Festivali i 5-të i Këngës në RTSH

Festivali i 5-të i Këngës në RTSH
Edicioni	5-të
Qyteti	Tirana
Vendi	Shqipëri
Viti	1966
Datat	28-29 Dhjetor
Prezantues	Drita Bardhi dhe Bujar Kapexhiu
Artisti Fitues	Vaçe Zela dhe Ramiz Kovaçi
Kënga Fituese	“"Shqiponjë e lirë", Muzika Pjetër Gaci, Teksti Ismail Kadare”
1965	1967

Parathënie

Përmbledhjet, këngët pjesëmarrëse të secilës natë, fituesit, deri në festivalin e 30-të, këtu e kudo që t'i lexoni, janë hedhur nga Jozef Zamputti që i ka të regjistruara direkt nga festivalet.. Njëlloj janë rregjistruar nga Jozef Zamputti koncertet "Kur vjen pranvera".

Përmbajtja

Festivali i 5-të kishte rrezik të mos zhvillohej fare. Tashmë "revolucionarizimi" nën ndikimin kinez erdhi si një uragan dhe po fshinte çdo gjë të mëparshme. Sapo ishte zhvilluar Kongesi i 5 i PPSh, Kongresi i "revolucionarizimit" dhe po përgatitej fjalimi i Shkurtit 1967 për të "shkulur me rrënjë zakonet prapanike", për të ndaluar përfundimisht fenë. Megjithatë, festivali u zhvillua dhe është i vetmi i zhvilluar vetëm në dy netë: 28-29 dhjetor 1966. U prezantua përsëri nga dyshja Drita Bardhi - Bujar Kapexhiu. Gjithsej u kënduan 13 këngë dhe natën e dytë (finale) dolën 11 këngë.

Tashmë ishte krejt një kohë tjetër. Ritmi i ndezur i festivalit të 2-të, por edhe delikatesa e festivalit te 4-ët, ishin një epokë tjetër. Këngët u shoqëruan nga Orkestra Sinfonike drejtuar nga Ferdinand Deda, Fiqiri Kraja dhe Roland Çene. Tanimë mungonin plotësisht kitarat e bateria. U dëgjua ndonjë notë hareje popullore në disa këngë të shoqëruara nga orkestra me vegla popullore e Kukësit drejtuar nga Zef Gruda.

Edhe këngëtarët pjesëmarrës më shumë janë nga radhët e muzikës klasike (opera) se sa nga muzika e lehtë. Mund të përmendim këngëtarin tenor Nevruz Yzeiri, karriera e të cilit do të ndërpritet pas Festivalit të 10-të. Përmbajtja e shumicës së këngëve është për Partinë, fshatin, "malet që t'i bëjmë si fushat", taracat etj. Akoma nuk ka këngë ku të dëgjohet emri i Enverit. Këto do të fillojne më vonë, ne festivalin e 15-të.

Është hera e parë ku lejohet një kompozitor të marrë pjesë me dy këngë (gjë që do të ndodhë edhe më vonë, por rrallë). Në këtë festival janë tre kompozitorë që marrin pjesë me dy këngë: Nikolla Zoraqi, Agim Prodani dhe Pjetër Gaci.

Fiton kënga "Shqiponjë e lirë" kënduar nga Vaçe Zela dhe Ramiz Kovaçi. Ky është festivali i parë ku fiton kënga e kënduar nga Vaçe Zela.

Nata e parë - 28.12.1966

Radha e prezantimit	Titulli i këngës	Muzika	Teksti	Interpretuesi i parë	Interpretuesi i dytë
1	Kënga jonë e re	Nikolla Zoraqi		Qemal Kërtusha	Nevruz Yzeiri
2	Gëzo rini	Kristo Kote	Luan Qafëzezi	Hysen Koçia	Leonora Pejo
3	Vala e Drinit	Tasim Hoshafi	Llazar Siliqi	Roza Dhami	Xhavit Luti
4	Kur malet kuvendojnë	Agim Prodani		Ibrahim Tukiqi	Qemal Kërtusha
5	Fshati im i dashur	Ruzhdi Keraj	Ruzhdi Keraj	Nevruz Yzeiri	Behar Islami
6	Shqiponje e lirë	Pjetër Gaci	Ismail Kadare	Ramiz Kovaçi	Vaçe Zela
7	Në këngët tona ligjëro	Avni Mula		Ramiz Kovaçi	Gaqo Çako
8	Nënave shqiptare	Nikolla Zoraqi	Luan Qafëzezi	Mentor Xhemali	Vaçe Zela
9	Na presin bjeshkët	Llazar Morcka	Luigj Gurakuqi	Fatmira Puka	Çlirime Duhani
10	Rojet legjendare	Agim Prodani		Ibrahim Tukiqi	Qemal Kërtusha
11	Gjithmonë fluturo	Tonin Harapi		Qemal Kërtusha	Luiza Papa
12	Kur bie fyelli e çiftelia	Pjetër Gaci	Aleksandër Banushi	Vaçe Zela	Roza Dhami
13	Parti, pranverë e kësaj toke	Ferdinand Deda		Hysen Koçia	Gaqo Çako

.

Nata e dytë (finale) - 29.12.1966.

Në natën e dytë dhe finale dolën 11 këngë (pra vetëm 2 u eliminuan) që u kënduan sipas kësaj radhe:

1. Në këngët tona ligjëro
2. Kënga jonë e re
3. Gëzo rini
4. Vala e Drinit
5. Kur malet kuvendojnë
6. Shqiponjë e lirë
7. Nënave shqiptare
8. Rojet legjendare
9. Gjithmonë fluturo
10. Kur bie fyelli e çiftelia
11. Parti, pranverë e kësaj toke

.

Çmimet

Çmimi i parë

• Shqiponjë e lirë - muzika Pjetër Gaci, teksti Ismail Kadare.

Çmimi i dytë

• Kënga jone e re - muzika Nikolla Zoraqi, teksti (?).
• Vala e Drinit - muzika Tasim Hoshafi, teksti Llazar Siliqi.

Çmimi i tretë

• Kur bie fyelli e çiftelia - muzika Pjetër Gaci, teksti Aleksandër Banushi.
• Rojet legjendare - muzika Agim Prodani, teksti (?).

.....