Tempulli i Ri Vishvanatha
Tempulli i Ri Vishvanatha (në gjuhën hindi: श्री विश्वनाथ मंदिर), Mandiri i Ri Vishvanatha ose dhe Mandiri i Ri Birla është një nga tempujt më të famshëm dhe tërheqjet më të mëdha turistike në qytetin e shenjtë të Varanasit. I themeluar nga Raja Birla i Familjes Birla, një nga familjet më të mëdha industrialiste në Indi, u ndërtua si një kopje e Tempullit të vjetër Kashi Vishvanatha. Tempulli është projektuar nga Madan Mohan Malaviya (themeluesi i Banaras Hindu University – BHU), si pjesë e kampusit të BHU-së dhe përfaqëson ripërtëritjen kombëtare të Indisë. Tempulli është i hapur për të gjitha kastat dhe besimet. Në kampusin e tij ndodhen nëntë tempuj, ku përfshihen Vishvanathxhi (Shiva lingami), Nataraxhi, Mata Parvatixhi, Ganeshxhi, Mata Sarasvatixhi, Pançmukhi Mahadevi, Hanumanxhi dhe Nandixhi. Tempulli gjendet në kampusin e Benaras Hindu University dhe i është kushtuar adhurimit të perëndisë hindu Shiva dhe në të ndodhen idhujt e Shivës dhe Lakshmi Narajanaxhit. Mandiri i Ri Shri Vishvanatha ka kullën tempullore (shikhara) më të lartë në botë.[1][2][3][4][5][6]
| Tempulli i Ri Vishvanatha | |
|---|---|
| श्री विश्वनाथ मंदिर | |
 Tempulli i Ri Vishvanatha | |
| Emra alternativ | Mandiri i Ri Vishvanatha, Tempulli i Ri Birla |
| Informacion i përgjithshëm | |
| Tipi | tempull hindu |
| Vendndodhja | Benares Hindu University, Varanasi |
| Qyteti | Varanasi |
| Shteti | India |
| Koordinatat | 25°15′58″N 82°59′16″E / 25.266034°N 82.987847°E |
| Lartësia | 86.493 |
| Ndërtimi filloi | 1931 |
| Përfundimi | 1966 |
| Pronar | Familja Birla |
| Lartësia | 86.493 |
| Projektimi dhe ndërtimi | |
| Arkitekt | Madan Mohan Malaviya |
| Main contractor | Birla Group of Industries |
Historia
Redakto
Tempulli i vjetër Kashi Vishvanatha u shkatërrua dhe u rindërtua mjaft herë; në vitin 1194 nga Qutb-ud-din Aibaku, midis viteve 1447-1458 nga Husain Shah Sharki dhe në fund në vitin 1669 nga perandori mogul Aurangzeb. Në vitet 1930, Madan Mohan Malavija planifikoi të kopjonte Tempullin Shri Kashi Vishvanatha në kampusin e Benaras Hindu University. Familja Birla mori përsipër ndërtimin dhe themelimi nisi në mars të vitit 1931. Tempulli përfundoi në vitin 1966.[1][2][3][4][5][6] Ndërtimi i Tempullit të Ri Shri Vishvanatha kërkoi tridhjetë e pesë vjetë për tu përfunduar (1931-1966). Tempulli është një nga më të lartit në Indi dhe kulla e tij (Shikhara) është më e larta në botë, madje edhe më e lartë se Qutub Minar në Nju Delhi. Lartësia e përgjithshme e tempullit është 77 metra. Projekti i tempullit u frymëzua nga Tempulli Kashi Vishvanatha dhe është bërë kryesisht prej mermeri.
Përshkrimi
RedaktoTempulli i Ri Shri Vishvanatha, megjithëse është një tempull kushtuar Shivës, përbëhet nga nëntë tempuj brenda kompleksit dhe është i hapur për të gjitha kastat, fetë dhe besimet. Tempulli i Shivës është në katin përdhes ndërsa tempujt e Lakshmi Narajanit dhe Durgës janë në katin e parë. Tempujt e tjerë brenda Tempullit të Ri Shri Vishvanatha janë ata të Nataraxhas, Mata Parvatit, Ganeshës, Pançmukhi Mahadevit, Hanumanit, Sarasvatit dhe Nandit. Muret e brendshme prej mermeri të tempullit janë të mbushur me ilustrime dhe tekste të Bhagavad Gitas dhe shkrimeve të shenjta hindu.[1][2][3][4][5][6] Mandiri Shri Vishvanatha gjendet 1.7 kilometra në jug-perëndim të hyrjes kryesore të kampusit të Benaras Hindu University. Është 3.3 kilometra në jug-perëndim të Mandirit të Durgës, 7 kilometra në jug-perëndim të Tempullit Kashi Vishvanatha dhe 9 kilometra në jug të Stacionit Hekurudhor të Varanasit. Tempulli është shumë i ngarkuar përditë por në disa raste të veçanta ai bëhet tejet i mbushur nga besimtarë nga India ashtu si dhe nga vende të tjera. Tempulli hapet të gjitha ditët e javës nga ora 4 e mëngjesit deri në orën 12 të mesditës si dhe nga ora 1 pasdite deri në orën 9 të darkës.
- Tempulli i Ri Shri Vishvanatha
-
Shikhara e tempullit. -
Pamje nga këndi veri-lindor i tempullit. -
Statujë e Nandit në anën veriore të tempullit. -
Godinë në kompleksin tempullor. -
Pamje nga ana veriore e tempullit.
.JPG)
Shiko edhe
RedaktoReferime
Redakto- ^ a b c "Brief description" (në anglisht). Benaras Hindu University website. Marrë më 7 mars 2015.
- ^ a b c "The temples" (në anglisht). Benaras Hindu University website. Marrë më 7 mars 2015.
- ^ a b c "Vishwanath Temple" (në anglisht). Wikinapia. Marrë më 7 mars 2015.
- ^ a b c "New Vishwanath Temple" (në anglisht). Varanasi city website. Marrë më 7 mars 2015.
- ^ a b c "Birla Temple" (në anglisht). varanasi.org.in. Marrë më 7 mars 2015.
- ^ a b c "History" (në anglisht). Eastern Uttar Pradesh Tourism website. Arkivuar nga origjinali më 2 prill 2015. Marrë më 7 mars 2015.
| Wikimedia Commons has media related to Tempulli i Ri Vishvantha. |