vokshi (1815 - 1890) Hero i Popullit, [1] [2] delegat i Lidhjes Shqiptare të Prizrenit dhe më pas prijës ushtarak i saj. Si anëtar i komitetit qendror të Lidhjes[3] në krye të komisionit të financave, Vokshi qe prijës me rëndësi në krahun ushtarak të Lidhjes.

Sulejman Vokshi.jpg

BiografiaRedakto

Sulejman Vokshi i lind në Gjakovë, [4] në një familje spahinjsh, i quajtur Sulejman Lokaj i degës Vokshi të fisit të Thaçit. Në periudhën e Tanzimatit mori pjesë në lëvizjen e Dervish Carës, arsye për të cilën e internuan në Anadoll.

Më 1878 mori pjesë në mbledhjen e Prizrenit si delegat i Gjakovës, ku dhe firmosi Kararnamenë, por pa myhyr/vulë.[5] Po atë vit, më 6 shtator,[6] qe ndër organizatorët që mësyen kullën e Abdullah pashë Drenit për të shtënë në dorë mareshallin Mehmet Ali pashë Maxharrin që ishte mik tek ai, ndodhi që shënjoi të parin veprim ushtarak të Lidhjes.[7]

Në dhjetor të 1880 Lidhja u riorganizua dhe Vokshi mbajti krahun aktiv autonomist[8] dhe me konfliktimin e Lidhjes me perandorinë, Vokshi luftoi përkrah Haxhi Zekës[9][10] dhe njësitë e tij zunë Shkupin më 4 janar 1881, Prishtinën me 18 janar[11] dhe Mitrovicën.[9][10] Sanxhaqet e Shkupit dhe Prishtinës u futën nën autoritetin e Lidhjes,[11] prej të cilës Vokshi me Ali Ibër Nezajn mbetën dy të patundurit deri në fund.[8] U kap më 1885, fillimisht u dënua me vdekje por më pas Sulltan Abdyl Hamidi II e fali dhe u dënua me internim dhe punë të detyruar.[12] Pas një amnistie të radhës u lirua.

Nderime pas vdekjesRedakto

Me rastin e 100 vjetorit të Lidhjes Shqiptare të Prizrenit, u shpall "Hero i Popullit".[4] Disa institucione të arsimit fillor dhe të mesëm mbajnë emrin e tij.

Shih edheRedakto

ReferimetRedakto

Citimet
  1. ^ Lafe, Emil, red. (2009). Fjalor Enciklopedik Shqiptar [Encyclopedic Dictionary of Albania]. 3. Tiranë: Akademia e Shkencave e Shqipërisë. ff. 2913–2914. ISBN 9789995610272. OCLC 426069353.
  2. ^ Baku, Pasho, red. (2011). "Vokshi, Sulejman". Enciklopedia universale e ilustruar. Tiranë: Shtëpia Botuese Bacchus. ff. 982–983. OCLC 734077163. Burimi ka parametra të panjohur: |dead-url= (Ndihmë!)
  3. ^ Skendi 1967, p. 37.
  4. ^ a b Kraja, Mehmet, red. (2018). "Fjalori Enciklopedik i Kosovës". (Encyclopedic Dictionary of Kosova). 2. Prishtinë: Akademia e Shkencave dhe e Arteve e Kosovës. ff. 1752–1753. ISBN 9789951615846. OCLC 1080379844.
  5. ^ "1878: The Resolutions of the League of Prizren". albanianhistory.net (në anglisht). Përkthyer nga Robert Elsie. Arkivuar nga origjinali origjinali më shkurt 20, 2011. Burimi ka parametra të panjohur: |month= dhe |coauthors= (Ndihmë!)
  6. ^ Vlora, Syrja bej (2013) [1921-1925]. Kujtime, nga fundi i sundimit osman në Luftën e Vlorës (tr. Osmanlı Sonrası Arnavutluk). Përkthyer nga Ali Asllani. Tiranë: Iceberg. f. 37. ISBN 978-9928-4140-4-5.
  7. ^ Frashëri 2002, p. 169
  8. ^ a b Mile, Alma, red. (10 tetor 2012). "Arkivat e huaja: si e mbrojti Ali Ibër Neza Lidhjen e Prizrenit". panorama.com.al. Panorama.
  9. ^ a b Gawrych 2006, pp. 66, 125.
  10. ^ a b Skendi 1967, p. 97-98.
  11. ^ a b Ippen, Theodor (2004) [1916]. "Kontribute historís së mbrêndshme të Shqipnís në qv. XIX" nga Vëzhgime iliro-shqiptare (gj. "Beiträge zur inneren Geschichte Albaniens im XIX. Jahrhundert" auf Illyrisch-Albanische Forschungen)". Përkthyer nga Mustafa Kruja. Shkodër. f. 185. ISBN 99927-56-34-9.
  12. ^ Gawrych 2006, pp. 80-81.
Burimet